Президенти Сооронбай Жээнбеков бүгүн, 3-февралда көрүнүктүү мамлекеттик жана коомдук ишмер Корчубек Акназаровду акыркы сапарга узатуу зыйнатында.

Артынан сөз ээрчиткен эмес... Корчубек Акназаров жерге берилди

264
(жаңыланган 11:02 05.02.2019)
Улуу Ата Мекендик согуштун ардагери, Социалисттик эмгектин баатыры 97 жашта болчу.

БИШКЕК, 3-фев. — Sputnik. Корчубек Акназаров бүткүл өмүрүн кыргыз элине, өлкөсүнө ак кызмат кылууга арнады. Ал Улуу Ата Мекендик согушка барып, андан кийин кайсыл кызматта болбосун, ишине адамдык таза ыйман менен мамиле жасаган. Артынан кыпындай жаман сөз ээрчиткен эмес. Бул тууралуу президент Сооронбай Жээнбеков маркумдун тажыясында айтты.

Коштошуу зыйнаты 3-февраль күнү Кыргыз улуттук академиялык драма театрында өттү.

Эскерте кетсек, Ата Мекендик согуштун ардагери, Социалисттик эмгектин баатыры 97 жаштагы Корчубек Акназаров 1-февралда каза болгон.

Акыркы сапарга узатуу зыйнатында президент сөз сүйлөп, түбөлүк коштошуу табияттын мыйзамы болсо да элге, мамлекетке эбегейсиз зор салым кошкон ушундай инсандардын өтүп кетиши чоң кайгы экенин белгиледи. Маркумдун уул-кыздарына, туугандарына, жакындарына терең кайгыруу менен көңүл айтты.

"Ал иштеген аймактардын экономикасында, социалдык жана маданий турмушунда жакшы өзгөрүүлөр, өсүштөр болгон", — деп белгиледи мамлекет башчы.

Акназаровдун эмгеги мамлекет жана эл тарабынан татыктуу бааланганын, көп жылдык эмгеги үчүн 1966-жылы Социалисттик Эмгектин Баатыры деген жогорку наамга татыктуу болгон. Эки Ленин, Октябрь революциясы, эки Эмгек Кызыл Туу жана "Ардак белгиси" ордендери менен сыйланган.

Кыргыз мамлекеттүүлүгүнүн түптөөчүсү, алгачкы кыргыз интеллигенциясынын эң көрүнүктүү өкүлү, саясий жана коомдук ишмер Жусуп Абдрахманов
© Фото / иллюстрации из книги Ж. Абдрахманова "1916. Дневники. Письма к Сталину"
"Корчубек аганын өмүр жолу, өрнөгү эчендеген жаш муундарга үлгү, чоң сабак болуп кала берет. Айрыкча, мамлекеттик муниципалдык кызматкерлерге, жетекчилерге аксакалдын баскан жолу сабак болушу керек. Ал элибиздин эсинде түбөлүккө калуучу унутулгус улуу иштерди жасап кетти. Турмуштук бай тажрыйбасы менен аянбай бөлүшүп, кийинкилерге акыл-насаатын айтты. Мага дагы акыл-насааттарын айтып, мамлекеттик башкаруудагы тажрыйбасын бөлүшүп, батасын берген. Корчубек Акназаров нукура элдик жана залкар адам болгон", — деп айтты президент.

Президент Жээнбеков мамлекеттик ишмер Акназаров менен коштошуп, анын журт алдында ыйык парзын абийирдүүлүк менен аткарганын айтып, кыргызстандыктардын атынан ыраазычылык билдирди.

Маркумдун сөөгү "Ала-Арча" көрүстөнүнө коюлду.

264
Белгилер:
тажия, Улуу Ата Мекендик согуш, Корчубек Акназаров, Сооронбай Жээнбеков
Тема боюнча
Согуштан келген каттарга өзү жооп берип... Төрөбай Кулатов тууралуу 7 факты
Турдакун Усубалиевдин ысымын Бишкектеги Киев көчөсүнө ыйгаруу сунушталды
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

62
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

62
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди
Мурдагы вице-премьер Алтынай Өмүрбекова. Архив

Финполго Алтынай Өмүрбекова менен Аида Исмаилова чакырылганы айтылды

137
(жаңыланган 22:46 25.01.2021)
Өкмөттүн пандемия маалындагы иши боюнча буга чейин мурунку премьер-министр Кубатбек Боронов сурак берип, күбө катары чакырылганын айткан.

БИШКЕК, 25-янв. — Sputnik. Мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча Экономикалык кылмыштарга каршы күрөшүү кызматына суракка чакырылды. Бул тууралуу укук коргоо органдарындагы ишенимдүү маалымат булагы билдирди.

Вице-премьер-министр Кыргызской Республики Аида Исмаилова на заседании Жогорку Кенеша в государственной резиденции Ала-Арча
© Sputnik / Табылды Кадырбеков
Мурдагы вице-премьер-министр Аида Исмаилова

Алардын айтымында, Исмаилова эртең, 26-январь саат 09:30га, ал эми Өмүрбекова саат 15:00гө чакырылды. Финпол азырынча комментарий бере элек.

Өмүрбекова 2018-жылдан 2020-жылга чейин вице-премьер болуп иштеген. Исмаилова болсо ал кеткенден кийин апрель айынан октябрга чейин бул кызматты аркалаган.

Ушул иш боюнча буга чейин өкмөттүн мурунку башчысы Кубатбек Боронов сурак берип, күбө катары чакырылганын айткан.

Андан мурда Экономикалык кылмыштарга каршы күрөшүү кызматынын жетекчиси Сыймык Жапыкеев пандемия маалында адамдардын массалык түрдө каза болушуна премьер-министрлер жана вице-премьерлер жооп берерин айткан. Ошондой эле ал медикаменттер, жеке коргонуу каражаттары, тез жардам унаалары кымбат баада алынгандыгы териштирилип жатканын кошумчалаган.

137
Белгилер:
сурак, Аида Исмаилова, Алтынай Өмүрбекова, финансы полициясы
Тема боюнча
Жапыкеев: пандемияда иштеген аткаминерлердин баары сурак берип, көбү камалат