Автобус. Архив

Бишкек Ташкент багыты боюнча автобус каттамы жанданды

185
(жаңыланган 11:50 06.02.2019)
Учурда каттамдар эски расписание менен ишке ашып, жаңысы макулдашылып жатат.

БИШКЕК, 1-фев. — Sputnik. Бишкек — Ташкент багыты боюнча автобус каттамы калыбына келгенин Транспорт жана жолдор министрлигинин маалымат кызматы билдирди.

Аталган маршруттук багыт 2018-жылы апрелде Кыргызстан, Өзбекстан жана Казакстан өкмөттөрүнүн деңгээлиндеги сүйлөшүүлөрдүн негизинде ачылган.

2018-жылы ноябрда казак тарап автобустардын каттоо аралыгы бир саат болушу керектигин айткан. Кыргызстан жаңы расписаниени тийиштүү мөөнөттө жиберген.

28-декабрда Казакстандын Индустрия жана инфраструктуралык өнүгүү министрлигинин транспорт комитети кыргыз тарапты расписаниелер макулдашылганга чейин каттамдар токтотулары тууралуу кабардар кылган. КР Транспорт министрлигинин маалымат кызматы бул нерсе "Жүргүнчү менен багажды автоунаа менен эл аралык ташуулар жөнүндөгү" Конвенцияга каршы келерин белгиледи.

24-январда Казакстан каттамдын жүрүүсүн токтотуп, сүйлөшүүлөр башталган.

Бүгүн Кыргызстандын Транспорт жана жолдор министрлиги маалымдагандай, жаңы расписаниелер бекитилип, макулдашылганга чейин каттамдар мурдагы расписание боюнча иштей баштады.

Учурда жаңы расписание макулдашылып жатат.

185
Белгилер:
каттам, автобус, Өзбекстан, Кыргызстан
Лабораториянын кызматкери иш учурунда. Архив

Россиянын COVID-19га каршы вакцинасына качан уруксат берилери айтылды

138
(жаңыланган 00:19 12.07.2020)
Июндун ортосунда РФ Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган.

БИШКЕК, 11-июл. — Sputnik. Россия чыгарган коронавируска каршы вакцинага регулятор жайдын соңу менен уруксат берет. Бул тууралуу Түз инвестициялар фондунун жетекчиси Кирилл Дмитриевдин айтканына таянып РИА Новости жазды.

Анын айтымында, ушу тапта Гамалея институтунан чыккан вакцинаны колдонууга чыгаруу боюнча иштер жигердүү жүрүп жатат.

"Бул өтө маанилүү. Россиялык вакцинага август-сентябрь айларында уруксат берилиши керек деген ойдобуз", — деди Дмитриев "Россия 1" каналынын эфиринде.

Россия коронавируска каршы дагы бир дары чыгарды. Мүнөздөмөсү

Ал COVID-19га каршы чыгарылган россиялык "Авифавир" менен АКШнын "Рамдесивир" дарысын салыштырып көрдү. Анын айтымында, россиялык препарат "Рамдесивирге" караганда алда канча натыйжалуу жана арзан. Мындан тышкары, ал ампула эмес таблетка түрүндө. Инвестор "Авифавир" менен Россиянын бардык аймагын камсыздоого өндүрүштүн күчү жете турганын белгиледи.

Июндун ортосунда РФ Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган. Препараттар Гамалея атындагы эпидемиология жана микробиология боюнча илим-изилдөө борбору тарабынан иштелип чыккан.

Сыноо Коргоо министрлигинин Бурденко атындагы госпиталында жана Сеченов медицина университетинде ыктыярчыларга жүргүзүлүүдө.

ДССУ Россиянын СOVID-19га каршы вакцинасына кызыгууда. Видео

Ушу тапта сыноо иштери соңуна чыгып калды. 15-июлда ыктыярчылардын биринчи тобу чыгарылат. Коргоо министрлигинин маалыматы боюнча алардын абалы жакшы, эч кандай даттануу жок.

Сеченов университетиндеги ыктыярчылардын да саламаттыгы жакшы экени белгиленген. Тесттин катышуучулары 15 жана 20-июлда чыгарылат.

138
Белгилер:
Россия, уруксат, ыктыярчылар, сыноо, вакцина
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты
Ошко Москвадан кыргызстандыктар келди

Ошко Москвадан кыргызстандыктар келди

86
(жаңыланган 22:23 11.07.2020)
Келгендердин арасында жаш балдар, оор илдетке кабылгандар, жакында эле операция жасаткандар, жакындары кайтыш болгондор жана оор турмуш кырдаалына тушуккандар да бар.

БИШКЕК, 11-июл. — Sputnik. Ошко Москвадан 156 кыргыз жараны келди. Бул тууралуу ТИМдин маалымат кызматы кабарлады.

  • В Международном аэропорту «Ош» 11 июля встретили чартерный рейс авиакомпании «Авиатраффик Компани» по маршруту Москва-Ош.
    Ошко Москвадан 156 кыргыз жараны келди
    © Фото / пресс-служба МИД КР
  • В Международном аэропорту «Ош» 11 июля встретили чартерный рейс авиакомпании «Авиатраффик Компани» по маршруту Москва-Ош.
    Бул тууралуу ТИМдин маалымат кызматы кабарлады
    © Фото / пресс-служба МИД КР
  • В Международном аэропорту «Ош» 11 июля встретили чартерный рейс авиакомпании «Авиатраффик Компани» по маршруту Москва-Ош.
    Ага ылайык, "Ош" эл аралык аэропорту "Авиатрафик Компани" авиакомпаниясынын Москва — Ош багыты боюнча мекендештердин чартердик каттамын тосуп алган
    © Фото / пресс-служба МИД КР
1 / 3
© Фото / пресс-служба МИД КР
Ошко Москвадан 156 кыргыз жараны келди

Ага ылайык, "Ош" эл аралык аэропорту "Авиатрафик Компани" авиакомпаниясынын Москва — Ош багыты боюнча мекендештердин чартердик каттамын тосуп алган.

ТИМ: мекенге кайтууну көздөп 57 өлкөдөн КР жарандары кайрылды

"Алардын арасында жаш балдар, оор илдетке кабылган, жакында эле операция жасаткан, жакындары кайтыш болгон жана оор турмуш кырдаалына тушуккан жарандар бар", — деп айтылат маалыматта.

Тизмени Москвадагы кыргыз медициналык клиникаларынын дарыгерлери жана элчиликтин кызматкерлеринен турган атайын комиссия түзгөнү айтылды.

86
Белгилер:
тизме, учак, мекендештер, каттам, Москва, Ош
Тема боюнча
РФтеги элчиликте иштегендер кол салууга дуушар болушту. Шектүүлөр изделүүдө

COVID-19дун белгилери байкалган тааныш же туугандарыңыз барбы?

0
0