ИИМ кызматкерлери. Архив

Инспектор маршрутканын айдоочусумун деп калп айтканбы? Милициянын жообу

640
(жаңыланган 13:07 15.01.2019)
Интернетте маршрутка айдоочуларын митингге чыкпагыла деп үгүттөгөн кишинин буга чейин автоинспектордун формасын кийип жүргөн сүрөтү тарап жатат.

БИШКЕК, 14-янв. — Sputnik. Өзүн айдоочумун деп тааныштырып, микроавтобустун айдоочуларын митингге чыкпагыла деп чакырган кишинин ички иштер органдарына эч кандай тиешеси жок. Бул тууралуу ИИМдин Жол кыймылы коопсуздугун камсыздоо башкы башкармалыгынын маалымат кызматы Sputnik Кыргызстан агенттигине билдирди.

13-январда Facebook тармагына өзүн маршруттук таксинин айдоочусумун деп тааныштырган кишинин айдоочуларды митингге чыкпагыла деп чакырган видеосу жарыяланган.

Коомдук активист Болот Ибрагимов видеодогу кишилердин бири автоинспектор болуп иштей турганын же мурда иштеп кеткен болушу мүмкүндүгүн жазды.

Ал эки сүрөттөгү киши бир эле адам деп ойлой турганын жазган.

"Ал ИИМде иштеп, азыр маршрутка айдашы мүмкүн. Же бусиктин айдоочуларынын атынан оперкызматкери митингге чыкпагыла деп үндөп жатабы. Жол кайгуул кызматкеринин формасын кийип алганбы, муну компетенттүү органдар аныкташы керек", — деп жазды ал.

Ибрагимов ошондой эле сүрөттөгү киши аны коркуткан "ништат" (милициянын штаттан тышкаркы кызматкери) экенин, аны жакшы эстеп калганын белгилеген.

Ошондой эле Sputnik Кыргызстан агенттигинин Telegram каналына да маршрутка айдоочусумун деген кишинин милициянын формасын кийип алып жүргөн сүрөтүн окурмандар жөнөтүштү.

640
Белгилер:
Сүрөт, милиция, интернет, Болот Ибрагимов
Тема боюнча
Мэрия: маршрутка айдоочулары митингге чыкпайт
Иштеп, үй-бүлөнү баккан жакшы! Маршрутка айдоочулары видеокайрылуу жасады