Ооруканадагы бейтаптар. Архив

Импотенцияны дарылоонун эки жолу бар. Урологдун кеңеши

4386
(жаңыланган 13:07 26.01.2019)
Дарыгер импотенцияны өз алдынча дарылоо туура эместигин, "алсыроонун" алгачкы белгилери пайда болгондо эле уролог-андрологго кайрылуу керектигин айтты.

БИШКЕК, 26-янв. — Sputnik. Эркектин бел күчүн калыбына келтирүүнүн эки жолу бар. Алар кайсы ыкмалар экенин Европалык урологдор ассоциациясынын мүчөсү, медицина илимдеринин кандидаты Зуфар Хакимходжаев Sputnik Кыргызстан агенттигине айтып берди.

"Биринчи ыкмасы — дары-дармек, укол, мазь жана гелдер. Мындан тышкары, жыныстык органдагы кандын жүгүрүүсүн жакшыртуучу терапияларды жасаган аппараттар жардам бере алат. Бирок кээ бир учурда бул нерселер да алсыз болот. Анда операция кылууга туура келет", — деп түшүндүрдү Хакимходжаев.

Адистин айтымында, дарылоонун эки жолу тең көпчүлүк учурда оң таасирин берип, кийин эркектин сексуалдык жактан толук кандуу, сапаттуу өмүр сүрүшүнө шарт түзөт.

Ошондой эле дарыгер импотенцияны өз алдынча дарылоо туура эместигин, "алсыроонун" алгачкы белгилери пайда болгондо эле уролог-андрологго кайрылуу керектигин эскертти.

4386
Белгилер:
импотенция, уролог, Зуфар Хакимходжаев
Тема боюнча
Импотенция жаш-карыга карабайт. Оорунун себептери тууралуу
Окумуштуулар импотенцияга себепчи болгон генди тапты
COVID-19 сыноо лабораториясынын кызматкери

Өткөн суткада 931 кишиден коронавирус табылып, 8 бейтап көз жумду

10
(жаңыланган 11:40 22.06.2021)
Кечээтен бери Бишкектен эле 435 адамдан COVID аныкталган. Азыркы тапта ооруканаларда дарыланып жаткандардын ичинен 93 бейтаптын абалы өтө оор деп бааланды.

БИШКЕК, 22-июн. — Sputnik. Бир сутка ичинде Кыргызстанда 931 кишиден коронавирус аныкталып, 522 бейтап айыкты. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

Билдирмеге караганда, оору жуктургандардын басымдуу бөлүгү ордо калаада.

Жуктургандар:

  • Бишкек – 435;
  • Ош – 147;
  • Чүй облусу – 129;
  • Ош облусу – 93;
  • Талас облусу – 4;
  • Нарын облусу – 5;
  • Ысык-Көл облусу – 27;
  • Жалал-Абад облусу – 50;
  • Баткен облусу – 41.

Ушуну менен өлкөдө илдет илештиргендердин жалпы саны 116 546га жетип, анын ичинен 105 932 адам дартты жеңди.

Айыккандар:

  • Бишкек – 232;
  • Ош – 119;
  • Чүй облусу – 34;
  • Ош облусу – 74;
  • Талас облусу – 3;
  • Нарын облусу – 7;
  • Ысык-Көл облусу – 12;
  • Жалал-Абад облусу – 22;
  • Баткен облусу – 19.

Тилекке каршы, өткөн суткада коронавирус сегиз адамдын өмүрүн алган. Анын ичинен бешөө Бишкекте катталса, Чүйдө экөө, Ош облусунда бир адам каза тапкан. Жалпысынан коронавирустан 1 945 бейтап көз жумду.

Азыркы тапта 2 436 киши ооруканаларда дарыланып жатат. Анын ичинен 708и оор абалда болсо, 93 бейтаптын абалы өтө оор деп бааланды.

10
Белгилер:
бейтап, статистика, оору, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID жуктургандарды оорукана кандай шарт менен кабыл алат? Расмий жооп
Өспүрүмдөр COVID-19га каршы эмделиши керек. Себебин адис түшүндүрдү
COVID-19 эмдөө пунктунда адамдар

Өспүрүмдөр COVID-19га каршы эмделиши керек. Себебин адис түшүндүрдү

46
(жаңыланган 10:48 22.06.2021)
Июль айынан тарта Россияда "Спутник V" вакцинасы 12-17 жаштагыларга кандай таасир этери изилдене баштайт. Ал эми Pfizer вакцинасы 2021-жылдын март айында 12 жаштан жогорку балдарга жарайт деген бүтүм чыккан.

БИШКЕК, 22-июн. — Sputnik. Өспүрүмдөр адатта COVID менен жеңил формада оорушат. Бирок алар дайыма чоңдор менен байланышта болгондуктан, аларга жугузуп салбоо үчүн вакцина алышы керек. Бул тууралуу "Известия" басылмасына BestDoctor аталышындагы медицинаны өнүктүрүү департаментинин жетекчиси Юлия Ткаченко билдирди.

Ошол эле учурда дарыгер балдар коронавирустун жаңы штаммдарын, анын ичинде "индия" штаммын кандай кабыл алары тууралуу маалыматтар жок экенин айтат.

"Өспүрүмдөргө эмдөө эмне үчүн зарыл? Алар инфекция жуктуруу жагынан негизги звено болуп эсептелет. Өздөрү ооруну жеңил көтөргөнү менен ар дайым ата-энеси, чоң ата, чоң апасы же башка жашы өтүп калган туугандарына жуктуруп коюшу мүмкүн", — деди Ткаченко.

Июль айынан тарта Россияда "Спутник V" вакцинасы 12-17 жаштагыларга кандай таасир этери изилдене баштайт. Дарыгердин айтымында, бул нерсе жаңылык эмес. 2021-жылдын март айында Pfizer вакцинасы 12 жаштан жогорку балдарга жарайт деген бүтүм чыккан. Ал эми AstraZeneca вакцинасы кыйыр таасиринен улам изилдөөгө алынбай токтоп турат.

46
Белгилер:
эмдөө, коронавирус, өспүрүм, вакцина, Россия
Тема:
Дүйнөгө жайылган коронавирус
Тема боюнча
Окумуштуу "индия" штаммынын "куулугун" айтып берди
COVID жуктургандар кайда кайрылат. Бишкектин ооруканаларындагы бош орундар
Ок атуу спорту боюнча Кыргызстандын курама командасынын мүчөсү Каныкей Кубанычбекова

Ок атуу спорту боюнча Каныкей Кубанычбекова Олимпиадага жолдомо алды

0
(жаңыланган 11:41 22.06.2021)
Кубанычбекова 2020 жана 2021-жылдагы Кыргызстан кубокторунун лидери. Ал ок атуу боюнча Олимпиадага катышуу үчүн лицензия алган биринчи спортчу болду.

БИШКЕК, 21-июн. — Sputnik. Ок атуу спорту боюнча Кыргызстандын курама командасынын мүчөсү Каныкей Кубанычбекова Токиодо өтө турган XXXII жайкы Олимпиада оюндарына лицензия алды. Бул туурасында Жаштар иши, дене тарбия жана спорт боюнча агенттиктен кабарлашты.

  • Член национальной сборной команды КР по пулевой стрельбе Каныкей Кубанычбекова получила лицензию на XXXII летние Олимпийские игры в Токио.
    Ок атуу спорту боюнча Кыргызстандын курама командасынын мүчөсү Каныкей Кубанычбекова Токиодо өтө турган XXXII жайкы Олимпиада оюндарына лицензия алды
    © Фото / Государственное агентство по делам молодежи, физической культуры и спорта при ПКР
  • Член национальной сборной команды КР по пулевой стрельбе Каныкей Кубанычбекова получила лицензию на XXXII летние Олимпийские игры в Токио.
    Бул аялдар арасында ок атуу боюнча оффлайн жана онлайн түрүндө өткөн көнүгүүлөрдүн эл аралык таймашынын жыйынтыгында белгилүү болгон
    © Фото / Государственное агентство по делам молодежи, физической культуры и спорта при ПКР
1 / 2
© Фото / Государственное агентство по делам молодежи, физической культуры и спорта при ПКР
Ок атуу спорту боюнча Кыргызстандын курама командасынын мүчөсү Каныкей Кубанычбекова Токиодо өтө турган XXXII жайкы Олимпиада оюндарына лицензия алды

Бул аялдар арасында ок атуу боюнча оффлайн жана онлайн түрүндө өткөн көнүгүүлөрдүн эл аралык таймашынын жыйынтыгында белгилүү болгон.

"Лицензия алууга квалификациялык чакан стандарттарды (MQS) Казакстан, Индия, Кувейт, Азербайжанда өткөн эл аралык турнирлерге катышып аткарганы да жардамын тийгизди. Рейтингде ортодон жогору орунга жетишкен жыйынтыктары үчүн Кубанычбекова Токиодо өтө турган Олимпиада оюндарына жолдомо алды", — деп айтылат маалыматта.

Кыргызстандык оор атлетчи Бакдөөлөт Расулбеков машыктыруучулар менен
© Фото / предоставлено директором СДЮСШОР Уланбеком Молдодосовым
Кубанычбекова 2020 жана 2021-жылдагы Кыргызстан кубокторунун лидери.

2017-жылы эл аралык Intershot (Амстердам, Нидерланд) турниринде коло медаль алган. Өспүрүмдөрдүн ок атуу боюнча курама командасынын улук машыктыруучусу.

Каныкей Кубанычбекова ок атуу спорту боюнча Олимпиадага катышуу үчүн лицензияны алган биринчи спортчу.

0
Белгилер:
Каныкей Кубанычбекова, лицензия, Олимпиадалык оюндар, Токио, Кыргызстан
Тема:
2021-жылы Токиодо өтө турган Олимпиада оюндары
Тема боюнча
Спортчу Арстанбек Базаркулов Паралимпиадага жолдомо алды