Встреча игроков сборной Кыргызстана по футболу в аэропорту Манас

Ак шумкарлар Бишкекке учуп келди. Биринчи эле эмне дешти

823
(жаңыланган 17:40 25.01.2019)
Кыргызстандын футбол боюнча улуттук командасын "Манас" аэропортунан журналисттер менен күйөрмандар тосуп алышты.

БИШКЕК, 24-янв. — Sputnik. Бириккен Араб Эмирлигинен Кыргызстандын футбол боюнча улуттук командасы учуп келди. Аларды "Манас" аэропортунан журналисттер менен күйөрмандар тосуп алышты.

Футболчуларды күтүп тургандар алар чыгары менен кызуу куттуктап, кыйкырып, колдорун кысып жатышты.

Чабуулчу Виталий Люкс чет элдик жалпыга маалымдоо каражаттарына чыккан материалдарга карабастан, өзүн абдан атактуу деп деле эсептебей турганын, элдин колдоосун сезип жатканын айтты.

"Трибунадан, интернеттен элдин колдоосун кадимкидей сезип турдук", — деди ал.

Люкс филиппиндиктер менен беттеште үч гол киргизип, жылдызы жанган оюнчу.

Ал эми дарбазачы Кутман Кадырбеков чыга келгенде ошол жерде тургандар ыраазылыгын билдирип, кучактап аз жерден аны басып кала жаздады.

Кадырбеков үйүн сагынганын айтты.

"Абдан толкунданып турам. Башка эч нерсе айта албайм!" — деди ал.

Бириккен Араб Эмирлигинин командасы менен болгон оюнда алгачкы голду киргизген Мирлан Мурзаев аны зарыгып күткөндөрдүн "төө бастысында" кала жаздады.

"Мен буга чейин айткам, дагы деле айтмакчымын, биздин күйөрмандар мыктылардын мыктысы", — деди ал.

Ал жерге балдарын тоскону келген ата-энелер кубанычтарын жашыра алган жок.

Бириккен Араб Эмирлигинин командасы менен болгон оюнда экинчи голду киргизген Турсунали Рустамовдун атасы уулу алты жаштан тарта футбол менен машыгып жүргөндүгүн айтып берди.

Sputnik Кыргызстан Мирлан Мурзаев менен Турсунали Рустамовдун үй-бүлөсү менен сүйлөшүп, маек куруп келген.

Быйыл Кыргызстандын курама командасы тарыхта биринчи жолу Азия кубогунда ойноду. Тайпалык этапта кытайлыктар менен түштүккореялыктарга жеңилип, үчүнчү оюнда филиппиндиктерди 3:1 эсеби менен жеңген. Муну менен кыргызстандыктар өз тайпасында үчүнчү орунду алып, 1/8 финалга чыккан. Тилекке каршы, чейрек финалга өтө албай, БАЭге 2:3 эсебинде утулуп калган.

Бирок социалдык тармактын Кыргызстандагы жана дүйнөдөгү колдонуучулары мыкты беттеш болгондугун, Кыргызстандын курама командасынын артыкчылыгын белгилешти.

823
Белгилер:
күйөрман, Азия кубогу, Турсунали Рустамов, Виталий Люкс, Кутман Кадырбеков, Мирлан Мурзаев, Кыргызстан
Тема:
Кыргызстандын Азия кубогуна катышуусу (80)
Тема боюнча
Добуш берели! Мирлан Мурзаев Азия кубогундагы "мыкты голдун" ээси болушу мүмкүн
Гол киргизген Турсунали Рустамов жаңы төрөлгөн кызын көрө элек. Атасынын маеги
Кыргызстан футболчуларын кантип тосуп алат? "Ала-Тоо" аянтындагы иш-чара

Брюс Лини туураган Нурмухаммед өзгөчө өнөрү менен рекорд койду. Видео

32
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.

Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.

Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.

"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.

Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.

Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.

32
Белгилер:
Нурмухаммед Ташмаматов, видео, өнөр, теннис, рекорд, жеткинчек, Россия, Кыргызстан
Тема боюнча
Кыргызстандык кыз "Лучше всех" шоусунда спорттун өзгөчө түрүн көрсөттү. Видео
Тазалык ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

Бишкекте таңда унаа коюп, ооруканага түшкөн "Тазалыкчынын" абалы айтылды

18
(жаңыланган 18:19 01.03.2021)
Бир нече күн мурун ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

БИШКЕК, 1-мар. — Sputnik. Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди. Бул тууралуу мэриянын маалымат кызматы кабарлады.

Билдирмеге ылайык, бир нече күн мурун таңкы саат 6:30да ишкананын кызматкери Мадина Токобаева апасы Жылдыз Орозалиева менен Каралаев жана Сүйөркулов көчөлөрүнүн кесилишиндеги жолду тазалап жатышкан.

"Эки кызматкер тең өңү чагылышып турган атайын жилеттерди кийгени менен Каралаев көчөсү менен түштүк-чыгыш тараптан катуу ылдамдыкта келе жаткан BMW үлгүсүндөгү кара түстөгү унаа Мадина Токобаеваны сүзүп кеткен. Ал бети-башы канжалап, эс-учун жоготуп жатып калган. Энеси айдоочунун унаасынын номерин караганга жетишкен эмес, ал из жашырып кеткен", — деп айтылат маалыматта.

Токобаева Тез жардам кызматынын унаасында эсине келген, учурда Бишкек шаардык травматология жана ортопедия илим-изилдөө борборунда дарыланууда. Мээси чайкалып, буту сынып, көзү-башы көгөрүп, шишигени белгилүү болду. 

Исполняющий обязанности мэра Бактыбек Кудайбергенов навестил работницу муниципального предприятия Тазалык, пострадавшую в результате наезда
© пресс-служба мэрии города Бишкек
Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди
"Бүгүн мэрдин милдетин аткаруучу Бактыбек Кудайбергенов жана вице-мэр Жамалбек Ырсалиев ооруканага келип кызматкердин абалын билип кетти. Кыздын абалы бир аз жакшырып, өз алдынча отуруп калды", — деп жазылган билдирмеде.

Мэрия кошумчалагандай, жол кырсыгынан кийин айдоочунун тууганы делген Фархад аттуу адам Токобаеванын дарылануусуна жардам бергени айтылган. Рулда 17 жаштагы бала болгон. Жол кырсыгынын себеби аныкталып жатат.

Ошондой эле "Тазалыктын" кызматкерлери камсыздандырылганы, ишкана материалдык жардам көрсөткөнү белгиленди.

18
Белгилер:
мэр, жол кырсык, кызматкер, МП "Тазалык", Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкектин чок ортосунда тайгаланган автоунаа арыкка түшүп кетти. Видео
Бишкекте Subaru түркүктү сүзүп, ал унаанын үстүнө кулаган. Кырсыктын видеосу