Ооруканадагы балдар. Архивдик сүрөт

Кызамык менен ооругандардын жарымынан көбү бир жашка чейинки бөбөктөр

151
(жаңыланган 17:39 20.02.2019)
Оорунун жайылуусуна жаңы төрөлгөн ымыркайдын кызамыкка каршы эмдөө албай калышы себепкер болууда.

БИШКЕК, 20-фев. — Sputnik. Кызамык менен ооругандардын жарымынан көбү бир жашка чейинки бөбөктөр. Ал эми учурда Республикалык инфекциялык ооруканада балдар менен чоңдорду кошкондо 53 адам кызамык оорусунан дарыланып жатат. Бул туурасында Иммундук профилактика боюнча республикалык борбордун жетекчиси Гүлбара Ишенапысова Sputnik Кыргызстан маалымат агенттигине айтып берди.

Ал эми акыркы үч суткада ооруканага 23 адам аталган илдетке шектелип түшкөн.

"Январга карата республика боюнча кызамык оорусун жуктуруп алган 500 учур катталган. Алардын жарымы курагы боюнча эмдөө албаган бир жашка чейинки бөбөктөр. Ал эми жалпы санды анализдеп карай келгенде, 1-4 жашар наристелер болууда", — деди ал.

Директордун айтымына караганда, кызамык негизинен Чүй облусу менен Бишкек шаарында көп кездешип жатат, ал эми облустарда дээрлик жок.

Ишенапысова оорунун жайылуусуна жаңы төрөлгөн ымыркайдын кызамыкка каршы эмдөө албай калышы себепкер болгонун айтты.

"Илдетке ички миграция менен вакцинациядан баш тартуу себеп болуп жатат. Диний жаатта жасалган бул маселени чечүү боюнча Кыргызстан мусулмандар башкармалыгы менен биргеликте иштеп жатабыз. Бизде республика боюнча эмдөө калктын 95 пайызын камтышы керек эле. Жогорку себептерден улам ал өткөн жылдары 93 пайызга түшүп кеткен. Эми бул көрсөткүчтү жогорулатуу боюнча муфтият жана православ чиркөөсү менен да жогоруда айтылган түшүндүрүү чараларын жүргүздүк. Бул иштер уланууда", — деди ал.

Ал оорунун белгилери сасык тумоого окшош болгондуктан, дене табы көтөрүлөрүн айтты.

Ал ата-энелерге 1-6 жашында вакцинаны алууну жана баланын дене табы көтөрүлгөндө аймактык дарыгерди үйгө чакырып, оорудан шектенип жатканы боюнча кабардар кылууну эскертип өттү.

151
Белгилер:
эмдөө, оорукана, бала, оору, кызамык, Чүй облусу, Бишкек, Кыргызстан
Тема боюнча
Баласын тирүү алып калганым үчүн жек көрүшөт. Бишкектик педиатрдын маеги
Чарчайт, кубарат, көп тумоолойт. Баладагы рак илдетинин белгилери
ИВЛ аппарат. Архивдик сүрөтү

Өкмөт: беш күндөн кийин 13 тез жардам унаасы жана 17 ИВЛ аппарат алып келинет

10
(жаңыланган 15:27 10.07.2020)
Вице-премьер июль жана август айларында өлкөгө дем алуу аппараттары келерин да кошумчалады. Медициналык жабдуулар Дүйнөлүк банктын долбоорунун алкагында алынат.

БИШКЕК, 10-июл. — Sputnik. 15-июлда өлкөгө 13 тез жардам унаасы жана 17 ИВЛ аппараты алып келинет. Бул тууралуу вице-премьер Аида Исмаилова брифинг учурунда билдирди.

Анын айтымында, бул медициналык жабдуулар Дүйнөлүк банктын долбоорунун алкагында алынат.

COVID-19ду ооздуктоого чет жактан алынган акчанын 2,2 млн. доллары бөлүнгөн

"Тендер өткөрүлүп, банк менен 6 миллион 126 миң 598 долларлык келишим түзүлгөн. Анын алкагында июль-август айларында дем алдыруучу аппараттар алып келинет. Мындан сырткары, 15-июлда 17 ИВЛ аппараты жана 13 тез жардам унаасы да келет", — деди Исмаилова.

Ал 840 миң долларга дары-дармек сатып алуу маселеси каралып жатканын айтып, ЮНИСЕФ аркылуу 835 миң 485 долларга жеке коргонуу каражаттарын алуу пландалганын кошумчалады.

10
Белгилер:
долбоорлор, тендер, Медициналык жабдуу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Апасынан айрылган кыз: "Гансиде" ачылды делген реанимациялык блок иштеген жок
Бишкек мэринин кеңешчиси Гуля Алмамбетова

Алмамбетова: бейтаптар медиктердин бетинен өөп жиберейин дейт

6
(жаңыланган 15:16 10.07.2020)
Бишкек мэринин кеңешчиси Гуля Алмамбетова борбор калаадагы күндүзгү стационарлар тынымсыз иш алып барып жатканын айтты.
Алмамбетова: бейтаптар медиктердин бетинен өөп жиберейин дейт

Бишкек шаарындагы күндүзгү стационарлардагы медиктер алгачкы күндөрү жетишпей, буту-колдору шишип кеткенге чейин иштеп жатышты. Бейтаптар медиктерге ыраазычылыгын билдирип, бетинен өөп жибергиси келип жатат. Бул тууралуу Гуля Алмамбетова Sputnik Кыргызстан радиосуна маек куруп жатып билдирди.

Саламаттык сактоо министринен пневмония, орун басарынан COVID аныкталды

Анын айтымында, Бишкек шаарынын төрт районунда экиден стационар бейтаптарды кабыл алып, ал эми бирөөсүндө үчүнчү күндүзгү стационар ачылууда.

"Бишкек шаарындагы стационарлардагы 790 орунга 8-июлда 8 086 адам кабыл алынып, 6 673 киши дарыланып, 1 349 адамга консультация берилди. Булардын ичинен 57 жаранга тез жардам чакырылып, ооруканаларга жеткирилди. Тилекке каршы, жети жаран көз жумду. Эртең мененки 8:00дөн кечки 20:00гө чейин дарыгерлер кызмат көрсөтүшүүдө. Алгачкы күндөрү медиктер жетишпей, буту-колдору шишип кеткенге чейин иштешти. Кийинки күндөрдө эки топко бөлүнүп иш алып барышууда. Мэрдин тапшырмасы менен бейтаптардын ПЦР-тести бар-жогуна карабастан жардам көрсөтүлүүдө. Бул жакта иштеген дарыгерлердин тамак-ашы, транспорту жана жашаган жери камсыздалган. Бейтаптар медиктерге ыраазычылыгын билдирип, бетинен өөп жибергиси келип жатат. Абалга жараша жеке каражаттары жана вирустун жугуу коркунучунан улам анте алышпайт", — деди Алмамбетова.

Ошондой эле ал акыркы убактарда сакайып чыккан бейтаптардын саны көбөйүп калганын кошумчалады.

6
Белгилер:
дарыгерлер, мэрия, бейтап, Гуля Алмамбетова
Тема:
Коронавируска байланыштуу Кыргызстандагы кырдаал
Тема боюнча
Эми мечиттерде жума намаз окулбайт. Муфтияттын билдирүүсү