Кичинекей кыз менен эркек киши. Архивдик сүрөт

Облустук сот 12 жашар кызды зордуктаган кишинин жазасын жеңилдетти

964
(жаңыланган 12:39 14.02.2019)
Алгач райондук сот зордукчулду өмүр бою эркинен ажыратуу чечимин чыгарса, облустук сот аны өзгөртүп, кылмышкерди 14 жылга кескен.

БИШКЕК, 14-фев. — Sputnik. Чолпон-Ата шаарынын "Суу канал" ишканасынын насостук станциясында механик-оператор болуп иштеп, 12 жаштагы кызды зордуктаган киши 14 жылга эркинен ажыратылды. Бул туурасында Жогорку соттун маалымат кызматынан билдиришти.

Жагымсыз окуя 2018-жылдын 25-мартында болгон.

"Саат 22.00 чамасында кызды Чолпон-Ата шаарында жайгашкан "Рух-Ордо" комплексинин жанындагы "Суу канал" ишканасынын насостук станциясына алып барган. Механик-оператор комнатасынан жашы жете элек экендигин билип туруп, 2006-жылдын 21-мартында туулган Ж.Ж. аттуу өспүрүмдүн алсыз абалынан пайдаланып зордуктаган", — деп айтылат маалыматта.

Буга чейин облустук милиция такси айдап жан баккан киши сурак учурунда кызды кароолчунун будкасына киргизип чай берип, андан соң күч колдонуп кордогондугун билдирген.

Ал эми Ысык-Көл райондук соту 2018-жылдын 28-июнунда зордукчулду эркинен өмүр бою ажыраткан. Бирок соттолуучунун жактоочуларынын аппеляциялык арызынан кийин облустук сот аны 14 жылга эркинен ажыраткан чечим чыгарган.

"Жаза кодексинин 161-беренесинин 4-бөлүгү ("Зордуктоо") боюнча 14 жылга эркиндигинен ажыратылсын. Өкүмдүн жаза өтөөнүн орду жана шарты көрсөтүлгөн бөлүктөрү алып салынсын", — деп жазылган өкүмдө.

Соттук документте соттолуучунун абалын оордотуучу негиздерин бир жылдык мөөнөттө кайра кароого жол берилери белгиленген.

Маалыматта ал кишинин 54 жашта экендиги айтылды.

964
Белгилер:
сот, педофилия, зордуктоо, Ысык-Көл облусу, Кыргызстан
Тема боюнча
Зордукчунун бетин ит жеп кетти. Ысык-Көлдөгү үрөй учурган окуя
ИИМ: Бишкектин четинде таксистке кол салгандар кармалды
Бишкектеги Ала-Тоо аянтыдагы митинг учурунда. Архив

Жумабеков: митингде жабыркагандардын бири комадан чыга элек, абалы оор

19
(жаңыланган 16:45 28.10.2020)
Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап бар.

БИШКЕК, 28-окт. — Sputnik. "Ала-Тоо” аянтындагы митингде жабыркагандардын бири дагы деле комадан чыга элек, абалы оор. Бул тууралуу Sputnik Кыргызстан агенттигинин кабарчысына Травматология жана ортопедия илим-изилдөө борборунун жетекчиси Сабырбек Жумабеков билдирди. 

Анын айтымында, жабыркагандардын ичинен ооруканада 10 бейтап калды.

"Митингчилер менен милициянын кагылышынан биздин ооруканага 600дөй адам кайрылган. Азыр алардын ичинен 10у калды. Бешөөнүн абалы оор, бирөө комадан дагы деле ойгоно элек. Дары-дармек акысыз берилип жатат. Кээ бири операция болду. Аларга да операциялар бекер жасалууда", — деди Жумабеков.

Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап жатат.

"Улуттук госпиталда бир бейтап жатат. Калганы үйлөрүнө чыгарылды", — деди Жумалиев.

5-6-октябрда Бишкекте болгон митингден жабыркап, ооруканага жалпы 1 253 киши кайрылган.

Митингде бир көзүнөн айрылган Уларбектин таежеси: экинчи көзү да коркунучта

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

19
Белгилер:
ден соолук, абал, кома, Митинг, оорукана
Тема:
Парламенттик шайлоодон кийинки окуялар
Тема боюнча
Кыргызстанда беш партия биригип бийликке 6 талап койду
Балбак Түлөбаев Бишкек мэринин милдетин аткара баштады
Жолдогу автоунаа. Архив

Кар жаайт, жолго камынып чыккыла. ӨКМ айдоочуларга кулак кагыш кылды

67
(жаңыланган 16:31 28.10.2020)
Алдыдагы эки суткада республиканын кээ бир райондорунда жамгыр, тоо этектеринде жана тоолуу райондордо кар жаай турганы кабарланган.

БИШКЕК, 28-окт. — Sputnik. Эртең жана бүрсүгүнү Кыргызстандын көпчүлүк аймактарында кар жаашы күтүлүп жаткандыгын билдирген ӨКМ айдоочулардын жолго камданып чыгуусун эскертти.

Маалыматта 29-октябрда түнкүсүн Чүй облусунун көпчүлүк аймактарында, Талас облусунун кээ бир райондорунда жамгыр, тоо этектеринде жана тоолуу райондордо кар жаашы мүмкүндүгү кабарланган. Өрөөндөрүндө жаан карга айланышы күтүлөт.

30-октябрда күндүз жаан-чачын болбойт. Эртең менен кээ бир райондордо туман түшүшү мүмкүн. Ал эми түнкүсүн Ош, Жалал-Абад облустарынын көпчүлүк аймактарында, Баткен облусунун кээ бир райондорунда жаан жаап, тоо этектеринде жана тоолуу райондорунда кар түшүшү күтүлөт. Күндүз Ош облусунун кээ бир райондорунда жамгыр болуп, Жалал-Абад облусунун тоолуу райондорунда кар жаашы болжолдонууда, калган аймактарда жаан-чачын болбойт. Түнкүсүн жана эртең менен кээ бир райондордо туман түшүшү күтүлөт.

Томторду томсорткон суук. Аяздуу аймактын турмушунан баян

Аба ырайынын мындай божомолунан кийин Өзгөчө кырдаалдар министрлиги аба ырайы бузулган убакта автожолдорду көрүү аралыгы төмөндөп, автоунаалардын жүрүшүн кыйындата тургандыгын эскерткен.

Республика ичинде тоодогу автожолдорго чыгууга камынган айдоочуларга ӨКМ төмөнкү чараларды эске алууну сунуштайт:

  • ӨКМдин Гидрометеорология агенттигинин аба ырайы жөнүндөгү маалыматын эске алуу;
  • тоодогу автожолдордо бара жатканда автокөлүктөрдүн ортосундагы 500 метр аралыкты сактоо;
  • автоунааларды кышкы даярдыкка өткөрүү (дөңгөлөктөрдү кышкы шинага алмаштыруу ж.б.у.с.);
  • аптечка, чынжырча, күрөкчөнү кошо ала жүрүү.
67
Белгилер:
тоо, эскертүү, айдоочу, ӨКМ, Кыргызстан
Тема боюнча
Адаттагыдан суук болот. Ноябрга карата аба ырайы
Киши ант берип жаткан учурда. Архив

Антымды бузсам жоопкерчилик тартууга даярмын! Өкмөт мүчөлөрү ант берди

0
(жаңыланган 17:06 28.10.2020)
Өкмөттүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

БИШКЕК, 28-окт. — Sputnik. Премьер-министр Садыр Жапаров жана жаңыдан дайындалган өкмөт мүчөлөрү кызматына киришип жатып ант беришти.

Жогорку Кеңештин жыйыны "Ала-Арча" мамлекеттик резиденциясында өтүп жатат.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниет менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Садыр Жапаров депутаттардын алдында ант берди. Видео

Соңунда Жапаров аларга кайрылып,болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

0
Белгилер:
ант берүү, өкмөт, Садыр Жапаров
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео
Жапаров кимдерди бийликке алып келди. Өкмөттүн жаңы курамын таанып алыңыз