Президент Сооронбай Жээнбеков. Архив

Былтыр Жээнбековго кимдердин үстүнөн көбүрөөк арыз түшкөнү айтылды

144
(жаңыланган 09:31 13.02.2019)
Кыргызстандыктар бир катар мамлекеттик органдардын ишине нааразы экенин айтып, ар кыл маселелер боюнча кайрылган.

БИШКЕК, 13-фев. — Sputnik. Былтыркы жылы президенттин аппаратына жана коомдук кабылдамасына 14 493 кайрылуу түшкөн. Бул тууралуу өлкө башчынын сайтында айтылат.

Көпчүлүк сот жана укук коргоо органдарынын ишине нааразы экенин билдирген. Бул багытта 6487 ирет кайрылуу болсо, аткаруу бийлигинин үстүнөн 3 357 ирет даттанышкан.

Жергиликтүү бийлик органдарынын ишмердүүлүгүнө 1 549 адамдын ичи чыккан эмес.

Негизинен Жээнбековго ар кыл маселелер боюнча кайрылышкан. Алардын арасында ырайым берүү, жарандык алуу, коопсуздук маселелери бар. Ал эми 141 чет элдик киши президенттин сүрөтү менен кол тамгасын сураган.

144
Белгилер:
арыз, даттануу, Сооронбай Жээнбеков
Тема боюнча
ТЭЦ боюнча Жээнбеков да текшерилеби? Коопсуздук кеңешинин жообу
Жээнбековдун айымдарга кол чатыр кармап берип бараткан сүрөтү талкууга түштү