Президент Кыргызской Республики Сооронбай Жээнбеков на торжественном собрании, посвященном 30-летию вывода Советских войск из Афганистана

Жээнбеков афган согушунда эрдик көрсөткөндөрдүн эрдигине таазим этти

(жаңыланган 12:40 15.02.2019)
Тогуз жылга созулган афган согушунда 248 кыргызстандык курман болгон. Бир жарым миң жоокер жаракат алган.

БИШКЕК, 15-фев. — Sputnik. Афган согушуна катышкан аскерлердин эрдиги жаштар үчүн мекенге кызмат кылуунун, мекенчилдиктин, мекенин коргоонун үлгүсү болуп кала берет. Мындай пикирин өлкө башчысы Сооронбай Жээнбеков советтик аскерлердин Афганистандан чыгарылышынын 30 жылдыгына арналган салтанатта айтты.

  • Торжественное собрание, посвященное 30-летию вывода Советских войск из Афганистана
    Афган согушуна катышкан аскерлердин эрдиги жаштар үчүн мекенге кызмат кылуунун, мекенчилдиктин, мекенин коргоонун үлгүсү болуп кала берет
    © Пресс-служба президента КР / Султан Досалиев
  • Торжественное собрание, посвященное 30-летию вывода Советских войск из Афганистана
    Мындай пикирин өлкө башчысы Сооронбай Жээнбеков советтик аскерлердин Афганистандан чыгарылышынын 30 жылдыгына арналган салтанатта айтты
    © Пресс-служба президента КР / Султан Досалиев
  • Торжественное собрание, посвященное 30-летию вывода Советских войск из Афганистана
    Президент көп улут өкүлдөрүнөн турган Советтик Армиянын катарында жети миңден ашык кыргызстандык өз милдетин аткарганын, өлүмдөн коркпой, баатырдыктын үлгүсүн көрсөткөнүн эске салды
    © Пресс-служба президента КР / Султан Досалиев
  • Торжественное собрание, посвященное 30-летию вывода Советских войск из Афганистана
    Ардагерлерге сыйлык тапшырылып, салтанаттуу жыйын концерт менен жыйынтыкталды.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Афган согушуна катышкан аскерлердин эрдиги жаштар үчүн мекенге кызмат кылуунун, мекенчилдиктин, мекенин коргоонун үлгүсү болуп кала берет

Президент көп улут өкүлдөрүнөн турган Советтик Армиянын катарында жети миңден ашык кыргызстандык өз милдетин аткарганын, өлүмдөн коркпой, баатырдыктын үлгүсүн көрсөткөнүн эске салды.

"Тогуз жылдан ашык созулган афган согушу миллиондогон адамдардын жүрөгүндө өчпөс так калтырды. Миңдеген мекендешибиз уулдарынан, бир туугандарынан, аталарынан, өмүрлүк жарынан ажырады. Афган согушунда 248 кыргызстандык курман болду. Бир жарым миң жоокерибиз жаракат алып, кырчындай болгон жаш жигиттер майып болушту. Аскердик милдетин каармандык менен аткарган бардык мекендештерибиздин эрдигине баш ийип, аларга урматыбызды билдиребиз. Кырчындай жаш өмүрүн курмандыкка чалган баатырларыбыздын элесине таазим этип, каармандыгын даңктайбыз!" — деди Жээнбеков.

Ал 247 кыргызстандык СССРдин жогорку мамлекеттик сыйлыгы менен сыйланып, эки жоокер Советтер Союзунун Баатыры деген жогорку наамга татыганын эске салды. Ош облусунун Базар-Коргон районунун Арсланбап кыштагында туулган кенже сержант Юрий Исламовго курман болгондон кийин Советтер Союзунун Баатыры деген наам берилген. Ушундай жогорку сыйлыкка Чүй облусунун Сокулук айылынын тургуну капитан Сергей Гущин дагы татыктуу болгон.

Мамлекет башчысы сөзүн жыйынтыктап жатып, мамлекет экономикалык мүмкүнчүлүгүнө жараша "афган" ардагерлерине социалдык колдоосун үзбөй көрсөтүп жатканын, башка социалдык-экономикалык маселелердин катарында алардын да маселелери ырааты менен чечилерин белгиледи.

Ардагерлерге сыйлык тапшырылып, салтанаттуу жыйын концерт менен жыйынтыкталды.

Белгилер:
ардагер, согуш, Сооронбай Жээнбеков, Афганистан
Тема боюнча
Туткунга түшсөк жан кыюуга даяр элек... Полковник Абдылдаевдин маеги
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты