Жүк ташуучу унаанын айдоочусу. Архивдик сүрөт

ЖК ойлонуп, өкмөт толгонгуча айдоочулар ишсиз калды. Лицензия качан берилет?

870
(жаңыланган 14:46 01.02.2019)
Ушу тапта иштөө үчүн лицензия ала албай, 1500дөй жүк ташуучу унаа (ар биринде 2-3төн айдоочу) токтоп турат. Буга кошумча Бишкекте эле 1000ге чукул маршруттук такси уруксат ала албай иштеп жатканы аныкталды. Айдоочулардын лицензия ала албай жатканына мыйзамдагы мүчүлүштүк себеп болууда.

1-январдан тарта күчүнө кирген мыйзамда жүк жана жүргүнчү ташыган унааларга лицензия берүүнүн баасы белгиленбей калган. Иштебей турган айдоочулардын саны күндөн-күнгө өсөрү айдан ачык. Алар өкмөткө да, Жогорку Кеңешке да кат менен кайрылып, жооп ала алган эмес. Sputnik Кыргызстан маселени иликтеп көрдү.

Айдоочулардын үнү

Соода-өнөр жай палатасынын транспорт боюнча комитетинин төрагасы, чет мамлекеттерге жүк ташууну камсыздаган фирмалардын биринин жетекчиси Талантбек Маткерим уулу келип чыккан көйгөйдөн канчалаган айдоочу ишсиз калып жатканын айтты. 

Председатель подкомитета ТПП КР по транспорту Маткерим уулу Талантбек во время интервью на радиостудии Sputnik Кыргызстан
© Sputnik / Азамат Тотубаев
Соода-өнөр жай палатасынын транспорт боюнча комитетинин төрагасы, чет мамлекеттерге жүк ташууну камсыздаган фирмалардын биринин жетекчиси Талантбек Маткерим уулу

"Жаңы кодекстер ишке кирген 1-январдан тартып эле ушул көйгөйгө туш болдук. Биз бул боюнча Транспорт жана жолдор министрлигине бир нече жолу кайрылдык. Алар бизге мыйзам оңдоп-түзөлгөнчө эски баа менен лицензия бере берсе болмок. Мурда юридикалык жактар 1000 сомдон, жеке тараптар 500 сомдон төлөп лицензия алчубуз. Жаңы мыйзам ишке кирсе, баа жогорулайт деп айтышкан. Бизге эски баа менен бере беришсе, айырмасын кийин төлөгөнгө даярбыз. Учурда лицензиясынын мөөнөтү бүтүп 1500 унаа токтоп турат. Алардын ар биринде 2-3төн айдоочу болот. Канча деген айдоочу ишсиз калууда. Чет мамлекеттеги биз менен келишим түзгөн компаниялар да товарды убагында жеткирип бере албаганыбыз үчүн биз менен келишимдерди бузуу ниеттерин билдиришүүдө. Маселени тез арада чечип берүү үчүн Жогорку Кеңешке, төрага Дастан Жумабековдун атына кат жолдогонбуз, бирок азырынча эч кандай жооп ала элекпиз", — деди Маткерим уулу.

Министрлик эмне дейт?

Айдоочулар менен сүйлөшүүлөр жүрүп жатканын айткан Транспорт жана жолдор министрлигинин алдындагы Автомобиль, суу транспорту жана салмак габаритти контролдоо агенттигинин директорунун орун басары Арслан Касымалы уулу тиешелүү документ өкмөткө жиберилгендигин билдирди. 

"Жүк жана жүргүнчү ташуучу автоунааларга документ "Лицензия жана уруксат кагаздарын берүү системасы" деген мыйзамдын алкагында берилет. Бирок жаңы мыйзамдарга ылайык, лицензия берүүдө мамлекет тарабынан алына турчу алымдардын наркы белгиленбей калган. "Салык эмес кирешелер жөнүндө" КРдин мыйзамынын 139-беренесинде "алымдар Жогорку Кеңештин макулдугу менен өкмөт тарабынан белгилениши керек" деп жазылган. Бул маселени чечүү үчүн Юстиция министрлиги токтомдун долбоорун иштеп чыгып, тиешелүү мекемелер менен макулдашып, өкмөткө жөнөткөн. Өз кезегинде өкмөт ЖКга жибергендигин маалымдады. Учурда көйгөй башка мамлекеттерге жүк жана жүргүнчү ташыган унааларда гана жаралууда. Өлкө ичинде жүргүнчү жана жүк ташыган транспорттордо мындай маселе жок", — деди аткаминер.

Лицензияны шаардагы маршруттук таксилер да ала албай жатат

Транспорт министрлиги "өлкө ичинде мындай көйгөй жок" дегени менен "Альянс бус" жүргүнчү жана жүк ташуучулар ассоциациясынын төрагасы Григорий Николаидинин айтуусу боюнча аталган маселе борбор калаадагы маршруттук таксилерге да таасирин тийгизди. Жыл башынан бери эле 1000ге чукул маршруттук таксинин лицензия мөөнөтү бүткөн. 

Председатель ассоциации перевозчиков Альянс Бус Григорий Николаиди на пресс-конференции в мультимедийном пресс-центре Sputnik Кыргызстан
© Sputnik / Максат Элебесов
Транспорт министрлиги "өлкө ичинде мындай көйгөй жок" дегени менен "Альянс бус" жүргүнчү жана жүк ташуучулар ассоциациясынын төрагасы Григорий Николаиди

"Транспорт министрлиги жаңы мыйзамдарда лицензия наркы көрсөтүлбөй калгандыгы үчүн алар бизге лицензия бере албай турганын айтышкан. Бирок лицензиясынын мөөнөтү бүтүп калган айдоочуларга камсыздандыруу полиси менен иштей бергенге уруксат беришкен. Учурда шаар ичинде 1000ге чукул айдоочу лицензиясы жок каттамдарга чыгууга аргасыз болууда. Албетте, бул биздин ишибизге тоскоолдук жаратат. Маселени тез арада чечип берүүнү суранып, өкмөт башчы Мухаммедкалый Абылгазиевге кат жибергенбиз. Жообун ала элекпиз", — деди жетекчи.

Депутаттардын кабары жок…

Маселенин учугу Жогорку Кеңешке барып такалган соң бул багытта жооп алууга парламенттин Транспорт, коммуникация, архитектура жана курулуш комитетинин төрайымы Махабат Мавлянова менен байланыштык. Алгач эл өкүлү жаралган көйгөй боюнча кабары жок экенин билдирди. 

Депутат ЖК Махабат Мавлянова в редакции Sputnik Кыргызстан
© Sputnik / Азамат Тотубаев
Парламенттин Транспорт, коммуникация, архитектура жана курулуш комитетинин төрайымы Махабат Мавлянова

"Менин билишимче, бул Түркияга каттаган айдоочуларга гана байланышкан маселе. Башка өлкөлөргө жүк ташыган айдоочулардын көйгөйү бар экенин укпаптырмын", — деди депутат.

Бирок бир нече мүнөттөн кийин кайра чалып, маселенин чоо-жайы менен таанышканын белгиледи.

"Мен азыр эле тиешелүү тармактарга чалып, билдим. Чындыгында жаңы кабыл алынган мыйзамдардагы мүчүлүштүктөрдөн улам көйгөй жаралыптыр. Бул боюнча жүк ташуучу фирмалардын жазган катын алдым. Ушул тармакты тейлеген вице-премьер менен байланыштым. Документ Жогорку Кеңешке келип түшүптүр. Биз аны жакынкы күндөрү карап чыгып, биринчи окууда эле кабыл алып беребиз", — деди Мавлянова.

Баса, Түркия тууралуу эл өкүлү айтпаса, биз билбей деле калмак окшойбуз. Эки мамлекет ортосунда дипломатиялык негизде белгилүү бир өлчөмдө эки тараптуу жүк ташууларга уруксат берүү каралган. Буга тиешелүү документтер Түркия тарабынан былтыркы жылдын ноябрь айында эле Кыргызстанга жиберилген. Бирок Транспорт жана жолдор министрлигине азыркыга чейин бул меселе боюнча эч кандай документтер келе элек. Алар элчиликтеби же башка бир жерде унутта калдыбы, бул өзүнчө маселе….

870
Белгилер:
унаа, жүк ташуучулар, лицензия, Жогорку Кеңеш, Махабат Мавлянова, Бишкек
Тема боюнча
Акчамды кимге ишенем? ОСАГО полисин берген компанияларга кимдер ээлик кылат
ОСАГО полисин канчадан, кантип, кайдан алыш керек? 10 суроого жооп
КТРК телеканалдын логотиби. Архив

"Түндүк электр" дебат учурунда КТРКнын жарыгы өчүп калганына түшүндүрмө берди

44
(жаңыланган 12:32 01.10.2020)
Учурда жарыктын өчүрүлүшү боюнча атайын комиссия түзүлдү. Жыйынтыгына жараша тиешелүү чара көрүлмөкчү.

БИШКЕК, 1-окт. — Sputnik. "Түндүк электр" ишканасы саясий партиялардын шайлоого карата дебаты учурунда КТРКнын жарыгы өчүп калганына түшүндүрмө берди.

Белгилей кетсек, кечээ, 30-октябрда, кечки саат 21.48ден 21.56га чейин (8 мүнөткө) КТРКнын административдик мекемесинде жарык берүү үзгүлтүккө учураган.

"Саат 21:36да "Новозападная" кабелдик линиясындагы 35 киловаттык "Жер" деген секциядагы коргонуу линиясы өзүнөн өзү иштеп кеткен. Анын натыйжасында "Новозападная – Сельмаш-1" кабелдик линиясы жабыркаган. "Түндүк электрдин" кызматкерлери ыкчам түрдө "Жерди" таап, башка линияга которуп, көйгөйдү чечишти", — деп айтылат маалыматта.

Учурда жарыктын өчүп калышынын себебин иликтеген комиссия түзүлдү. Жыйынтыгы боюнча тиешелүү чара көрүлөт.

44
Белгилер:
КТРК, жарык өчүрүү, "Түндүк Электр" ишканасы
Тема боюнча
"Түндүк электр" миллиондоп карыз болгон 10 ишкананын тизмесин чыгарды
Дарыгер-психиатр Музурхат Курманалиев

Курманалиев: өлкөдө Альцгеймер дарты менен ооруган 300дөй киши каттоодо

20
Дарыгер-психиатр Музурхат Курманалиев көргөзмөлөргө барып, сүрөт тартып, токуп же жөн эле сейилдесе оорунун белигилери анча байкалбай деле каларын айтты.
Курманалиев: өлкөдө Альцгеймер дарты менен ооруган 300дөй киши каттоодо

Альцгеймер оорусуна чалдыккан адамдарга вагабандаж жана плюшкин синдромдору мүнөздүү. Алар түйүнчөгүн чогултуп бир жака кете тургандай камданып жана сырттан болгон керексиз эски-уску буюмдарды алып келип топтой беришет. Бул тууралуу Музурхат Курманалиев Sputnik Кыргызстан радиосунун эфиринде маек куруп жатып билдирди.

Жай кыймылдаган адамдардын өмүрү кыскабы? Окумуштуулардын жообу

Анын айтымында, Альцгеймер оорусун адамдар бири-бирине жумшак, сый мамиле жасап алдын алса болот.

"Республика боюнча Альцгеймер дартына кабылган 300дөн ашык киши каттоодо турат. Бирок бул сандар айсбергдин учу эле. Туугандары маани бербеген же ооруганын билип туруп кайрылбаган адамдар көп. Өзгөчө айыл жергесинде жашаган карылар ансыз деле үйдөн чыкпайт. Аларга балдары кийим, тамагын даярдап берип, пенсиясын алып келип беришет. Ошону менен бирге ата-энесинин ооруп калганын айткандан уялгандар да бар. Качан гана кийимин кие албай, таза эле өзүн алып жүрө албай калганда ооруканага кайрылышат. Негизи адам баласы бири-бирине жумшак, мээрим менен мамиле кылса, толеранттуу болсо Альцгеймерге кабылган адамдын оорусунун белгилери анча деле билинбей калат. "Сыр аяктын сыры кетсе да сыны кетпейт" дегендей, эгер адам мурда жумшак, сөзгө көнгөн адам болсо, ооруп калгандан кийин деле андан да жумшак болуп калат. Себеби альцгеймердин негизги белгиси мүнөздүн курчушу болуп жатпайбы. Эгер ооруган адамга жакшы мамиле жасаса, ал деле ошондой жооп алат. Мындайча айтканда, альтруисттик мамилени күчөтүү керек. Бул адамдар жаш баладан да таарынчаак болуп калат", — деди Курманалиев.

Дарыгер-психиатр Альцгеймер оорусун дарылап айыктыруу, ооруну кечеңдетүү мүмкүн эместигин кошумчалады.

20
Белгилер:
психикалык абал, илдет, Альцгеймер оорусу
Тема боюнча
Алжыбай жашоонун эң жөнөкөй жолу айтылды
Маршрутка. Архив

Кишилерди кууп барып бус менен тебелетип... Кызыл-Кыядагы окуянын видеосу

438
(жаңыланган 12:43 01.10.2020)
Азыркы күндө автоунаанын ээси аныкталып, тергөө иштери жүрүп жатат. Ал эми окуя болгон жерден 28 жаштагы жаран жараат алып, жергиликтүү аймактык ооруканага түшкөн.

БИШКЕК, 1-окт. — Sputnik. Интернет айдыңында кичи автобустун караңгыда аянтчада айланып, элди тебелетип жаткан видеосу тарап, ал "Короче" Telegram каналына жарыяланды.

Окуянын кандай болгонун Баткен ИИБинин маалымат кызматынан билдиришти.

"25-сентябрь күнү саат 20.00дөр чамасында Кызыл-Кыя шаарынын Масалиев көчөсүндө Кадамжай районунун 28 жаштагы тургунун жашыл түстөгү "Mercedes-Benz" үлгүсүндөгү спринтер койдуруп, ал жерден из жашырып кеткен. Азыркы күндө автоунаанын ээси аныкталып, тергөө иштери жүрүп жатат. Ал эми окуя болгон жерде 28 жаштагы жаран денесинен жараат алып, жергиликтүү аймактык ооруканага түшкөн", — деп айтылган маалыматта.

Видеодон ал жерде кишилер чырылдап качып, ал эми бусиктин алардын артынан кууп барып тебелетип жаткандыгын көрүүгө болот.

Бишкекте айдоочу күчүктү артынан кууп барып тебелетип кетти. Видео

Бул факты Кызыл-Кыя ШИИБинде Жазык кодексинин 297, 266 ("Жол кырсыгы"), ("Ээнбаштык") беренелери менен катталып, сотко чейинки өндүрүш иши башталган.

Милициядан тийиштүү экспертизалар дайындалгандыгын кошумчалашты.

438
Белгилер:
милиция, маршрутка, Кызыл-Кыя, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Машина тебелеп кеткен Эдилдин эжеси: жок дегенде арабага отургузганга операция керек!