Кыргызстандын президенти Сооронбай Жээнбеков. Архив

Жээнбеков 2024-жылга чейин эл таза суу менен толук камсыздалат деп сөз берди

140
(жаңыланган 18:31 14.01.2019)
Таза суу менен камсыздоо боюнча эң начар абал Жалал-Абад облусунда, бул региондун 148 айылында ичүүчү суу жок. Ал эми Кыргызстан боюнча 390 айылда ичүүчү суу көйгөйү бар.

БИШКЕК, 14-янв. — Sputnik. Президент Сооронбай Жээнбеков 2024-жылга чейин Кыргызстандын калкы ичүүчү таза суу менен толук камсыз болорун айтты. Бул тууралуу өлкө башчысынын маалымат кызматы билдирди.

Жээнбеков Архитектура, курулуш жана турак жай-коммуналдык чарба мамлекеттик агенттигинин директору Бактыбек Абдиев, Мамкурулуштун Ичүүчү суу менен камсыздоо жана саркынды суу тармактарын өнүктүрүү департаментинин директору Аскарбек Токтошев жана Коомчулукту өнүктүрүү жана инвестициялоо агенттигинин аткаруучу директору (АРИС) Бекжан Супаналиев менен жолукту.

Маалыматка ылайык, Кыргызстандын 21 шаарында учурда 193 миллион еврого долбоорлор ишке ашырылып жатат. Таза суу менен камсыздоо боюнча эң начар абал Жалал-Абад облусунда, бул региондун 148 айылында ичүүчү суу жок. Ал эми Кыргызстан боюнча 390 айылда ичүүчү таза суу жок.

Мамлекеттик бюджеттен 2019-жылга калкты ичүүчү таза суу менен камсыздоого 350 миллион сом каралып жатат. Ошол эле маалда 2018-жылы 250 миллион сом, ал эми 2014-жылы 25 миллион сом бөлүнгөн.

Президент айрым айылдарда калктын ичүүчү сууга жетишпегендиги өлкөдөгү курч көйгөйлөрдүн бири болуп жатканын айтты.

"Кыргызстандын калкын таза суу менен камсыздоо программасы сөзсүз ишке ашырылат, 2024-жылга чейин Кыргызстандын калкы таза суу менен толук камсыз болот. Бул биздин мамлекетибиздин келечегинин маселеси", — деди өлкө башчысы.

Жээнбеков ошондой эле Кыргызстандын бардык аймактарын таза суу менен камсыздоо анын президенттик мөөнөтүнүн аягына чейин артыкчылыктуу багыттарынын бири экенин эске салды.

Таза суу менен камсыздоо долбоорлорун Дүйнөлүк банк, Ислам өнүктүрүү банкы, Азия өнүктүрүү банкы, ЕРӨБ, Евросоюз, Швейцариялык конфедерация сыяктуу бир катар уюмдар колдойт. Алар таза сууга деп жалпысынан 191 миллион доллар бөлгөн.

140
Белгилер:
долбоорлор, таза суу, Сооронбай Жээнбеков, Кыргызстан
Тема боюнча
Баткен менен Таласты таза суу менен камсыздоого 50 млн. доллар насыя берилет
Кытай компаниясы булак башына таштанды үйүп, Өзгөн элин таза суусуз калтырдыбы
Ооруканадагы оор абалдагы бейтап. Архивдик сүрөт

Пневмониядан былтыр алты айда быйылкыга караганда көп адам өлгөн. Статистика

134
(жаңыланган 09:05 16.07.2020)
Акыркы мезгилде өлкө аймагында коронавирустун жайылып кетиши менен бир топ киши пневмониядан каза болууда.

БИШКЕК, 16-июл. — Sputnik. Өлкөдө жыл сайын өпкө ооруcу менен жарым миллиондон ашык адам жабыркап келет. Алардын 90 пайызга жакыны курч респиратордук инфекция жугузуп ооруканага кайрылса, беш пайыздан ашыгы гана пневмонияга кабылчу.

Бирок март айынан тарта Кыргызстанда коронавирус жайылып, өтүшүп, пневмонияга айланууда. Дарттан өпкөсү жабыркап, ооруканага кайрылгандар, илдет менен алышып айыга албай көз жумгандардын саны акыркы убакта кескин көбөйүп кетти.

Адистер дарттын өтө курч мүнөздө өрчүп, ага кабылган адамдын саламаттыгы тез арада эле начарлап жатканын айтышууда.

Sputnik Кыргызстан агенттиги ал илдеттин статистикасына кайрылып көрдү.

74 эмес! Министрлик пневмониядан каза болгондордун санын тактады

Улуттук статистика комитетинин маалыматына таянсак, өткөн жылы республикада 31 миң 199 адам пневмония дартынан жапа чеккен. Алардын ичинен 26 миң 121 (83,7 пайыз) бейтап 14 жашка чейинки балдар болчу.

Ал эми үстүбүздөгү жылдын алты айында (январь-июнь) өлкө боюнча аталган ооруга 11 миң 873 адам чалдыккан. 2019-жылдын биринчи жарым жылында пневмониядан жапа чеккендердин саны 19 миң 612ден ашкан. Мындайча айтканда, былтыр 7 миң 739 адамга көп катталган.

Ошондой эле 2020-жылдын биринчи жарымында, январь-июнь айларында илдеттен 277 киши көз жумса (июлдун статистикасы кошулган жок), өткөн жылдын алты айында 318 адам каза болгон.

Эгер ар бир облусту өз-өзүнчө алсак, быйыл Жалал-Абад, Ош, Чүй жана Баткен облусунун тургундарында бул оору арбын катталып, Жалал-Абад облусу менен Бишкек шаарында башка аймактарга салыштырмалуу көп киши кайтыш болгон.

Бир суткада 954 адам пневмонияга кабылган. Ооругандардын саны 9 204кө жетти

Бирок акыркы жумаларда пневмония менен ооруп, андан көз жумгандардын саны кескин өсүп кетти. Мисалы, 15-июлда эле 954 кишиден бул илдет табылган. Адистер учурдагы пневмония коронавирустун өтүшүп кеткен формасы экендигин айтышууда.

Саламаттык сактоо министрлиги март айынан бери аталган дарт Кыргызстанда жалпы 571 адамдын өмүрүн алгандыгын билдирди.

Өлкө аймагындагы соңку кабарлар менен биздин Telegram-каналдан таанышып туруңуз.

134
Белгилер:
эпидемия, коронавирус, статистика, пневмония, Кыргызстан
Тема боюнча
Премьер пневмония менен COVID эмне үчүн эки бөлөк саналып жатканын айтты
Такси. Архивдик сүрөт

Россияда төрт жылдан кийин айдоочусу жок таксилер ишке кириши күтүлүүдө

18
(жаңыланган 08:48 16.07.2020)
Москвада ушул тапта эксперименттин алкагында "Яндекс" компаниясы сыналып жатат. Бирок унаалар коомдук жолдордо эмес, жабык аймактар менен полигондордо тестирлөөдөн өтүүдө.

БИШКЕК, 16-июл. — Sputnik. Москвада төрт жылдан кийин алгачкы жолу айдоочусу жок автономдуу таксилер пайда болушу күтүлүп жатат. Бул тууралуу Россиянын транспорт министринин орун басары Алексей Семеновго шилтеме берүү менен "Известия" билдирди.

"Бул ишке кызыкдар мекеме жана компаниялардын (Транспорт министрлиги, Ички иштер министрлиги, Өнөр жай жана соода министрлиги) сунуштамаларынын негизинде иштеп жаткан планды жүзөгө ашыра баштасак, менимче, 2024-жылы айдоочусу жок таксилер кызмат көрсөтүп баштайт", — деген Семенов.

Россияда обочолонуу учурунда таксисттердин 93%ы кирешеден кол жууган

Москвада ушул тапта эксперименттин алкагында "Яндекс" компаниясы сыноодон өтүп жатканы кошумчаланды. Бирок федералдык мыйзамга ылайык, автономдуу унаа шоферу жок коомдук жолдордо жүрө албайт. Жабык аймактар менен полигондордон тестирлөөдөн өтүүдө. Мындай таксилерге оор кырдаалда, анын ичинде аварияга учурап же бузулуп калганда инженер-операторлор жардамга келери айтылат.

18
Белгилер:
Москва, эксперимент, сыноо, унаа, айдоочу, такси
Тема боюнча
Рулга туура отур! Эксперт айдоочунун алты "жаңылыштыгын" атады
Бишкекте такси кызматынын дем алыш күндөрү иштөөсүнө кайра уруксат берилди