Кубок Азии по футболу. 1/8 финала. Кыргызстан — ОАЭ

Таштандыны ала кетти. Бишкекте элдин футбол беттешин көргөндөн кийинки видеосу

7192
(жаңыланган 13:12 25.01.2019)
Калаадагы ири соода борборунун алдында күйөрмандар чоң монитордон футбол көрдү.

БИШКЕК, 22-янв. — Sputnik. Азия кубогунун алкагында Кыргызстан менен Бириккен Араб Эмирлигинин курама командалары беттешкен. Аны көргөнү күйөрмандар Бишкектеги соода борборлорунун биринин алдына келген. Оюн бүткөн соң алар ошол жердеги таштандыларды өздөрү менен кошо жыйнап кетишти.

Ал жерге болжол менен миңге чукул адам келди. 

Кыргызстандын курама командасы өзүнүн тарыхында Азия кубогуна гана багыт албастан, плей-оффко өткөн эле. Бирок команда бүгүнкү 2:3 эсебиндеги жеңилүүдөн кийин мындан аркы таймаштарга катыша албайт.

7192
Белгилер:
күйөрман, футбол, Азия кубогу, Бириккен Араб Эмирлиги, Кыргызстан
Тема:
Кыргызстандын Азия кубогуна катышуусу (80)
Тема боюнча
Түн. Бишкекте КР футбол командасына күйөрмандык кылган эл. Фотофакт
Татыктуу ойноду! Кыргызстан футбол беттешинде Бириккен Араб Эмирлигине утулду
Бишкектеги дүңкүлдөгөн барабан, бийлеген эл. Экинчи гол учурундагы видео
Беткап кийген аял. Архивдик сүрөт

Окумуштуулар алсыроону коронавируска мүнөздүү эмес симптом дешти

16
(жаңыланган 09:48 15.08.2020)
Карыларга жүргүзүлгөн иликтөөдө ооруну жугузуп алгандардын көпчүлүгүнүн алы кетип, жалпы абалы начарлаган. Муну окумуштуулар COVID-19дун типтүү эмес белгилерине кошкон.

БИШКЕК, 15-авг. — Sputnik. Чыгыш Англия университетинин окумуштуулары COVID-19 илдетин жашы улгайган адамдар кандай көтөргөнүнө талдоо жүргүзүп, алардын көпчүлүгүндө оорунун типтүү эмес белгилери бар деген жыйынтыкка келишкен. Иликтөө medRxiv порталына жарыяланганын РИА Новости жазды.

Карылар үйүндөгү бейтаптарды байкоо иштери 7-апрелден 29-июнга чейин жүргөн. Тестинде коронавирус аныкталган 103 адамдын 38инде гана коронавирустун стандарттуу симптомдору аныкталган.

"Спутник V". Россиялык вакцинага 20 өлкө кызыгууда. Видео

54 кишиде оорунун эч кандай белгилери байкалган эмес же алар жуктургандан эки аптадан соң билине баштаганы айтылат.

Деген менен оору жуктургандардын көпчүлүгү алсырап, жалпы абалынын начарлаганын сезишкен. Муну окумуштуулар COVID-19дун типтүү эмес белгилерине кошкон.

16
Белгилер:
иликтөө, Англия, симптом, коронавирус
Тема:
Дүйнөгө жайылган коронавирус
Тема боюнча
Коронавирустун экинчи толкунунда дары тартыш болбойбу? Мамрезервдин жообу
АКШда коронавируска чалдыккан балдардын саны кескин өстү
Япония жана Кыргызстандын желектери. Архивдик сүрөт

Япония Кыргызстанга 2,9 млн доллар грант бөлөт. Акча эмнеге жумшалат?

28
(жаңыланган 09:09 15.08.2020)
Буга чейин аталган долбоордун алкагында жергиликтүү 210 мамлекеттик жана муниципалдык кызматкер Японияга жөнөтүлгөн.

БИШКЕК, 15-авг. — Sputnik. Кыргызстан менен Япониянын ортосунда 2,9 миллион долларлык грант келишимине кол коюлду. Бул тууралуу Финансы министрлигинен кабарлашты.

Маалыматка ылайык, ал акча каражатты Япония тарап берип, "Адам ресурстарын өнүктүрүү үчүн стипендиялык программасы" долбооруна жумшалат.

Германия Кыргызстанга 42 миллион евро грант бөлөт. Каражаттар кайда сарпталат

"КРдеги мамлекеттик жана жергиликтүү өз алдынча башкаруу мекемелеринин кадрлары даярдалып, кыргызстандыктар Япониянын эл аралык университеттеринде магистратура жана докторантурада билим алууга мүмкүнчүлүк алат. Окуу коомдук башкаруу, эл аралык мамилелер, маалыматтык-коммуникациялык технологиялар, экономика, айыл чарба жана экологиялык саясат сыяктуу чөйрөлөргө каралган", — деп жазылган билдирүүдө.

Чет өлкөдө окуй тургандар сынак аркылуу тандалып, талапкерлердин академиялык жөндөмдүүлүгү эске алынат.

Министрлик: дем берүүчү гранттардын эсебинен 196 долбоор каржыланат

Буга чейин аталган долбоордун алкагында жергиликтүү 210 мамлекеттик жана муниципалдык кызматкер жөнөтүлгөн. Учурда КРдин 18 жараны магистратурада, экөө изилдөөчү докторантурада билим алууда.

28
Белгилер:
министрлик, грант, акча, Япония, Кыргызстан
Тема боюнча
Кыргызстанга 60 млн доллар бөлүнөт, анын жарымы грант. Акча эмнеге жумшалат?
Министрлик: дем берүүчү гранттардын эсебинен 196 долбоор каржыланат
Германия Кыргызстанга 42 миллион евро грант бөлөт. Каражаттар кайда сарпталат