Темир идиш сатуу. Архивдик сүрөт

Ошто арзан товар алам деп келгендер супермаркеттин эшигин талкалап салды. Видео

2422
(жаңыланган 10:24 09.02.2019)
Бүгүн эртең менен Оштогу супермаркеттердин биринде товарларга арзандатуу болгон.

БИШКЕК, 6-фев. — Sputnik. Ош шаарындагы супермаркеттердин биринде акция жүрүп, ага келген көп сандагы адамдар тартышып-түртүшө кетишти. Мындай видеолор социалдык тармакка жарыяланып жатат.

Бул кадрдан топтолгон кишилер дүкөндүн ичине кирүүгө ашыгып, бири-бири менен түртүшүп жатканын көрүүгө болот. Мунун кесепетинен дүкөндүн айнек эшиктери талкаланган.

Посмотреть эту публикацию в Instagram

Публикация от Новости столицы (@bishkeknews)

Кийинки видео маркеттин ичинен тартылган. Автор баары арзандатылган товар алууга шашып жатканын айтууда. Жаалданган кардарлар товарларды талаша да кетишкен.

Астына ызы-чуудан кимдир бирөө жаракат алышы мүмкүн экенин жана администрация коопсуздукту камсыздай албаганын жазышкан.

Супермаркеттин администрациясы жогорудагы фактыны тастыктап, арзандатуу Ошто 6-февралда эртең менен болгонун билдирди.

"Эч ким жабыркаган жок. Коопсуздук кызматы өз ишин аткарууда. Акция да соңуна чыгайын деп калды", — деп айтышты дүкөндөн.

Мындай окуя биринчи ирет болуп жаткан жок. Буга чейин Бишкектеги супермаркетте дагы арзандатуу болуп аялдар идиш талашып чырдаша кеткен.

2422
Белгилер:
талаш, арзандатуу, супермаркет, Ош
Тема боюнча
"Жумадагы арзандатуулар" күнүндө автотыгын болгон жок. Асмандан тартылган видео
Идиш талашкан аялдар дүкөндүн чаңын чыгарды. Бишкектеги арзандатуу учурунан видео