Жогорку Кеңештин жыйыны. Архив

Өкмөт менен депутаттарды айтыштырган "түкүрүк"

248
(жаңыланган 09:34 08.02.2019)
Эл өкүлү вице-премьер менен ИИМ жетекчисинин орун басарынын сөзү эки башка чыгып жатканын айтты.

БИШКЕК, 7-фев. — Sputnik. Жогорку Кеңештин депутаты Рыскелди Момбеков Эреже бузуулар жөнүндөгү кодекске киргизилип жаткан толуктоодо "Түкүрүк деген сөз калдыбы же алып салындыбы?" деп суроо салды.

Депутаттар "Кыргыз Республикасынын Бузуулар жөнүндө кодексине өзгөртүүлөрдү киргизүү тууралуу" мыйзамдын долбоорун карашты. Ал экинчи окууга киргизилет.

"Жарга такаган жаңы кодекс түкүрүк менен күлкүлүү болду да. Жеңиш Парпиевич, биз мунун категориясын азайттык деп айттыңыз. Курсан Сатарович алып таштоону сунуштадык деп жатат. Кимисине ишенебиз? Кандай кылдыңар?" — деди депутат.

Вице-премьер Жеңиш Разаков сунушталган өзгөртүүдө бузуунун түрү өзгөргөнүн айтты.

Момбеков өкмөт элге "түкүрүктү алып салдык же ага каралган айыптын көлөмүн азайттык" деп ачык айтышы керектигин белгиледи.

Ички иштер министринин орун басары Курсан Асанов эч ким артка кайтпаганын айтып, элдин да үнүн угуу керектигин, бирок мыйзам кабыл алынгандан кийин аны иштетүү зарылдыгына токтолду.

"Биз карап туруп өзгөртүүгө барып жатабыз. Түкүрүк үчүн айып пулду биринчи категорияга түшүрдүк, ага ылайык бир миң сом айып салынат. Мурда 71-беренеде түкүрүү деп киргизилип, 3-категорияда болгондуктан 5500 сом айып пул болгон. Эмне үчүн главасын өзгөртүп жатабыз, себеби 11-глава "Саламаттык сактоо жана эмгек чөйрөсүндө башкаруу тартибине каршы бузуулар" деп турат. Ушуга төп келет экен", — деди Асанов.

ИИМ жетекчисинин орун басары түкүрүк үчүн айып салуу көптөгөн мамлекеттерде жок экенин айтып, болгону Англия менен Россиянын бир шаарында жана Кытайдын борбору Пекинде бар экенин билдирди.

"Калган мамлекеттерде майда бейбаштыкка кирет экен", — деди ал.

Өз кезегинде Момбеков түкүрүк деген сөздү кодекстен алып салууну сунуштап, бул көптөгөн түшүнбөстүктөрдүн башаты болорун белгиледи.

Белгилей кетсек, 2019-жылдын 1-январынан тарта Кыргызстанда жаңы кодекстер ишке кирген. Анын ичинде коомдук жайда түкүргөндөр үчүн 5500 сом айып каралган. Айып пулдун көлөмү эл арасында катуу талкуу жараткан. Өкмөт дагы аны азайтууга макул болгон.

248
Белгилер:
Эреже бузуу жөнүндөгү кодекс, мыйзам, мыйзам долбоору, Жогорку Кеңеш, Рыскелди Момбеков
Тема боюнча
Коомчулуктун пикиринен кийин түкүрүк боюнча айып пул азаймай болду
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

236
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

236
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Тоодогу жамгыр. Архивдик сүрөт

Жекшембиге карата аба ырайы

45
Синоптиктер жекшемби күнү Кыргызстанда күн 33 градуска чейин ысый турганын маалымдашты.  Ал эми Чүйдө абанын өзгөрүп турары айтылды.

БИШКЕК, 6-июн. — Sputnik. Жекшемби күнү, 7-июнда, күндүз Чүй облусунун тоолуу райондорунда жамгыр жаап, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет маалымдады.

Абанын температурасы Чүй, Талас аймактарында +23...+28, Ош, Жалал-Абад, Баткен облустарында +28...+33, Ысык-Көлдө +19...+24, ал эми Нарын жергесинде +18...+23 градус болот. 

Күндүн табы борборубуз Бишкекте +26...+28, Ошто +30...+32 градус болору айтылды. 

45
Белгилер:
Кыргызстан, аба ырайы
Тема боюнча
Беш күн катары менен жамгыр жаайт. ӨКМ шашылыш билдирүү таратты