Вице-спикер Мирлан Бакировдун архивдик сүрөтү

Депутат Бакировдун видеосу. Кабинеттен чыкпай, соцтармакка жооп берди

851
(жаңыланган 10:36 18.01.2019)
Видеодон социалдык тармактагы элдин 16-январдагы окуяга көбүрөөк басым жасап жатканын көрүүгө болот.

БИШКЕК, 17-янв. — Sputnik. Баштапкы кесиптик билим берүү агенттигинин өкүлү Талантбек Тынысовго катуу айтып, ордунан тургузуп алып "такалаган" вице-спикер, "Өнүгүү-Прогресс" фракциясынын депутаты Мирлан Бакиров журналисттерге кайрылды.

Видеодон социалдык тармактагы элдин 16-январдагы окуяга көбүрөөк басым жасап жатканын көрүүгө болот.

Эске салсак, Жогорку Кеңештеги "Кыргызстан" фракциясынын депутаты Алмазбек Токторов менен вице-спикер Мирлан Бакиров Баштапкы кесиптик билим берүү агенттигинин өкүлү Талантбек Тынысовду талаптагыдай кийинип келген жоксуң деп Жогорку Кеңештеги жыйын учурунда жемелеп, катуу айткан

Окуядан кийин соцтармак катуу реакция кылып, депутаттын аткаминерден кечирим суроосун талап кылган

Жогорку Кеңештин сайтында депутат жана вице-спикер Мирлан Бакировдун аталган жагдай боюнча берип жаткан жообу жайгаштырылган.

— Социалдык тармакта коомчулук тарабынан катуу сын-пикирге алынып жатат, сиздин жообуңуз кандай? – деп Бакировго ЖКнын маалымат кызматынын жетекчиси Ибрагим Нуракун уулу суроо узаткан.

— Массалык маалымат каражаттарына кайрылып кетет элем, бул бурмаланган тема болуп жатат. Мен ЖКнын комитетинин чечимине ылайык, жыйындан бара беришиңизди суранам деген маселе менен кайрылдым. Чиновник залдан чыгып кетти, — деген депутат.

— Кызматыңыздан ашыкча пайдаланып кеткен жоксузбу, эскертүү берип коюу жетиштүү болбойт беле?— деген суроого ал өзүнүн жообун айткан.

Биринчиден, башка депутаттын эскертүүсүнө, экинчиден, жыйынга даярданып келбептир деген жүйөсүн келтирген.

"…Кечиримдүүлүк улуу касиет. Андан адам кичирейип кетпейт. Эгерде ошол инсандын жеке аброюна, үй-бүлөсүнө, коомчулукка катуу тийип кеткен болсо, мүмкүнчүлүктөн пайдаланып үзүр сурап кетемин", — деди.

Депутат бул видеодо аткаминердин атын атаган жок.

Ал эми Талантбек Тынысов Sputnik Кыргызстан кабарчысынын депутат аны менен байланышып кечирим сурадыбы деген суроосуна "жок" деп жооп берди.

851
Белгилер:
дресс-код, социалдык тармак, Жогорку Кеңеш, Мирлан Бакиров
Тема боюнча
ЖК төрагасы парламентке келген өкмөт өкүлдөрүнүн кийинип келгенин сындады
Медициналык кызматкер ВИЧке кан анализин жүргүзүп жатат

Жалал-Абадда ВИЧ илдетин жуктургандарды аныктоо боюнча акция башталды

43
(жаңыланган 18:19 27.11.2020)
Өнөктүк маалында жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланмакчы.

БИШКЕК, 27-ноя. — Sputnik. Жалал-Абад облусунда "ВИЧ-СПИД илдети боюнча өз макамыңды бил" аттуу акция башталды. Бул тууралуу аталган аймактагы СПИДге каршы күрөшүү жана алдын алуу борборунан билдиришти.

Борбордун башкы дарыгери Элмира Сатарованын айтымында, облус аймагында илдетти жыныстык жол менен жуктуруп алган эркектердин саны өскөн. Мындан улам өзүнүн ВИЧ-инфекциясын жуктуруп алганын билбей жүргөндөрдү эртерээк аныктап, дарылоо максатында атайын иш-чара уюштурулган.

"Акция учурунда жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланат", — деди Сатарова.

Маалым болгондой, облуста илдетти жугузгандардын 62 пайызы ооруну жыныстык жол менен илештирсе, 27 пайызы кан аркылуу, беш пайызы энеден балага жуккан.

Учурда Жалал-Абад облусунда 1 087 адамдын ВИЧ-инфекциясына чалдыккандыгы аныкталган. Жыл башынан бери 36 адам аталган дартты жуктуруп, алардын 56 пайызы эркектер экени кошумчаланды.

43
Белгилер:
акция, аныктоо, оору, ВИЧ, СПИД, Жалал-Абад
Тема боюнча
Кыргызстанда ооруканада ВИЧ/СПИД жуктургандарга компенсация төлөнөт
Мурдагы вице-премьер-министр Тайырбек Сарпашев. Архив

Мыйзамсыз байыган. Экс-вице-премьер Тайырбек Сарпашевге иш козголду

1363
(жаңыланган 18:03 27.11.2020)
Финансы полициясынын кызматкерлери 2020-жылдын ноябрь айында мурдагы аткаминердин үйүн тинтүүгө алган.

БИШКЕК, 27-ноя. — Sputnik. Мурдагы вице-премьер-министр Тайырбек Сарпашевге кылмыш иши козголду. Бул тууралуу Экономикалык кылмыштарга каршы күрөшүү кызматы билдирди.

Маалыматта Финансы полициясы Сарпашевге карата мыйзамсыз баюу фактысы боюнча сотко чейинки өндүрүш баштаганы айтылат.

"Мурдагы вице-премьер С.Т. мамлекеттик мекемеде жетекчилик кызмат ордун ээлеп турганда көп сандаган кыймылдуу жана кыймылсыз мүлктү сатып алган. Кийин аны декларацияларда көрсөтпөстөн жакын туугандарына каттаган", — деп айтылат маалыматта.

Финпол бул сотко чейинки өндүрүштүн алкагында Сарпашев суракка чакырыларын белгиледи.

Белгилей кетсек, Тайырбек Сарпашев 2012-2014-жылдары Кыргызстандын экономика жана инвестиция боюнча вице-премьер-министри болуп эмгектенген. 2020-жылдын ноябрь айында Финпол анын үйүн тинтүүгө алган.

Тергөөгө ылайык, 2016-жылы президенттин аппаратынын кызматкерлери, Мамлекеттик каттоо кызматынын жетекчилиги, судьялар жана сот тутумунун өкүлдөрү соттун чечимдерин жасалмалап, Максим Бакиевге жакын кишилердин мүлкүн камакка алуу чечимин жокко чыгартышкан. Алар муну менен "Г.Э" ишканасынын кызыкчылыгын көздөшкөн. Сарпашев 2015-2017-жылдары Мамлекеттик каттоо кызматынын төрагасы болуп турган.

1363
Белгилер:
мүлк, кылмыш иши, финансы полициясы, Тайырбек Сарпашев
Тема боюнча
Бакиевдин жакындарына жардам берген. Бишкекте мурдагы судья кармалды
Октябрь районунун мурдагы акими Куценко үй камагына чыгарылды
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

60
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

60
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз