Бейтап. Архив

6-кабаттан секирип кеткен кыздын абалы айтылды

1422
(жаңыланган 10:32 21.02.2019)
Өмүрүн кыюуга аракет кылган кызды милиционерлер тосуп алган.

БИШКЕК, 21-фев. — Sputnik. Бишкектеги "Тунгуч" кичирайонундагы үйлөрдүн биринин 6-кабатынан секирип кеткен кыздын абалы оор. Бул тууралуу Саламаттык сактоо министрлигинин маалымат кызматы билдирди.

Эскерте кетсек, окуя 20-февраль күнү болгон. Милицияга көп кабаттуу үйдүн терезесинен секирүүгө камынып жаткан кыз боюнча маалымат саат 14.20да түшкөн. ӨКМдин кызматкерлери эшикти ачып киришкени менен кыз эпке келбей секирип кеткен. Аны жерде килем жайып турган милиционерлер тосуп алган.

"Абалы оор. Бирок эсине келди", — дешти маалымат кызматтан.

Жабырлануучу Бишкектеги №3 балдар клиникасында.

Кыз ушул жылдын май айында 18ге толот. Учурда тийиштүү тараптар окуянын чоо-жайын тактап жатат.

1422
Белгилер:
КР Саламаттык сактоо министрлиги, милиция, суицид, Бишкек
Тема боюнча
Кыргызстанда киши колдуу болгон балдар. Үрөй учурган сандар
Буэнос-Айресте футболдун легендасы Диего Марадонанын дүйнөдөн кайткандыгына байланыштуу эл аза күтөт

Кароосуз калтырган. Марадонанын дарыгери анын өлүмүнө күнөөлөнүп жатат

4
(жаңыланган 10:11 30.11.2020)
Учурда дарыгердин үйүндө жана клиникасында тинтүү жүргүзүлүп, Марадонанын оорсуна байланыштуу документтер алынган.

БИШКЕК, 30-ноя. — Sputnik. Диего Марадонанын дарыгери Леопольд Луке футболчунун өлүмүнө күнөөлөнүп жатканын РИА Новости Аргентинанын Telam агенттигине шилтеме кылып жазды.

Дарыгердин үйүндө жана клиникасында тинтүү жүргүзүлүп, Марадонанын оорусуна байланыштуу документтер алынган.

Тергөө ак халатчандын шалаакылыгына жана бейтаптын кароосуз калгандыгына байланыштуу жүргүзүлүп жатканы айтылат.

Ошондой эле медайым Даяна Гисель Мадрид да суралууда. Ал таңкы 07:30да Марадонанын бөлмөсүнөн кыйналган үн угуп, барып тиешелүү жардам көрсөткөнүн айткан. Бул айткандарынын эми чын-бышыгы аныкталууда.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

4
Белгилер:
өлүм, футбол, дарыгер, Диего Марадона
Тема боюнча
Өз тажиямда эмне дээр элем... Марадонанын эски видеосу желдей тарады
Мамлекеттик кызматкер иш учурунда. Архив

"Унаа" мекемесине караштуу бир бөлүмдүн иш графиги өзгөрөт

12
(жаңыланган 10:07 30.11.2020)
Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

БИШКЕК, 30-ноя. — Sputnik. "Унаа" мамлекеттик мекемесинин "Риом" унаа базарында жайгашкан бөлүмүндө 1-декабрдан тарта жаңы иш графиги түзүлөт. Бул тууралуу Мамлекеттик каттоо кызматы кабарлады.

Ага ылайык, аталган бөлүм декабрдын башынан тарта дүйшөмбү, шейшемби, шаршемби, ишемби, жекшемби күндөрү иштейт. Ал эми бейшемби жана жума күндөрү дем алыш болуп эсептелип, бөлүм жабык болот.

"Жумуш убактысы ошол бойдон калат. Тагыраагы, саат 8:30дан 17:30га чейин иштейт. Ал эми 12:00дөн 13:00гө чейин тыныгуу", — деп айтылат маалыматта.

Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

12
Белгилер:
өзгөрүү, тартип, график, унаа, каттоо кызматы
Тема боюнча
Мамкаттоо 604 миң сомго автоунаанын бир номерин жана эки "ХАН" сатты
Сейсмограф маалыматтары. Архив

Түндө Кочкордо эки жолу жер титиреди

0
(жаңыланган 10:14 30.11.2020)
Жердин силкинүүсү алгачкысында төрт, андан кийинкисинде үч баллга жеткен. Биринчи менен экинчи жер титирөөнүн аралыгы өтө узак болгон эмес.

БИШКЕК, 30-ноя. — Sputnik. Түндө Нарын облусунун аймагында эки ирет жер силкинип, очогунда күчү 4 баллга жетти. Бул туурасында ӨКМдин маалымат кызматынан кабарлашты.

"Жер титирөө саат 23:47де Кочкор районунун Туз айылында 4 балл, Чолпон, Көк-Жар, Кум-Дөбө айылдарында 3,5 балл, Кочкор, Кара-Суу айылдарында 3 балл, Мантыш, Семиз-Бел, Дөң-Алыш айылдарында 2,5 баллга чейин сезилген ", — деп айтылат маалыматта.

Жалал-Абад шаары. Архив
© Sputnik / Табылды Кадырбеков
Андан кийин афтершок болгон. Тагыраагы, 30-ноябрда түнкү саат 02:18де Нарын облусунун аймагында жер дагы силкинип, ал 3 баллга жеткен. Кочкор районунун Туз айылында 3 балл, Чолпон, Көк-Жар, Кочкор айылдарында 2,5 баллга чейин сезилген.

ӨКМдин алдын ала берген маалыматында жер титирөөдөн жабыркагандар жана кыйроолор катталган жок.

0
Белгилер:
ӨКМ, жер титирөө, Кочкор, Кыргызстан
Тема боюнча
Эртең менен Ошто жер титиреди