Форвард Криштиану Роналду

Роналду Италияда дарыланган кыргызстандык кызга учурашып, абалын сурады. Сүрөт

10822
(жаңыланган 10:35 19.01.2019)
“Ювентустун” оюнчулары Кыргызстандын эки жараны дарыланып жаткан онкологиялык ооруканага барышты.

БИШКЕК, 16-янв. — Sputnik. Португалиялык белгилүү футболчу Криштиану Роналду рак менен ооруп Италияда дарыланып жаткан кыргызстандык кызга барып, абалын көрдү. Бул тууралуу Facebook баракчасына Улуттук онкология жана гемотология борборунун балдар онкологиясы бөлүмүнүн илимий кызматкери Дамира Байзакова жазды. 

Жаңы жыл алдында италиялык “Ювентус” клубунун оюнчулары Турин шаарында жайгашкан онкологиялык ооруканага барышкан. Кичинекей бейтаптарга Роналду менен Паоло Дибала жана Хуан Куадрадо да барып учурашкан.

Байзакованын айтымында, Кыргызстандан барган кыздын аты Юна, аталган дарттан сөөгү жабыркаган. Дарылануунун эң оор этаптары артта калды. Наристе химиотерапияны Кыргызстандан алып, андан кийинки дарылануу үчүн Туринге келген.

Ошол эле ооруканада дарыланып жаткан Нурпазыл аттуу кыргызстандык баланы туриндик полиция кызматкерлери барып көрүп, белек берип кайтышкан. 

10822
Белгилер:
оорукана, рак, Криштиану Роналду, Италия
Тема боюнча
Дарыга акча таппай акка моюн сунгандар. Ракты жеңүү Кыргызстанда кыйын жана кымбатпы?
Оорумду укса апамдын көзү көрбөй калат. Ракка чалдыккан беш аялдын тагдыры
Мурдагы вице-премьер, Эмгек жана социалдык өнүктүрүү министрлигине сунушталып жаткан Аида Исмаилова. Архив

Исмаилова: өлкөдө коронавирустун экинчи толкуну башталды

4
(жаңыланган 12:27 28.10.2020)
Жыйында депутат Турускулов "бүгүнкү күндө Кыргызстанда коронавирустун экинчи толкуну башталдыбы, ага даярдык кандай?" деген суроону узаткан.

БИШКЕК, 28-окт. — Sputnik. Кыргызстанда коронавирустун экинчи толкуну башталды. Бул тууралуу мурдагы вице-премьер, Эмгек жана социалдык өнүктүрүү министрлигине сунушталып жаткан Аида Исмаилова Жогорку Кеңештин жыйынында айтты.

Анда депутат Жыргалбек Турускулов Исмаиловага "бүгүнкү күндө Кыргызстанда коронавирустун экинчи толкуну башталдыбы, даярдык кандай?" деген суроону узаткан.

"Өкмөт азыркы убакта экинчи толкунга даяр, негиздеме түзүлгөн. Эми негиздеме боюнча иштеш керек. Кээ бир нерселер каражатка такалып жатат. Бирок өкмөт бул боюнча иш жүргүзүүдө. Даярдык жакшы", — деди Исмаилова.

Бирок Турускулов анын жообуна ынанбай, даярдык жок экенин айткан.

Исмаилова депутаттын "Республикалык штабды ким башкарып жатат?" деген суроосуна да тайсалдап так жооп бере алган жок.

"Республикалык штабды премьер-министр жетектечү. Ал жок болгон учурда биринчи вице-премьер, вице-премьерлер башкарчу. Бардык министрлер штабдын курамына кирет", — деди ал.

Бир суткада 538 киши коронавирус жуктуруп, 414 бейтап дартты жеңди

Исмаилова той-аштар экономикага такалган маселе болгондуктан, токтотулбай жатканын айтып, бул боюнча биринчи вице-премьер Артём Новиков менен сүйлөшүү жүрүп жатканын билдирди.

4
Белгилер:
даярдык, толкун, коронавирус, Жыргалбек Турускулов, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Аида Исмаилова эмгек жана социалдык өнүктүрүү министри кызматына сунушталууда
ИИМдин Жол кыймылы коопсуздугун камсыздоо башкы башкармалыгынын жетекчисинин орун басары Нур Сатыбалдиев. Архив

ЖКККББнын жетекчи орун басары коррупцияга шектелип кармалды

47
(жаңыланган 12:03 28.10.2020)
Шектүү УКМКнын тергөө абагына киргизилип, Кылмыш-жаза кодексинин пара алуу беренеси боюнча сотко чейинки өндүрүш иши башталды.

БИШКЕК, 28-окт. – Sputnik. ИИМдин Жол кыймылы коопсуздугун камсыздоо башкы башкармалыгынын жетекчисинин орун басары С.Н.Р. кармалды. Бул тууралуу УКМКдан кабарлашты.

Маалыматка караганда, ЖККББнын жетекчилик кызматтагы адамдары сый акы алганы боюнча коррупциялык схема аныкталган.

УКМК кримтөбөл Камчы Көлбаев бошотулат деген кептерге жооп кайтарды

Ведомстводо мындай инициалдарга туура келген бир эле орун басар бар. Ал - Сатыбалдиев Нур Рысканович. Сатыбалдиев бир жыл мурун Бишкекте түзүлгөн Кайгуул күзөт милициясына адамдарды жумушка алууда акча алып турган деп шектелип жатат.

Мындан сырткары, ал иштеп жаткан милиционерлерди кызматынан көтөрүү үчүн пара алып турганы кабарланды.

Шектүү УКМКнын тергөө абагына киргизилип, Кылмыш-жаза кодексинин 325-беренеси ("Пара алуу") боюнча сотко чейинки өндүрүш башталды.

47
Белгилер:
пара, ЖКККББ, Бишкек, Кыргызстан
Тема боюнча
Ташиев: чек арадагы контрабанданы токтотуп, коррупционерлерди он эселеп төлөтөбүз
УКМК ЖЭБ кызматкерлеринин пара алган мыйзамсыз схемасын аныктады