Кызыңызга ат кое албай жатасызбы? "Манас" эпосундагы ысымдардын тизмеси
(жаңыланган 13:54 30.01.2019)
"Ааламга адам келди, ат коелу" демекчи, кичинекей бала аман-эсен төрөлгөндөн кийин ага ысым ыйгаруу дагы маанилүү учурлардан болуп эсептелет. Өзгөчө кыз балага жарашыктуу ат бергенге аракет кылабыз. Мындан улам Sputnik Кыргызстан маалымат агенттиги кыргыздардын нукура аттарын тапканга аракет кылды.Редакция "Тибиртке" рубрикасынын кезектеги чыгарылышында 1995-жылы жарык көргөн "Манас энциклопедиясы" китебин барактады. "Манас" эпосунда жалпысынан 500дөн ашык каармандын аты аталат. Анын жарымынан көбүн эркектер түзөт. Биз бул жолу айрым кыз-келиндердин ысымына токтолдук.
- Адирабийга — Санирабиганын (Каныкей) эжеси;
- Акмама — Санирабиганын (Каныкей) энеси;
- Айымжан — Каныкейдин нөкөрү (кызматчы — ред.);
- Арышкан — Каныкейдин нөкөрү;
- Азелкан — Каныкейдин нөкөрү;
- Акеркеч — Көкчөнүн аялы;
- Акканыш — Көкөтөйдүн ашында Аккан кандын аялы экендиги айтылат;
- Арууке — Алмамбеттин аялы;
- Акылай — Шооруктун кызы, Манастын аялы;
- Айчүрөк — Акун кандын кызы, Семетейдин жубайы;
- Акбермет — Сейтектин колуктусу;
- Балкыя — Каныкейдин нөкөрү;
- Бакдөөлөт — Жакыптын кичүү аялы;
- Бегимжан — Айчүрөктүн нөкөрлөрүнүн башчысы;
- Бурмажан — Каныкейдин нөкөрү;
- Гүлканыш — Көкөтөйдүн аялы;
- Жайнаке — Кыястын аялы, Жанаалынын кызы;
- Жанымжан — Каныкейдин нөкөр кыздарынын бири;
- Канымжан — Айчүрөктүн нөкөрү;
- Карлыгач — Манастын карындашы;
- Күнүкөй — Күнкандын кызы;
- Калбүбү — Каныкейдин нөкөрү;
- Каныкей — Манастын аялы;
- Карабөрк — Манастын биринчи аялы;
- Канышай — Бокмурундун колуктусу;
- Нааркүл — Манас күйөөлөп барганда Каныкейдин эшигин тосуп турган жети нөкөрдүн бири;
- Мунускан — Каныкейдин нөкөрү;
- Сайкал — баатыр кыз;
- Санирабийга — Манастын аялы;
- Сейилсам — Каныкейдин нөкөрү;
- Серсебай — Каныкейдин нөкөрү;
- Сулайка — Каныкейдин нөкөрү;
- Сыягүл — Каныкейдин нөкөрү;
- Талбаарам — Каныкейдин нөкөрү;
- Чыйырды — Манастын энеси;
- Чынаяткан — Каныкейдин нөкөрү.
Географияны мыкты билген үй-жайсыз Кайрат паспорт алды
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.
Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.
Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.
Белгилер:
Москвада чектөөлөр коронавирустун вакцинасы чыкканга чейин улантылат
(жаңыланган 22:43 28.05.2020)
Шаар мэри май айында вирустан каза тапкандардын саны мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.
Анын айтымында, чектөө чаралары коронавирустун вакцинасы табылмайынча созулмакчы.
"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.
Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.
Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.
Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.