Ананьево айылында бейиттерди белгисиз адамдар талкалап кетти

Ананьево: мүрзөнүн талкаланган белгилерин кайра орнотууга эл жардам бермей болду

366
(жаңыланган 10:53 13.01.2019)
Жергиликтүү эл көр башындагы белгилери талкаланган ар бир бейитти санап чыгып, саны 100гө жакын деп билдиришти.

БИШКЕК, 12-янв. — Sputnik. Ысык-Көл районунун Ананьево айылынын тургундары жергиликтүү бейиттерди талкалагандар мыйзам чегинде жазасын алышын талап кылды. Бул туурасында аймактык кабарчы билдирди.

Ал эми премьер-министр Мухаммедкалый Абылгазиев аталган айылдагы көрүстөндөгү вандализмге күнөөлүүлөрдү таап жана жоопкерчиликке тартууну тапшырды.

  • Погром на православном кладбище в Ананьево
    Ысык-Көл районунун Ананьево айылынын тургундары жергиликтүү бейиттерди талкалагандар мыйзам чегинде жазасын алышын талап кылды.
    © Sputnik
  • Погром на православном кладбище в Ананьево
    Ал эми премьер-министр Мухаммедкалый Абылгазиев аталган айылдагы көрүстөндөгү вандализмге күнөөлүүлөрдү таап жана жоопкерчиликке тартууну тапшырды.
    © Sputnik
  • Погром на православном кладбище в Ананьево
    Эске салсак, 11-январда саат 20.30да белгисиз бирөөлөр көрүстөндөгү чырым белгилерин, эстеликтерди, тосмолорду сындырып, гүлчамбарларды ар тарапка ыргытып кетишкен.
    © Sputnik
  • Погром на православном кладбище в Ананьево
    Мындай көрүнүштү алгач ошол күнү кечинде айылдагы чиркөөнүн башчысы көргөн.
    © Sputnik
1 / 4
© Sputnik
Ысык-Көл районунун Ананьево айылынын тургундары жергиликтүү бейиттерди талкалагандар мыйзам чегинде жазасын алышын талап кылды.

"Биздин өлкө үчүн бул өзгөчө адепсиз көрүнүш, анткени көзү өткөндөрдүн элесин урматтоо — Кыргызстандын элине таандык маанилүү сапаттардын бири эмеспи. Ошондуктан күнөөлүүлөр табылып жана жазага тартылышы керек, ал эми жергиликтүү өз алдынча башкаруу органдары көрүстөндө бузулган эстеликтерди калыбына келтирүүгө көмөктөшүүгө тийиш", — деген Абылгазиев.

Эске салсак, 11-январда саат 20.30да белгисиз бирөөлөр көрүстөндөгү чырым белгилерин, эстеликтерди, тосмолорду сындырып, гүлчамбарларды ар тарапка ыргытып кетишкен. Мындай көрүнүштү алгач ошол күнү кечинде айылдагы чиркөөнүн башчысы көргөн

Айыл активи жергиликтүү бийлик менен бирге түндө барып, ал көрүнүшкө күбө болушкан. Таң атканда айыл тургундары чогулуп, окуя болгон жерге райондун акими жана райондук күч стуруктура башчылары келип, дин аралык жана улут аралык түшүнбөстүктөр болбошу керектиги жөнүндө түшүндүрүү иштери жүргүзүлгөн.

Тургундар бул жорукту айбанчылык деп баалап, ким жасаса да табылып, жазасын алсын деген талап коюуда. Алар көзү өткөндөргө урмат-сый болушу керектигин айтышты.

Аталган айыл өкмөттүн башчысы Таалайбек Кубат уулу Ананьево айылында көп улуттуу эл өз ара ынтымакта жашай турганын айтып, сынган эстелик белгилерди калыбына келтирүү иштери жергиликтүү тургундар менен бирге жүргүзүлөрүн билдирди. Анын айтуусунда, бул жер көрүстөн катары 150-200 жылдан бери колдонулуп келе жатат. Ал 1,5 гектар жерди ээлейт.

Айылдык кеңештин депутаты Алла Щелокова бул иште эч кандай диний маселе жок экенин айтып, аны тентектиктин жыйынтыгы деп баалады. Ал ошондой эле бул кылыкты жасагандарды айыл тургундары да издейт деген пикирин айтты.

Айыл тургуну Зоя Студиникина көрүстөндө кызынын сөөгү жатканын, колу менен кылгандар жазаны мойну менен тартсын деген оюн билдирди.

"Албетте, биз өтө капа болдук. Бул жерде менин кызым жатат. Үч жыл мурда 28 жашында каза болгон. Өзү журналист эле. Бул ишти ким жасаса да алар өз жазасын мыйзам чегинде алышы керек. Биз буга абдан ишенебиз", — деди.

Жергиликтүү эл белгилери талкаланган ар бир бейитти санап чыгып, тизмесин алууда. Алардын эсеби боюнча 100гө жакын деп жатышат.

Бул иш боюнча учурда жергиликтүү укук коргоо кызматкерлери тарабынан териштирүү иштери жүргүзүлүүдө.

366
Белгилер:
чиркөө, нааразычылык акциясы, эл, мүрзө, Ананьево, Ысык-Көл облусу
Тема боюнча
Ысык-Көл: көрүстөндөгү эстеликтерди талкалаган вандал изделүүдө. Сүрөт
Бишкектеги инсталляцияны талкалаган киши изи сууй электе кармалды
Витаминдер. Архив

Адам сынынан кетпеши үчүн витамин ичүүнүн зарылдыгы барбы

20
Адистин айтымында, кайсы бир препаратты ичерден мурда дарыгер менен кеңешүү керек. Ошондой эле витаминдер менен биологиялык активдүү кошулмаларды ири жана ишенимдүү дарыканалардан гана сатып алуу зарыл.

БИШКЕК, 14-июн. — Sputnik. Бой келбети келишимдүү болушун каалаган адамдарга витаминдер менен биологиялык активдүү кошулмалардын кереги бар же жок экенин нутрициолог, фитнес жана дарылоочу көнүгүүлөр боюнча адис Арина Скоромная РИА Новости агенттигине айтып берди.

"Эч бир витамин же биологиялык активдүү кошулмаларды ичпей деле жүрө берсе болот. Бирок дене бой ойдогудай болушу үчүн организмдеги бардык заттар жетиштүү болушу шарт. Витаминдерди тамактан керектүү көлөмдө баары бир ала албайбыз. Алыш үчүн абдан көп тамактанышыбыз керек. Негизи биз сөз кылып жаткан заттар организмге жардамчы катары зарыл", — деди адис.

Ошондой эле Скоромная кайсы бир препаратты ичерден мурда бир ооз дарыгер менен кеңешүү зарылдыгын айтты. Мындан тышкары, ал витаминдер менен биологиялык активдүү кошулмаларды ири жана ишенимдүү дарыканалардан гана сатып алуу керектигин кошумчалады.

20
Белгилер:
арыктоо, организм, адис, ден соолук, витамин
Тема боюнча
Адис: туура эмес арыктаган аялдын этек кири токтоп калышы мүмкүн
Ала-Тоо аянты. Архив

Дүйшөмбүгө карата аба ырайы

518
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

518
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот
Душанбе шаары, Тажикстан. Архив

Душанбеде ШКУнун 20 жылдыгына карата кинофестиваль өтөт

0
Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт.

БИШКЕК, 14-июн. — Sputnik. Душанбе шаарында 29-июндан тарта 2-июлга чейин Шанхай кызматташтык уюмуна (ШКУ) мүчө-мамлекеттердин арасында көркөм жана телефильмдердин фестивалы өтөт. Бул тууралуу Кинематографты колдоо фондунан кабарлашты.

Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт. Жеңүүчүлөргө "Алтын чабалекей" сыйлыгы жана дипломдор ыйгарылат.

Кыргызстандын атынан кайсы тасма көрсөтүлөрү айтыла элек.

Эске салсак, ушул жылдын 15-июнь күнү бирикменин түзүлгөнүнө 20 жыл толот. Буга байланыштуу ар кандай саясий жана маданий иш-чараларды өткөрүү пландалган.

0
Белгилер:
тасма, фестиваль, ШКУ, Тажикстан, Кыргызстан
Тема боюнча
Байге фонду миллион сомдук республикалык айтыш сынагы өтөт
Кыргыздын "Шамбала" тасмасы Испаниядагы кинофестивалга катышат