Акча. Архивдик сүрөт

Кыргызстанда кимдин айлыгы тез көбөйүп жатканын Статком билдирди

744
(жаңыланган 12:18 09.02.2019)
Бир жыл ичинде өлкөдө айлык акынын саны 900 сомдун тегерегинде өскөнүн айтышты.

БИШКЕК, 9-фев. — Sputnik. Тез өскөн айлык акы маалымат жана байланыш тармагында иштеген адамдардыкы болгонун Улуттук статистика комитети кабарлады.

Аталган ведомство былтыркы жылдын январь-ноябрь айындагы көрсөткүчтү 2017-жылга салыштырган. Бул учурда орточо жалыйна республикада 5,9 пайызга, 14 874 сомдон 15 747 сомго өскөн.

Салыштыра келгенде, маалымат жана байланыш тармагындагылардын көбөйгөн кирешеси 14,5 пайызга өсүп, 31,6 миң сом болгону аныкталган.

Ошондой эле курулуш тармагындагылардын (10,9 пайыз) да тапкан акчасы өсүп, 16,7 миң сомду түзгөн.

Айлыгы чеке жылытпагыдай көбөйгөндөр искусство, көңүл ачуу жана эс алуу тармагында иштеген адамдардыкы болгон. Эгерде сандар менен алсак, 1,9 пайызга өсүп, 8,5 миң сомду түзгөн.

Эң көп айлык финансылык ортомчулук кылгандар менен камсыздандыруу жаатындагылардыкы экени аныкталган. Көбөйгөн пайызы анча бийикке чыкпаса да, орточо айлыктын көлөмү 34 миң сомдун тегерегинде.

744
Белгилер:
Улуттук статистика комитети, айлык-акы, Кыргызстан
Тема боюнча
Чачтарач-медайым, таксист-милиционер. Бир эмес, эки жерде иштеген мамкызматкерлер