Жазгы талаа иштери. Архив

Министрлик: фермерлер киреше алып келчү гана эгиндерди экпеши керек

147
Айыл чарба министрлигинин биринчи милдети — өлкөнү азык-түлүк менен камсыздоо экени айтылды.

БИШКЕК, 14-фев. — Sputnik. Фермерлер жалаң гана киреше алып келе турган жашылча-жемиштерди айдабашы керек. Бул тууралуу Sputnik Кыргызстан агенттигинин маалымат борборунда өткөн тегерек стол учурунда Айыл чарба министрлигинин азык-түлүк коопсуздугу бөлүмүнүн жетекчисинин милдетин аткаруучу Анаркүл Беккулиева билдирди.

Временно исполняющая обязанности руководителя отдела продовольственной безопасности Минсельхоза Анаркуль Беккулиева во время круглого стола в пресс-центре Sputnik Кыргызстан
© Sputnik / Табылды Кадырбеков
Айыл чарба министрлигинин азык-түлүк коопсуздугу бөлүмүнүн жетекчисинин милдетин аткаруучу Анаркүл Беккулиева

Тегерек столдун темасы — "Айыл чарба министрлигинин чабалдыгынан дыйкандар жакырланууда. 2019-жылы эмне эгүү керек?".

Анын айтымында, эң биринчиден азык-түлүк коопсуздугуна көңүл буруу зарыл. Тагыраагы, биринчи максат — өлкөнү керектүү азыктар менен камсыз кылуу. Ал эми экспорт экинчи планда.

"Буудайдын ордуна техникалык сырье ала турган пахта, кызылча, күрүч, зыгыр сыяктуу өсүмдүктөрдү өстүрүү сунушталып жатат. Албетте, булар экспортко жакшы. Бирок биз азык-түлүктөрдү импорттоп жаткан өлкөлөр чектөө киргизип койсо, эмне жейбиз?" — деди Беккулиева.

Ал кошумчалагандай, Айыл чарба министрлигинин биринчи милдети — өлкөнү азык-түлүк менен камсыздоо.

147
Белгилер:
коопсуздук, өсүмдүктөр, айыл чарба
Тема боюнча
Айыл чарба министрлиги фермердин айыптоолоруна жооп берди
Айыл чарба министри картошканы сатуу үчүн Өзбекстанга сүйлөшүүгө кетти