Соттор эми бала зордуктагандардын жазасын жумшартат. Жаңы мыйзам

Жазылуу
Бийлик өкүлдөрү соттук-укуктук реформалар гумандуулукка багытталган деген пикирлерди айтышкан. Карай келгенде ал "гумандуулук" жашы жете электер менен таптакыр эле кичинекей бөбөктөргө да тиешелүү экендигин аңдоого болот.

БИШКЕК, 23-янв. — Sputnik. Жаңы Кылмыш (Жазык) кодексинде эркинен ажыратуу боюнча мөөнөттөрдө өзгөртүүлөр бар. Бул туурасында Кылмыш жана Жоруктар кодекстерин иштеп чыккандардын бири Лейла Сыдыкова айтып берди.

"Жаңы мыйзам боюнча эркинен ажыраткан эң аз мөөнөт 6 ай, эң көп — 15 жыл. Жалпысынан топтом менен (кылмыш жана өкүм) — 20 жыл. Өмүр бою эркинен ажыратуу да жаңы кодексте каралган", — деди ал.

Жогорку Кеңеш уят болдук! Депутаттар жаңы кодекстер тууралуу. Видео - Sputnik Кыргызстан
Жогорку Кеңеш уят болдук! Депутаттар жаңы кодекстер тууралуу. Видео
Балдарга карата зордук-зомбулук маселесинде фактылар көп кездешкендиктен Sputnik Кыргызстан жаңы жана эски кодекстерди салыштырып көрдү.

Бул жаатта балдарга сексуалдык ыдык көрсөткөндөргө карата жаза жумшарган.

Эски кодекстеги 129-берене. Зордуктоо жашы жете электерге карата жасалганда кылмышкер 15 жылдан 20 жылга чейинки мөөнөткө эркинен ажыратылат.

Жаңы кодексте бул 161-берене болуп кеткен. Зордуктоо үчүн жаза 10 жылдан 12 жыл 6 айга чейин жумшартылган. (Мында 5-7 жыл кыскарган!)

Эски кодекстеги 129-берене. Жаш адамга (жаш адам — кичинекей бала. Бул сөз Кылмыш кодексинен өзгөртүүсүз алып берилди — ред.) карата жасалганда 20 жыл же өмүр бою эркинен ажыратуу каралган.

Случаи насилия над детьми - Sputnik Кыргызстан
Баланын кордолгонун көрүп-билген киши кайда кайрыла алат? Облустагы телефондор
Жаңы кодексте бул 161-берене болуп кеткен. Анда 12 жыл 6 айдан 15 жылга чейин эркинен ажыратылып, же болбосо өмүр бою эркинен ажыратууга жазаланат деп ырайым кылынган. (Мында 7 жыл төрт ай кыскарган!)

Бул кыргыз коомчулугунда чуу жаратып, ал тургай Жогорку Кеңештин кароосунан каршылыксыз өтүп кеткени депутаттардын ишмердүүлүгүнүн беделин болуп көрбөгөндөй түшүргөн окуялардын бири болуп калды.

Бийлик өкүлдөрү соттук-укуктук реформалар гумандуулукка багытталган деген пикирлерди айтышкан. Карай келгенде ал "гумандуулук" жашы жете электер менен таптакыр эле кичинекей бөбөктөргө да тиешелүү экендигин аңдоого болот.

Айтмакчы, бул жаңы мыйзамдардагы жалгыз эле алешемдик эмес.

Жаңылыктар түрмөгү
0