Миңжылкиев менен Чокморовдун мамилеси жок эле... Залкарлардын таберик сүрөтү

627
(жаңыланган 15:26 06.02.2019)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
СССРдин эл артисттери Болот Миңжылкиев, Сүймөнкул Чокморовдун жана оператор Кадыржан Кыдыралиевдин сүрөтү 1980-жылы Фрунзе шаарында тартылган
© Фото / Александр Федоров

СССРдин эл артисттери Болот Миңжылкиев, Сүймөнкул Чокморовдун жана оператор Кадыржан Кыдыралиевдин сүрөтү 1980-жылы Фрунзе шаарында тартылган.

Ал жылы режиссер Төлөмүш Океев "Алтын күз" тасмасын тартып, ага сүрөттөгү инсандар катышкан.

Ошол учурду фильмдин сценарийин жазган Мар Байжиев мындайча эскерет:

"Тасманын сценарийин мурун эле жазган болчумун. Кийин аны Төлөмүш Океев окуп, фильм тарталы деп калды. Негизи ал интеллектуалдык чыгарма болгон. Ошонун аркасы менен кудай жалгап Аалы Токомбаевди, Түгөлбай Сыдыкбековду тартып калыптырбыз. Миңжылкиев менен Чокморов ал учурда атак-даңкка бөлөнүп турган учуру эле. Болбосо экөөнүн жакын мамилеси деле болгон эмес экен. Фильмдин аркасы менен аларды байланыштырганбыз", — деди Байжиев.

Ал ошондой эле "Алтын күз" эл аралык кинофестивалда сыйлык алып, тасманы 1981-жылы көрүүчүлөр жакшы кабыл алгандыгын кошумчалады.

Аталган фильмде Досхан Жолжаксынов, Аида Юнусова, Раиса Мухамедьярова, Димаш Ахимов, Советбек Жумадылов, Хамар Адамбаева, Жамал Сейдакматова, Макиль Куланбаев, Алмаз Кыргызбаев, Асек Жумабаев, Шайлоо Алыкулов, Тамила Ахмедова өңдүү кыргыз, казак актерлору да роль жараткан.

627
Белгилер:
Сүрөт, Сүймөнкул Чокморов, Болот Миңжылкиев, Кыргызстан
Тема боюнча
Актерлорго ата болгон Борош чал. "Көчө" тасмасындагы таберик сүрөт
Жазуучу Токомбаев режиссер Сыдыковдун башынан сылап. Таберик сүрөт