Башкы прокурор Өткүрбек Жамшитовдун архивдик сүрөтү

Башкы прокурор ТЭЦти модернизациялоонун зарылдыгынан күмөн санады

278
(жаңыланган 11:36 14.02.2019)
Бишкек ТЭЦин модернизациялоого жалпысынан 386 миллион доллар сарпталган. Ал каражатты Кыргызстан насыя катары Кытайдан алган.

БИШКЕК, 14-фев. — Sputnik. Бишкек ТЭЦинин блокторун жаңылоо канчалык рентабелдүү эле? Мындай суроону парламенттеги жыйында сөз сүйлөп жатып башкы прокурор Өткүрбек Жамшитов берди.

Учурда Жогорку Кеңеш Бишкек ТЭЦиндеги аварияны иликтеген депутаттык комиссиянын тапшырмалары боюнча аткарылган иштер тууралуу өкмөттүн маалыматын угуп жатат.

Жамшитовдун айтымында, жаңы энергоблоктордун кубаттуулугу — 300 мегаватт жана 300 гигакалорий жылуулук. Модернизацияга чейин ТЭЦтин жалпы кубаттуулугу — 666 мегаватт жана 1400 гигакалорийден көбүрөк жылуулук берчү.

"Жаңы блоктор эскисин алмаштыра албайт, болгону жарым-жартылай көмөк болот. Андан көрө эски жабдууларды алмаштырсак, 50 миллион доллардай гана акча кетмек. Бул жерден жаңы блокторду куруунун зарылдыгы бар беле деген суроо туулат", — деди башкы прокурор.

Бишкек ТЭЦин модернизациялоого жалпысынан 386 миллион доллар сарпталган. Ал каражатты Кыргызстан насыя катары Кытайдан алган.

278
Белгилер:
каражат, модернизациялоо, ТЭЦ, Өткүрбек Жамшитов, Бишкек
Тема:
ТЭЦ боюнча козголгон кылмыш иштер жана кармалгандар (70)
Тема боюнча
ТЭЦ боюнча Жээнбеков да текшерилеби? Коопсуздук кеңешинин жообу
ТЭЦти оңдоо боюнча коррупцияга айыпталган 8 кишинин иши сотко өттү

Кашык, капот, бадыраң... Буюмдарды денесине жабыштырган кишинин видеосу

20
(жаңыланган 18:26 26.09.2020)
Ирандык Абольфазл Сабер Мохтаринин бардык нерсени денесине жабыштырып алуу өзгөчө жөндөмү бар. Ал муну акыл-эсин башкаруу менен жасай аларын айтат.

Тегерандын 51 жаштагы тургуну бала чагында эле мындай жөндөмү бар экенин билип, бирок көп жылдар бою колдонбой келген. Кайрадан баштоосуна кызынын индиялык жигит кашыктарды денесине чаптап алган виедоклипти көрсөткөнү себеп болгон.

Ташчайнар тиши менен тартчу эле... Тарбалаңдап МАЗ сүйрөгөн жигиттин видеосу

Абольфазл журналисттерге автоунаанын капотун, жумшак оюнчук, бадыраң, кашык жана башка түрдүү нерселерди денесине жабыштырып алганын көрсөтүп берген. Видео Ruptly YouTube каналына жарыяланды.

Өнөр ээси эч кандай жабыштыргыч зат колдонбой турганын белгилейт.

20
Белгилер:
капот, өнөр, Иран
Тема боюнча
Арабдарды тиши менен көтөрүп эсин оодарган Ташчайнар. Camel Fest видеосу
Жалал-Абаддагы "магнит баатыр": темир, кагаз, буюмдар денеге жармашканда
Сан-Сальвадордогу коронавирустан каза болгондор үчүн даярдалган көрүстөн. Архивдик сүрөт

ДССУ: коронавирустан дагы миллион адам ажал табышы мүмкүн

19
(жаңыланган 17:57 26.09.2020)
ДССУнун өкүлү бүгүнкү күндө вакцинаны каржылоо, өндүрүү жана ага баа берүү негизги көйгөй болуп жатканын белгилеген.

БИШКЕК, 26-сен. — Sputnik. Дүйнөлүк саламаттык сактоо уюму коронавируска каршы вакцина калың элге жеткиликтүү болгонго чейин бул оорудан дүйнө боюнча эки миллион адам көз жумат деген маалыматты четке кага албайт. Бул туурасында ДССУнун саламаттык сактоо жаатындагы өзгөчө кырдаалдар программасынын директору Майкл Райан брифингде билдирди.

Ал ушул тапта вакцинаны каржылоо, өндүрүү жана ага баа берүү негизги көйгөй болуп жатканын белгилеген.

"Албетте, муну элестетүү кыйын, бирок андан кача албайбыз. Себеби биз тогуз айда миллион адамды жоготтук, вакцинанын калың элге жайылышына дагы тогуз ай кетерин болжоп жатабыз", — деди Райан "вакцина жалпы массага жеткенге чейин өлгөндөрдүн саны эки миллионго жетиши мүмкүнбү?" деген суроого жооп берип жатып.

ДССУ COVID-19га каршы чыгарылып жаткан вакциналардын санын айтты

Ошондой эле ал ооруканага жаткырылган бейтаптардын арасында каза болгондор азайып калганын белгиледи. Дүйнө эли массалык өлүмгө жол бербөө үчүн артта калган тогуз айдан сабак алышы керектигин кошумчалады.

19
Белгилер:
өлүм, коронавирус, вакцина, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Вирус боюнча тараган жалган маалымат менен күрөшөлү. ДССУ жана БУУнун чакырыгы
Европада эпидемиологиялык абал эмнеге начарлап баратат. ДССУнун түшүндүрмөсү
Акула. Архивдик сүрөт

АКШда кош бойлуу аял акуланын оозунан күйөөсүн сууруп алды

0
(жаңыланган 18:33 26.09.2020)
30 жаштагы киши бет кап жана дем алуучу түтүк тагынып деңиз астындагы таштарды аралап сүзүүгө белсенген.

БИШКЕК, 26-сен. — Sputnik. АКШнын Флорида штатында кош бойлуу аял деңизге секирип акулага жем боло жаздаган күйөөсүн куткарып калды. Бул туурасында BBC News жазды. 

Анда 30 жаштагы киши бет кап жана дем алуучу түтүк тагынып алып деңиз астындагы таштарды аралап сүзүүгө белсенген. Бирок ал сууга түшөрү менен  дароо акула тиштеген. Муну көргөн жубайы артынан жардамга секирген.

Артын карабай качты. Акулага капыстан туш келген спортчулардын видеосу

Ал жолдошун коопсуз жайга тартып чыккандан кийин үй-бүлөнүн башка мүчөлөрү куткаруу кызматын чакырган. Жолдошу ийининен катуу жаракат алган. Куткаруучулардын бири алар барганда жабырлануучу өтө оор абалда болгонун айткан.

0
Белгилер:
күйөө, аял, куткаруу, акула, АКШ
Тема боюнча
Өлгөн киттин этин жеш үчүн акула жээкке чыккан. Видео
Жүрөктөрү тоо экен! Туристтер дүйнөдөгү эң чоң акула менен кошо сүздү