Тыйын жана унаа ачкычы. Архив

Акчамды кимге ишенем? ОСАГО полисин берген компанияларга кимдер ээлик кылат

526
(жаңыланган 10:26 26.01.2019)
ОСАГО мыйзамы толгон-токой суроолорду жаратты. Алардын бири — унааны камсыздандыруу үчүн акчаны кайсы компанияга ишенип берүүгө болот?

Өлкөдө жалпы 16 камсыздандыруу компаниясы бар. Азырынча ОСАГО тутуму менен иштешүүгө 9 компания киришип жатат. Алар мыйзам күчүнө киргенден кийин гана тийиштүү документтерди тапшырып, андан соң лицензия алышат.

Камсыздандыруу полисинин базалык тарифи 1680 сомду түзөт. Бирок иш жүзүндө айдоочунун жаш курагына, тажрыйбасына, унаасынын көлөмүнө жана жол кырсыктарынын санына карап эсептелмекчи.

Мындан улам Sputnik Кыргызстан агенттиги ОСАГО полисин берүүгө ниеттенген Кыргызстандагы камсыздандыруу компаниялары жөнүндө маанилүү маалыматтарды топтоду.

Автоунаанын ачкычы жана акча. Архив
© Sputnik / Табылды Кадырбеков
Ишканалар тууралуу материалдар Юстиция министрлигинен алынды. Ал эми алардын бюджетке төлөгөн каражаты боюнча "Ачык бюджет" порталында жазылган. Аталган сайттын ишин жөнгө салып турган "Инфо-система" мекемесинен билдиришкендей, порталга ишканалардын мамлекетке төлөгөн айрым төлөмдөрү киргизилбейт.

Баса, Жогорку Кеңештин айрым депутаттары Автотранспорт каражаттарынын ээсинин жоопкерчилигин милдеттүү камсыздандырууну 2021-жылдын 7-февралына чейин жылдырууну демилгелеп, мыйзам долбоорун коомдук талкууга койду.

Мамлекеттик камсыздандыруу компаниясы

Ишкана 2015-жылдын 28-декабрында түзүлгөн. 100 пайыз Мамлекеттик мүлк фондуна тиешелүү. Төрайымы — Жумагүл Эгембердиева. Былтыр мамлекеттик бюджетке 4 миллион 970 миң сом төккөн. Өлкөнүн бардык региондорунда филиалдары бар.

"Ингосстрах" ("Кыргызинстрах") камсыздандыруу компаниясы

Өзүнүн расмий сайтында көрсөтүлгөндөй, россиялык "Ингосстрах" компаниясы менен биргеликте иштеген кыргызстандык юридикалык тарап. Мындан тышкары, "ИНГО" эл аралык камсыздандыруу тобунун мүчөсү. Учурда бул топко "Ингосстрах" (Россия), "ИНГО-Өзбекстан" (Өзбекстан), "Ингосстрах" (Белоруссия), "ИНГО Армения" (Армения) сыяктуу 12 компания кирет. Кыргызстанда 1996-жылдан бери иштейт. Учурда аны Динара Тезекбаева жетектейт. Былтыр бюджетке 20 миллион 290 миң сом салым кошкон. Бишкек жана Ош шаарларында кеңселери бар.

"Кыргызстан" камсыздандыруу компаниясы

1991-жылы негизделген, жетекчиси — Мария Аденова. Сайтындагы маалыматка караганда, Кыргыз ССРинин мамлекеттик камсыздандыруу ишканасынын мураскери болуп эсептелет. 2018-жылы бюджетке 6 миллион 294 миң сом төлөгөн. Бишкек, Талас, Нарын жана Ош шаарларында филиалдары бар.

"Аманат полис" камсыздандыруу компаниясы

Камсыздандыруу рыногуна чыкканына сегиз жыл болду. Жетекчиси — Азамат Жумашов. Ишкананы "АФИНА ПЛЮС" ЖЧКсы негиздеген. Ага Акун Жээмуратов жана Бакыт Шадыева аттуу жарандар ээлик кылат. Бул компания мурдагы жылдары он миңдеген сом салык төлөп келсе, 2018-жылы эмнегедир 1 407 сом гана төлөгөн. Бишкек шаарынан башка жерде кеңсеси жок.

"Арсеналъ-Кыргызстан" камсыздандыруу компаниясы

Сайтында россиялык "АРСЕНАЛЪ-КАПИТАЛ" ишканасы менен бир акционерлер кеңешине кирери көрсөтүлгөн. Азыркы жетекчиси — Элмира Сейдахметова. 2013-жылы иштей баштаган. 2018-жылы бюджетке 828 миң сом төккөн. Бишкектен башка жерде филиал ачкан эмес.

"АТН полис" камсыздандыруу компаниясы

Түзүлгөнүнө быйыл 17 жыл болуптур. Учурда Нурлан Сулайманов жетектейт. Былтыр мамлекеттик бюджетке 4 миллион 822 сом төлөгөн. Сайтындагы маалыматка караганда, ALLIANZ, Lloyd"s of London, AXA, Dubai Starr жана СОГАЗ сыяктуу чет элдик ишканалар менен кызматташат. Бишкек жана Ош шаарларында филиалдары бар.

"Алма-Иншуренс" камсыздандыруу компаниясы

"Алма-Иншуренс" 2015-жылдын сентябрь айында иштей баштаган. Жетекчиси — Александр Кравченко. Бишкектен башка жерде кеңсеси жок. 2018-жылы бюджетке 660 миң сом төккөн.

"НСК" камсыздандыруу компаниясы

Ишмердүүлүгүн 2007-жылы баштаган. Жетекчиси — Энвер Хавазов, негиздөөчү — Максат Альжанов. Былтыр бюджетке 2 миллион 268 миң сом төккөн. Бишкектен башка аймактарда филиалы жок.

"Аю гарант" камсыздандыруу компаниясы

Көп тармактуу "АЮ Холдинг" ишканасынын бир бөлүгү. Камсыздандыруу боюнча кызматтарын 2012-жылдын 27-декабрынан тарта көрсөтө баштаган. Былтыр бюджетке 4 миллион 509 миң сом төлөгөн. Жетекчиси — Санжар Давлеталиев. Бул компаниянын кызматын Бишкек, Ош жана Талас шаарларынын тургундары колдоно алат.

ОСАГО боюнча иштөөгө азырынча ушул компаниялар ниет кылууда. Тизме уланышы мүмкүн.

Sputnik агенттиги даярдаган материалдан аталган компаниялардын дареги жана байланыш телефондорун дагы таба аласыз.

526
Белгилер:
ОСАГО, факты, компания, унаа, салык, камсыздандыруу, Кыргызстан
Тема боюнча
ОСАГО: камсыздандыруу компанияларынын даректери жана телефондору
Депутаттар ОСАГО полисин алууну 2021-жылга чейин жылдырууну сунуштап жатат
Бишкек шаарындагы 11-кичи районундагы таштанды карьери

Бишкектин 11-кичи районундагы быкшыган түтүн токтой элек. Видео

18
(жаңыланган 00:52 07.08.2020)
Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан.

БИШКЕК, 7-авг. — Sputnik. Бишкек шаарынын 11-кичи районундагы таштанды карьеринин быкшыган түтүнү токтой элек. Анын видеосун шаар тургуну Михаил Дудин Facebook баракчасына жүктөдү.

Буга чейин 5-августта мэриядан таштандылар казылып, түтүн чыгып жаткан жерге муниципалдык кызматтар дароо барып өчүргөнүн айтып, ага "Тазалык" муниципалдык ишканасынын суу ташыган автоунаасы тартылгандыгын кабарлаган.

Мэрия: Бишкектеги 11-кичи райондун карьеринде күйгөн таштандылар өчүрүлдү

Дудин өзүнүн видеосунун алдына акын Корней Чуковскийдин ийгиликсиз өрт өчүрүү жөнүндө жазылган "Путаница" ырын жазып, комментарийде от өчүрүлбөгөндүгүн айткан.

Ал эми Бишкек мэринин кеңешчиси Гуля Алмамбетова эгер таштанды кайра түтөп баштаса, аны өчүрүү иштери улантыла тургандыгын билдирди.

"Шаар тургундары ал жерге таштанды ыргытпашы үчүн тегерегин казып салдык", — деди ал.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

18
Белгилер:
түтүн, таштанды, Бишкек мэриясы
Тема боюнча
Түндө Ошто беш үй өрттөндү. Жалынды өчүрүп жаткандагы видео
Медициналык кызматкерлер. Архив

Медиктерге компенсациялык төлөмдөр үчүн кошумча 430 миллион сом бөлүндү

20
(жаңыланган 22:22 06.08.2020)
Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

БИШКЕК, 6-авг. — Sputnik. Республикалык бюджеттен медицина кызматкерлерине компенсациялык төлөмдөр үчүн кошумча 430 миллион сом бөлүндү. Бул тууралуу өкмөттөн билдиришти.

Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

Бишкекте жок. Акыркы суткада башка аймактардан 37 медиктен COVID аныкталды

"Аталган чечим эпидемия очокторунда оору жугузуп алуу тобокелчилиги жогору болуп иштеген медицина кызматкерлерине дем берүү максатында кабыл алынды", — деп айтылат билдирүүдө.

Эске салсак, жалпысынан республика боюнча COVID-19 диагнозу менен медициналык кызматкерлер арасында 2911 учур катталды, алардын ичинен 1973 ак халатчан  айыкты.

20
Белгилер:
каражат, төлөм, дарыгер, Кыргызстан
Тема боюнча
Медиктерге июль айында 396 млн сом компенсация бөлүнгөн. Облус боюнча тизме