Казакстандын Куралдуу күчтөрүнүн легендасы, СССРдин мусулман батальонунун командири, Кара майор Борис Керимбаев. Архив

Моджахеддер башын 1 млн. долларга баалаган Кара майор каза болду

1077
(жаңыланган 11:32 12.02.2019)
Керимбаевдин көптөн бери ооруп жүргөнү айтылды.

БИШКЕК, 12-фев. — Sputnik. Айтылуу мусулман батальонунун командири, отставкадагы полковник, советтик 40-армиянын жана афгандык моджахеддердин арасында тирүү уламышка айланган Борис Керимбаев каза болду. Маалыматты жакын санаалаштары тастыктады.

Маркум 71 жашта болчу. Көптөн бери ооруп жүргөнү айтылды.

Теги казак Керимбаев же Кара майор башында турган экинчи мусулман батальону 1981-жылдын 29-октябрында СССРдин чек арасынан өтүп, Түндүк Афганистанга кирген.

Моджахеддерге каршы согушууда көрсөткөн эрдиги, жоокерлеринин тайманбаган күчтүү эрки душманды кыйла жүдөтүп, "Панжшер капчыгайынын арстаны жана падышасы" деп аталган белгилүү талаа командири Ахмад Шах Масуд казак уулу Керимбаевдин башы үчүн бир миллион доллар байге сайган.

1983-жылы Кара майор кызматынын мөөнөтүнүн аяктаганына байланыштуу СССРге кетет. Ал эми Экинчи мусулман батальону афган согушу бүткөнчө кызматын өтөдү. 1989-жылы 15-февралда мусулман батальону Афганистандан СССРдин 40-армиясынын акыркы бөлүгү болуп чыккан.

Керимбаевдин сөөгү 14-февраль күнү Алматы шаарында жерге берилет.

1077
Белгилер:
рак, Алматы
Тема боюнча
Памир кыргыздарына согуш учурунда да жардам берилген. Полковник Саргазаков менен маек
Туткунга түшсөк жан кыюуга даяр элек... Полковник Абдылдаевдин маеги