Жогорку Кеңештин депутаттары. Архивдик сүрөт

Депутат кечирим сурасын! ЖКдан чыгарылган аткаминер боюнча соцтармактагы пикирлер

518
(жаңыланган 21:05 17.01.2019)
Интернетте #ЖК_кечирим_сурасын жана #позорпарламенту сындуу хэштегдер пайда болду

БИШКЕК, 17-янв. — Sputnik. Жогорку Кеңештин вице-спикери, "Өнүгүү-Прогресс" фракциясынын депутаты Мирлан Бакировдун Баштапкы жана орто кесиптик билим берүү агенттигинин финансы-экономика бөлүмүнүн жетекчиси Талантбек Тынысовду дресс-кодду сактабадың деген кине менен парламенттен чыгарып жибергени кыргыз коомчулугунун сынына кабылды. 

Социалдык тармак ушул учурдагы Жогорку Кеңештеги "Кыргызстан" фракциясынын депутаты Алмазбек Токторовдун айтканына да реакциясын билдирди.

Интернет айдыңында бул окуядан улам Жогорку Кеңештин депутаты аткаминерден кечирим сурасын деген пикирлер айтылды.

Бул туурасында Жакшылык Матанов аттуу колдонуучу атайын акцияны демилгеледи.

"Кечирим сурашын баарыбыз талап кылышыбыз шарт! Балким ал киши коррупционер эмес, айлыгы үй-бүлөсүнө араң жетээр. Колунда барын кийип, мамлекет үчүн кызмат кылып жүргөндүр. #ЖК_кечирим_сурасын", —деген ал.

Ал эми акын Бердибек Жамгырчиев бул окуяга карата өзүнүн көз карашын "Кээ бир "манап" депутаттарга" деп аталган "одасы" менен билдирген.

"Кийимиңер жылтырап тазасыңар,
Көгүчкөндөй койкоңдоп басасыңар.
Атыңарды жазалбай жүрөсүңөр,
Анан кайсы мыйзамды жазасыңар.
Кутурбачы пайдасыз ак үйүңдө,
Кудайдын да өзүнчө жазасы бар!", — деген ал.

Ушул эле посттун алдына бир топ комментарийлер жазылып, депутаттын бул кадамын туура эмес деп тапкан пикирди айтышкан. Буга кошумча #позорпарламенту деген да хэштегдерди окууга болот.

Андан сырткары, бул окуяга сарказм менен карап, пикирин калтырган интернет колдонуучулар болду.

"Базарга барып, көйнөк кАстим шым алып коеюн. Кокус жогорку кеңешке барып калсам", — деп жазды Максым Баткенский аттуу жаран.

Журналист Дилбар Алимова кайсы түшүнүк боюнча "бул болот, бул болбойт" деп тандашат деп суроо салган.

"Ал кишини деле көрдүм, кара костюм, шым кийип, папка көтөрүп эле жүргөн. Болгон "айыбы" эле ичинен көйнөк менен галстук эмес, свитер кийиптир. Ошондо ал классикалык кийимге кирбей калабы?", — деген журналист.

Бердибек Жамгырчиев дресс-код боюнча алгачкылардан болуп үн каткан Алмазбек Токторов тууралуу суроо салган.

"Бул кайсы манап депутат? Элдин далай көйгөйүндө үн катпай бирөөнүн кийимине асылып кемсинткен мындай эл өкүлү мурун кайда жаткан???" — деген ал.

Дресс-код боюнча бул окуя депутаттардын коомчулуктун сынына кабылган биринчи жолку учуру эмес. Жогорку Кеңештин дагы бир депутаты Тазабек Икрамов Sputnik Кыргызстан агенттигинин журналистин жакалап, инспекторго тап берген айдоочусунун видеосуна өзүнүн дагы кошулуп калганына нааразы болуп, журналистти "келесоо" деп атаган

Депутат Камчыбек Жолдошбаев эл өкүлдөрүнүн кызматтык унаасыз жүргөнүнө уяларын билдирген. 

518
Белгилер:
Жогорку Кеңеш, Камчыбек Жолдошбаев, Тазабек Икрамов, Мирлан Бакиров
Тема боюнча
Тазабек Икрамов айдоочусунун жаңжалына жооп берип, журналистти "келесоо" деди. Аудио
Камчыбек Жолдошбаев маршруткада жүргөн депутаттардан уяларын айтты
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

21
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

21
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео

80
(жаңыланган 22:29 29.07.2021)
Быйылкы сессиянын жыйынтыкталганына байланыштуу Жогорку Кеңештин спикери сый тамак уюштурганы маалым болду.

БИШКЕК, 29-июл. — Sputnik. Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат.

ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду.

  • Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат
    © Sputnik / Эламан Карымшаков
  • ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду
    © Sputnik / Эламан Карымшаков
1 / 2
© Sputnik / Эламан Карымшаков
Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат

Кабарчы жиберген кадрдан ресторандын алдына жолтандабастар толуп, депутаттар ичине кирип жатканын көрүүгө болот.

Белгилей кетсек, эл өкүлдөрү бүгүн кезексиз жыйындарын жыйынтыктап, каникулга тараган.

Мындан эки күн мурда депутаттарды президент Садыр Жапаров да сый тамакка чакырган эле.

80
Белгилер:
сый тамак, спикер, депутат
Тема боюнча
Качып, жалтактап... Жапаровдун сый тамагына бараткан депутаттардын видеосу
ЖК депутаттары кезексиз жыйындарын аяктап, каникулга тарады