Бишкек шаарынын мектептерине электрондук кезекке туруу пилоттук долбоорунун маалыматтык системасын иштеп чыккан IT адиси Төлөгөн Аматов

Аматов: эми баланы 1-класска киргизүүдө мектеп акча сурай албайт

2192
(жаңыланган 09:29 13.02.2019)
"Бишкек шаарынын мектептерине электрондук каттоого туруу" пилоттук долбоорунун маалыматтык системасын иштеп чыккан IT адиси Төлөгөн Аматов аталган долбоордун негизги максаты коррупцияны жок кылуу экенин айтты.

Мындан ары баланы 1-класска киргизүүдө мектеп акча сурай албайт. Бул тууралуу Төлөгөн Аматов Sputnik Кыргызстан радиосунун таңкы эфиринде маек куруп жатып билдирди.

Анын айтымында, 15-февралдин тарта мектептин босогосун аттай турган балдардын ата-энелери www.mektep.edu.gov.kg сайтына кирип каттоодон өтүшү керек.

"Аталган сайттын дизайнын жеңил, жөнөкөй элементтер менен жасап чыктык. Бардык колдонуучулар үчүн ыңгайлуу болду. Алгач ата-эне өзү тууралуу, андан кийинки баскычта баласынын өздүк маалыматын жазыш керек. Каттоо 15-февралда башталып, 15-майда бүтөт. Бул система иреттүүлүктү алып келет. Анын башкы максаты — коррупцияны жок кылуу. Мындай каттоо менен мектеп директору же анда иштеген мугалимдер акча бергендердин же таанышынын балдарын 1-класска ала албай калат", — деди Аматов.

Ал мектеп директору кийинки кезекте кайсы адам турганын биле албай турганын кошумчалады.

2192
Белгилер:
кезек, каттоо, мектеп
Тема боюнча
Баланы 1-класска электрондук кезек менен кантип киргизүү керек? 8 суроого жооп