Боорсок. Архив

Боорсок, калпак, жумуртка. Интернеттеги кызыган "лайк соодалары"

438
(жаңыланган 17:03 18.01.2019)
Жакында эле жөнөкөй жумуртканын сүрөтү Instagram тармагында лайктар боюнча рекорд койду. Кыргызстандык юзерлер да улуттук буюмдар жана тамак-аштын эсебинен лайк чогултууну чечти.

БИШКЕК, 16-янв. — Sputnik. Кыргызстандагы интернет колдонуучулар Instagram тармагына жумуртка сындуу сүрөт коюп, аны туурап көрүүнү чечти.

Сүрөт @world_record_egg аккантуна жарыяланып, ээси мурдагы лайктарды басып өтүүнү чечкен. Биринчи рекорд модель Кайли Женнерге таандык эле, жаңы төрөлгөн ымыркайдын сүрөтү 18 миллион лайк алган. Ал эми жумуртканы "жактыргандар" 41 миллионго жеткен. Кыргызстанда да аны туурагандар чыкты. 15-январда Instagram тармагында рекорд коебуз деп камынган бир нече аккаунттар ачылды.

record_kyrgyz_boorsok аккаунтунун авторлору кыргыздар боорсокту жакшы көрөт, андыктан 500 миң лайк алышы керек деген максат койду. Учурда жактыргандардын саны 85 миңге чамалады.

world_record_ak_kalpak ээлери боорсоктон да ашууну чечти (учурда 60 миңге чукул лайк). Айтмакчы, мындай аталыштагы баракчалар экөө, аларда жазылган тексттер да бирдей. Биринде лайк 1,5 миңге, ал эми экинчисинде 12 миңге жеткен.

Булардан башка курут менен бешбармакка лайк койгула деген аккаунттар да чыкты.

Социалдык тармактын колдонуучулары рекорддор "оорусуна" ар кыл пикирлерин айтууда.

Алардын ичинен Zara Kalieva аттуу колдонуучу оюн кескин билдириптир.

"Максат — болгону жазылгандардын санын арттыруу. Бир аздан кийин "Өзгөндүн обоилери" деп атап алышат да, акча таба беришет", — деген пикирин билдирген.

Акыркы учурларда улуттук тамак-аштын интернет айдыңында жар салынышы арбый баштады.

Буга чейин улуттук тамактын башында турган бешбармакты арбын көлөмдө жасоо боюнча аракет жасалып, ал Гиннестин рекорддор китебинде катталган.

438
Белгилер:
рекорд, ак калпак, боорсок, бешбармак
Тема боюнча
Бешбармактын Гиннес китебине киргенин тастыктаган сертификат тапшырылды
Президенттин оператору Улан Сатиев. Архив

Президенттин оператору Улан Сатиев КТРК директорунун орун басары болуп бекитилди

28
(жаңыланган 20:26 29.07.2021)
Сатиев буга чейин президенттер Курманбек Бакиев, Роза Отунбаева, Алмазбек Атамбаев, Сооронбай Жээнбеков жана Садыр Жапаровдун оператору болуп эмгектенген.

БИШКЕК, 29-июл. — Sputnik. Улан Сатиев Коомдук телерадиокорпорациясынын башкы директорунун орун басары болуп бекитилди. Бул тууралуу КТРКнын Байкоочулар кеңешинин мүчөсү Жылдызбек Керимбаев Facebook баракчасы аркылуу билдирди.

"Бүгүн КТРКнын Байкоочу кеңешинин жыйыны болуп, анда көпчүлүк добуш менен Улан Сатиевди башкы директордун орун басары ордуна бекиттик. Аны куттуктап, ийгилик каалап коёлу", — деп жазган Керимбаев.

Белгилей кетсек, Улан Сатиев 23-июндан бери Коомдук телерадиокорпорациясынын башкы директорунун орун басарынын милдетин аткарып жаткан.

Ага чейин ал президенттер Курманбек Бакиев, Роза Отунбаева, Алмазбек Атамбаев, Сооронбай Жээнбеков жана Садыр Жапаровдун оператору болуп эмгектенген.

28
Белгилер:
дайындоо, Улан Сатиев, Байкоочу кеңеш, кызмат, директор, КТРК
Тема боюнча
Садыр Жапаровдун облустардагы өкүлдөрү дайындалды. Тизме
Бишкек шаарынын Октябрь районуна жаңы жетекчи келди. Сүрөт
Жүк ташуучу унаалар. Архив

Ысыкта оор жүк ташуучу унаалардын Бишкекте жүрүүсүнө чектөө киргизилет

19
(жаңыланган 19:25 29.07.2021)
Чектөө бардык эле көлөмдүү унааларга тиешелүү эмес. Маселен, жүргүнчү ташыган автобустар шаар ичинде каттай берет.

БИШКЕК, 29-июл. — Sputnik. Бишкекте күндүн табы 28 градустан ашкандан кийин оор жүк ташуучу унаалардын жүрүүсүнө чектөө киргизилет. Бул тууралуу мэриянын маалымат кызматы билдирди.

Мындай чечим 1-сентябрга чейин иштейт. Ага ылайык, ысык болгон күндөрү саат 10:00дөн кечки 20:00гө чейин чоң унаалардын баш калаанын көчөлөрүндө жүрүүсүнө тыюу салынат.

Чектөө 7 тоннадан ашык жүк көтөргөн эң оор салмагы 18 тонна болгон көлөмдүү унааларга тиешелүү. Мындай чара шаар жолдорун сактоо жана узак мезгилге пайдалануу үчүн кабыл алынган.

Чектөөлөрдүн жүргүнчүлөрдү, гуманитардык, көлөмдүү жана атайын жүктөрдү ташуу менен алектенген, уруксат кагаздарынын негизинде колдонулган унааларга тиешеси жок. Чектөө ошондой эле жол куруу, оңдоо жана сактоо ишин жүргүзгөн мэриянын транспортторуна киргизилбейт.

Бүгүн, 29-июлда, Бишкек шаарында абанын табы 30 градустан ашты.

19
Белгилер:
чектөө, жүк ташуучу унаа, ысык, чечим, Бишкек мэриясы
Тема боюнча
Бишкек: коомдук транспортто эми Visa картасы менен да жол кире төлөөгө болот
Бишкекте бир нече көчө оңдоо үчүн жабылат. Тизме