Мамалак. Архивдик сүрөт

Аюу алгыла, аюу! Бишкекте 2,5 миң долларга үйрөтүлгөн жырткыч сатылууда

334
(жаңыланган 15:37 25.01.2019)
Экологиялык жана техникалык коопсуздук боюнча мамлекеттик инспекциясынын өкүлү жырткычтын сатылышы боюнча текшерүү иштери болорун айтты.

БИШКЕК, 20-янв. — Sputnik. Борбор калаада үйрөтүлгөн ургаачы аюу сатылып жатат. Бул тууралуу "Бугу-Эне" коомдук фондусунун директору Салтанат Сеитова өзүнүн Facebook баракчасына жазды.

Аюу сатылары тууралуу жарнама берген адамдын жазганына караганда, "жырткыч колго үйрөтүлгөн, чип тагылган жана бардык документтери бар".

Сеитова мурда бул аюу Бишкектеги дүкөндөрдүн биринен кармалган деп божомолдоодо.

"Жаныбар менен ойноп, кызыгы тарагандан кийин сатканы жатышат. Бийлик мындай нерселерге көз жуумп коюуда. "Бардык документтери" дегени эмнеси? Жаныбарды Кыргызстанга алып кирүүгө эмненин негизинде документ алышты?" — деп жазды Сеитова.

Экологиялык жана техникалык коопсуздук боюнча мамлекеттик инспекция жетекчисинин орун басары Расул Артыкбаев Sputnik Кыргызстан агенттигинин кабарчысына жаныбардын сатылышы боюнча текшерүү жүрөрүн айтты.

334
Белгилер:
жарнама, мыйзам, аюу, Бишкек
Тема боюнча
Кыргызстандагы жапайы жаныбарлардын саны көбөйүүдө. Сүрөттөр
Буларды күнүгө көрө бербейбиз. Фотокапканга түшкөн Кыргызстандагы жаныбарлар
Алма сатуу. Архивдик сүрөт

Шерипов: көлдүктөр жаңгакка кызыкдар эмес, алма-өрүккө көнүп алышкан

0
Учурда Жогорку Кеңеште "Жаңгак плантацияларын өндүрүү жөнүндө Кыргыз Республикасынын мыйзам долбоору" экинчи окууда каралып жатат.

БИШКЕК, 3-июн. — Sputnik. Ысык-Көл облусунда жаңгак бышат, бирок көлдүктөр жаңгак өстүрүүгө кызыкдар эмес. Мындай пикирин парламентте Курчап турган чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов билдирди.

Учурда Жогорку Кеңеште "Жаңгак плантацияларын өндүрүү жөнүндө Кыргыз Республикасынын мыйзам долбоору" экинчи окууда каралып жатат.

Депутат Абдыбек Дүйшалиев биосфералык аймак болуп эсептелген Ысык-Көлдө бош жер көп экенин айтып, бул жерде жаңгак бышар-бышпасына кызыкты.

"Көлдө жаңгак бышат жана сапатын жоготпойт. Бирок жергиликтүү эл алма жана өрүк өстүрүп, багбанчылыктын бул түрүн жакшы өздөштүргөн. Бул жемиштер коңшу Казакстанга көп сатылып, жакшы баа болуп берет. Ошол себептен көлдүктөр жаңгак өстүрүүгө кызыкдар эмес. Алар өзгөрүүнү каалабайт", — деди Шерипов.

Ошондой эле ал чындап эле көл аймагында бош жерлер көп экенин айтып, аларды мамлекеттик-жеке өнөктөштүк формасында иштетүүгө кызыкдар экенин кошумчалады.

0
Белгилер:
түшүм, алма, жаңгак, Ысык-Көл, Кыргызстан
Ат-Башыдагы мал базар

Ат-Башыдагы мал базарга башка облус, район соодагерлери киргизилбей турган болду

25
(жаңыланган 16:00 03.06.2020)
Райондогу мал базар иштегени менен ал жакта бир топ чектөө чаралары болот. Ошондой эле башка район, облустун соодагерлери киргизилбей турганы айтылды.

БИШКЕК, 3-июн. — Sputnik. Нарын облусунун Ат-Башы районунда мал базар 7-июндан тарта иштейт. Бул тууралуу район башчысы Нурбек Сатаров брифинг учурунда билдирди.

Анын айтымында, өлкөдө мал базарлардын ишмердүүлүгүнө 21-майдан тарта уруксат берилген. Бирок райондогу мал базар эпидемиологиялык абалдан улам иштей элек болчу.

"7-июнь күнү Ат-Башы мал базары иштеп баштайт, бирок ал жерде чектөөлөр болот. Базарга райондо жашагандар гана бара алат. Башкача айтканда, Нарындан же башка райондон келчү соодагерлер киргизилбейт. Азыр эл жайлоого көчүп, айдап-себүү иштери жүрүүдө. Мындан улам район тургундары, фермерлер малын сатып алсын деп эле базарды ачып жатабыз. Кийим, буюм, тамак-аш азырынча сатылбайт. Базар 14:00гө чейин эле иштеп, анын тегерегине посттор коюлат", — деди Сатаров.

Өкмөттүн Жалал-Абад облусундагы өкүлү Нурболот Мирзахмедов
© Фото / Республиканский штаб КР по борьбе с COVID-19
Район башчысы буга чейин Ат-Башы коронавирустан тазаланганын маалымдаган. Ал жакта жалпы 77 киши вирус илештирип алган.

Аким акыркы 20 күндүн ичинде Ат-Башыда коронавирус жуктургандар катталбаганын айтып, санитардык нормаларды, эрежелерди сактап жаткан район элине ыраазычылык билдирди.

Кыргызстанда жалпысынан алганда коронавирус 1871 адамдан табылды. Алардын арасынан 1265и айыгып, 20 бейтап көз жумду.

25
Белгилер:
эреже, тартип, коронавирус, базар, мал, Ат-Башы, Нарын
Тема:
Коронавируска байланыштуу Кыргызстандагы кырдаал
Тема боюнча
Коронавирустан көз жумган үч бейтап. Министрлик чоо-жайы тууралуу