Жогорку Кеңештин депутаты жана мурдагы спикер Чыныбай Турсунбеков. Архивдик сүрөт

Депутаттар Кашкар Жунушалиевдин отставкасын талап кылабы? Экс-төраганын жообу

479
(жаңыланган 00:33 08.02.2019)
Депутат Чыныбай Турсунбековдон Жогорку Кеңеште ИИМ жетекчисинин отставкасы боюнча маселени көтөрөр-көтөрбөсүн сурашты.

БИШКЕК, 7-фев. — Sputnik. Жогорку Кеңештин депутаты жана мурдагы спикер Чыныбай Турсунбеков ИИМ жетекчиси Кашкар Жунушалиевдин отставкасы боюнча социалдык тармактагы талаптар туурасында комментарий берди.

Турсунбековдон бүгүн Sputnik Кыргызстандын маалымат борборунда өткөн тегерек столдо депутат катары министрдин отставкасы боюнча маселени парламентте көтөрөр-көтөрбөсүн сурашты.

"Өткөн жумада парламентте ички иштер министрин акыркы окуялардан (милиционер тартип бузган учурлар — ред. ) улам кескин сындашканын байкадым. Ошол эле учурда бир катар депутаттар министрге ишеним артып, абалды өзгөртүү үчүн конкреттүү кадамдарды күтүп жаткандыгын айтышты. Кашкар Астакановичтин ишине апрелде, өкмөт ЖКга келип отчет бергенде баа берилет деген ойдомун", — деди Турсунбеков.

Кашкар Жунушалиевдин отставкасын талап кылуу

Январдын аягында мурдагы жана азыркы милиционерлердин бир канча кылмыш иштерине катыштыгы бар экени айтылды. Алар мас болуп жол кырсыгын жаратуу, баланы жолдон тебелеп кетүү, пара алуучулук, зордуктоо жана акча талап кылуу учурлары болду.

Коомчулукта милицияга, тартип коргоо органына сын-пикирлер жаады. Мунун башаты милиционерлердин түкүрүнүп жаткан учуру видеого түшүп калган учурдан башталды.

Ал толкун чогулуп отуруп социалдык тармактын колдонуучуларынын ИИМ жетекчиси Кашкар Жунушалиевди отставкага кетирүү талабы менен коштолду.

Ал эми министр бул суроону жоопсуз калтырды.

479
Белгилер:
депутат, отставка, ИИМ, Чыныбай Турсунбеков, Кашкар Жунушалиев, Кыргызстан
Тема боюнча
Кашкар Жунушалиевдин маалымат жыйыны видеодо
Депутаттар түкүрүк үчүн айып пулду 5500 сомдон 1000 сомго түшүрүүнү сунуштады