Жогорку Кеңештин депутаты Камчыбек Жолдошбаев. Архив

Депутат Жолдошбаев карышкырларды эми танк менен атууну сунуштады

3519
(жаңыланган 09:33 08.02.2019)
Эл өкүлү карышкыр аткандарга акчаны көбөйтүп берүү керектигин билдирди.

БИШКЕК, 7-фев. — Sputnik. Жогорку Кеңештин депутаты Камчыбек Жолдошбаев карышкыр аткандарга каралган 6 миң сомдун үстүнө дагы 2 миң сомдон кошуп берүүнү парламенттин жалпы жыйынында сунуштады.

Учурда депутаттар ар кандай маселелерди карап жатат.

Депутаттын айтымында, бир карышкырды атуу үчүн кеминде эле 10го жакын киши чогулуп алып барат.

"Бир карышкырды атканга 6 миң сом берет экен, аңчылыкка бери дегенде 10 киши барат. Таң атпай чыгышат, алыскы райондордо 30 градуска чейин суук болуп жатат. Нарын районунун Учкун айылынын тургундары ошол 6 миң сомго 2 миң сом кошуп койсо өзүбүз эле атабыз деп жатышат. 500 карышкыр атканы үчүн 2 миң сомдон кошулса, 1 милилон сом кетет экен", — деди депутат.

Ал ошондой эле өкмөт тарабынан каралган 6 миң сомдон социалдык төлөм жана башкаларын кармап калганда мергенчилер колуна 4800 сом аларын айтты.

Эл өкүлү, андан сырткары, өткөндөгү жыйында карышкырды тик учак менен атууну сунуштаганын билдирип, өкмөт Айлана-чөйрөнү коргоо жана токой чарбасы мамлекеттик агенттигинин директору Абдыкалык Рустамовго тапшырма бергенин белгиледи.

"Ал тик учак менен атканга болбойт, мергенчиликтин өзүнүн жолдору бар дейт. Эми карышкырды танк менен деле ата бербейби. Карышкыр кийиктердин бардыгын жеп койгону үчүн ылдый жактагы элдин короосуна секирип кирип курсагы ачып жатат. Ушул маселе боюнча Рустамовго тапшырма бергиле", — деди ал.

Жолдошбаев бир кийик атса 400-500 миң сом айып салынарын айтып, Рустамов ал акчаларды кайда коротуп жатат деп ачууланды.

3519
Белгилер:
Камчыбек Жолдошбаев, Жогорку Кеңеш, карышкыр, мергенчилик
Тема боюнча
Элдин малын кырып жиберген. Ак-Сууда алты карышкыр атылды. Сүрөт
Депутат: карышкырларды тик учак менен аталы, алар бизге тууган беле
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

47
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

47
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!