Кубок Азии по футболу. 1/8 финала. Кыргызстан — ОАЭ

Алкап, сыймыктанып. Футболчу ак шумкарларга жааган соцтармактагы пикирлер

(жаңыланган 12:31 25.01.2019)
Азия кубогунун 1/8 финалында Абу-Даби шаарында Кыргызстандын курама командасы каршылашы Бириккен Араб Эмирлигинин командасына 3:2 эсебинде жеңилди. Анткен менен кыргызстандык футболчулар беттеште чеберчилик менен ойноп, мекендештерине, дегеле жалпы күйөрмандарга кызыктуу жана толкунданткан ирмемдерди тартуулады.

Улуттук курама команданын чейрек финалга чыкпай калышы кыргызстандыктардын футболчуларга болгон нааразылыгын жаратпастан, тескерисинче сыйын арттырып, колдоо сөздөрдү жаадырды.

Sputnik Кыргызстан өлкөнүн ичинде жана сыртында жүргөндөрдүн  социалдык тармактардагы пикирлерин чогултту.

Алардын көбүнөн  улуттук команданын оюнчуларына болгон ыраазылыгын, баалоосун, сыймыктангандыгын окууга болот. 

Адегенде эле Бириккен Араб Эмирлигинен кайткан футболчуларды чоң салтанат менен тосуп алуу туурасында айтышты. 

“Футболчуларыбызды мамлекеттик, Өкмөттүк деңгээлде тосуп алыш керек", — деп жазды Семетей Талас уулу.

Андан сырткары, КТРКнын оюнду баяндап берген комментаторлору калыстардын ишине нааразы болуп, акыйкатсыз кадамдарды жасады деген пикирлерин айтты.  

Мындай маанайдагы посттор интернеттин кыргызча сегментинде арбын болду. Алардын бирин атактуу ырчы Мирбек Атабеков жазды. 

“Калыс, сага кудай өзү калыс болсун”, — деп кайрылган ырчы. 

Эркин Нурбаев аттуу жаран бардык жакшылыктар алдыда деген таризде пикирин калтырган. 

“Акшумкар алга! 

Биздин өлкөгө калыстык керек! 

Кеп, Кытай калыста эмес! 

Баары алдыда!” — деген ал. 

Улуттук команданын оюну сыртта жүргөндөрдү да кайдыгер калтырган жок. Айымкан Кулукеева аттуу интернет колдонуучу жеңишке тете, жеңиштен ашык оюн болгонун билдирди. 

“Жеңишке тете, жеңиштен ашык оюн болду. Бүт дүйнө көрүп турат, калыссыздыкты жана жыгылчаактарды. Жеңиш баары бир биз тарапта”, — деген ал. 

Ал эми Кыргызстандын Катар мамлекетиндеги элчиси Нурлан Ниязалиев да кубанычын жашыра албай, пикирин калтырган. 

“Уттургандан да утканыбыз көп болду”, — деген дипломат. 

Жогорку Кеңештин депутаты  Эльвира Сурабалдиева  жакшы маанайларды тартуулаган курама команда менен сыймыктанарын билдирген. 

“Утулсак да, элибизге чоң дем берген командабыз менен чын жүрөктөн сыймыктанамын. Жеңиштин баары али алдыда “, — деп жазган эл өкүлү. 

Социалдык тармактын дагы бир колдонуучусу спортчуларга мамлекеттик сыйлык берүү маселесин да сунуштап жиберген. 

“Биздин #АкШумкарларгамамлекеттик сыйлыктар жана атайын баалуу белектер берилиши керек деп ойлойм”, — деген ал.   

Президенттин администрациясынын жетекчиси Досалы Эсеналиев сыймык жараткан жигиттерди алкаган. 

“ШУМКАРЛАР ЫРАХМАТ! ЖАЛПЫ ЭЛ СИЛЕР МЕНЕН СЫЙМЫКТАНАТ!” — деген аткаминер.

Пикирлерди топтоп жатып, дагы бир кызыктуу постко туш келдик. Интернеттин дагы бир колдонуучусу Гүлжан Ажыматова аттуу жаран жакшы ой айтыптыр. 

“Кыргызстан жеңсе, мен бешинчисин төрөймүн. Зинадинге шерик керек да”, — деп жазган ал.    

Ал эми көчөгө чыгып күйөрмандык кылган кыргызстандыктар менен келген коноктор оюн учурунда Бишкектин борборуна чогулуп, ар бир голду ураан менен сүрөп турду.

Белгилер:
күйөрман, футбол, Азия кубогу, Бириккен Араб Эмирлиги, Кыргызстан
Тема:
Кыргызстандын Азия кубогуна катышуусу (80)
Тема боюнча
Таштандыны ала кетти. Бишкекте элдин футбол беттешин көргөндөн кийинки видеосу
Түн. Бишкекте КР футбол командасына күйөрмандык кылган эл. Фотофакт
Татыктуу ойноду! Кыргызстан футбол беттешинде Бириккен Араб Эмирлигине утулду
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ошто балдардын жугуштуу илдеттер ооруканасынын жаңы имараты эшигин ачты. Сүрөт

(жаңыланган 21:43 19.04.2021)
100 орунга ылайыкташкан жаңы оорукананын курулушу бир жыл ичинде бүткөн. Ал эми эски имараты толугу менен оңдолгон.

БИШКЕК, 19-апр.— Sputnik. Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди. Бул тууралуу мэриянын маалымат кызматы кабарлады.

Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан. Иш-чарада министр дарыгерлердин айлык акылары көтөрүлө тургандыгын белгилеген.

  • Новая городская детская инфекционная больница на 100 мест в городе Ош
    Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан.
    © Фото / пресс-служба мэрии города Ош
  • Министр здравоохранения Алымкадыр Бейшеналиев и руководители городской мэрии Оша осматривают новую детскую инфекционную больницу
    Иш-чарада министр дарыгерлердин айлык акылары көтөрүлө тургандыгын белгилеген.
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.
    © Фото / пресс-служба мэрии города Ош
1 / 4
© Фото / пресс-служба мэрии города Ош
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.

100 орунга ылайыкташкан оорукананын курулушу бир жыл ичинде бүткөнү айтылды. Ал эми медициналык мекеменин эски имараты толугу менен капиталдык оңдоп-түзөөдөн өткөнү маалым болду.

Белгилер:
азем, ачылыш, министр, оорукана, Ош, Кыргызстан
Тема боюнча
Алай районунда 60 орундуу жугуштуу илдеттер ооруканасы ачылды. Сүрөт