Үй-бүлө. Архив

Ата-энемди таштап, аялым менен жашап жатам... Айласы кеткен кишинин баяны

7197
(жаңыланган 11:56 25.02.2019)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышына аялы менен энесин жараштыра албай куураган эркектин каты жарыяланмакчы.

Жашым 35те. Үйдө үч эркектин кичүүсүмүн. Улуу агам үй-бүлөсү менен Казакстанда турат. Экинчи байкем оорудан улам каза болуп калган. Өзүмдүн үйлөнгөнүмө 4 жылга чукулдады, кыздуу болгонбуз. Ата-энем өмүр бою кызматта иштеген адамдар, пенсияга чыгышкан. Кудайга шүгүр, ден соолуктары жакшы, турмуш шартыбыз да жаман эмес. Бирок апам менен келинчегимдин жылдызы келишпей бушайман кылды. Байкем алыста жүргөндүктөн ата-энемдин колунда мен калдым. Жаңы үйлөнгөндө экөө тең иштеп көп нерсе билинчү эмес окшойт. Аялым төрөп, апам пенсияга чыккандан кийин ызы-чуу башталды. Атам да адамга катуу айтпаган киши, унчукпайт.

Келинчегим күндө бөлүнөлү деп кулак-мээмди жесе, апам "эмне деген аял алгансың" деп айламды кетирди. Экөөнүн тең кыялдары чорт. Апамдын сөзүн сүйлөсөм, аялым эки ирет баланы алып кетип калды. Бирок кызымдын өзүнчө өсүшүн каалаган жокмун, анын үстүнө аялымды жакшы көрөм. Айла жок, ата-энеме түшүндүрүп айтып бөлүнүп кеткенбиз. Андан бери төрт-беш ай болду. Атам деле айласы кетип макул болду. Небересине тез-тез келип турат. Апам деле урушканы менен жашообуздан кабар алып келип-кетип турат. Келиндин чайын ичип, небере жыттаар кезинде үй-бүлөмдү алып кетип калганыма бушайман болуп жүрөм. Бирок аялым "апам менен чогуу жашай албайм" деп жалдырайт. Экөөнүн ызы-чуусуна акыркы күндөрү чыдабай калгам. Апама да, жубайыма да "эптеп тил табышып сүйлөшүп көргүлөчү" деп сурандым. Макул болушканы менен кайра эле баягы көрүнүш.

Азыр эмне кылышты билбей башым катып жүргөн кезим. Ата-энемдин жалгыз калышын, үй-бүлөмдүн бузулушун да каалабайм. Эмне кылсам?

Гүлнара Жасоолова:

Бул үй-бүлөдө баланын апасы менен аялы эмнеден улам тил табыша албай жатканын так аныкташ керек. Кыял-жоругунанбы, же кайненеси келинди башынан каалаган эмеспи? Анткени башка келин алгысы келген кайнене жактырбай, уруш-талаш чыгара бериши мүмкүн. Үй-бүлөнү апасы башкарып, бийлик аялдын колунда болгондо да ушундай учурлар көп болот.

Бирок ар бир ата-эне, өзгөчө эне баласынын бактылуу болушун каалайт. Ошондуктан келин үчүн дагы кайнене менен кайнатанын орду болушу зарыл. Аларга сый-урмат көрсөтүп, туура эмес жагдайлар болсо күйөөсүнөн мурда кайненеси менен жай отуруп сүйлөшүп алса жакшы.

Кайнене дагы келин менен атаандашпай, ага акыл-насаат айтышы зарыл.

Эркектин чечкиндүүлүгүнөн дагы көп нерсе көз каранды. Апасын да, аялын да сыйласын, бирок айтчу нерсе болсо ачык айтып, маселе курчуп кете электе ортого салып чечкени оң. Үй-бүлө башчысы экөөнү тең кыя албай, алардын ою менен боло берсе, башына чыгып кетишет.

Ата-энесинин же аялынын айынан ажырашып кеткен үй-бүлөлөр толтура. Бирок ажырашаар алдында адам ойлонушу керек. Экинчи жолу үйлөнгөндө деле эч нерсе өзгөрбөйт, жашоо ушундай эле. Ал тургай мындан жаман болуп калышы мүмкүн. Эң биринчи кезекте балдарды жетим калтырбай, үй-бүлөнү сактап калууну ойлонуш керек. Такыр эле маселе чечилбей жатса, психологго апасын, аялын алып барсын.

Үй-бүлө бузулган мамлекет ураганга барабар дейт, андыктан кайрылган кишиге айтаарым, апасына айта албаса да аялына баарын түшүндүрүп, экөөнү жараштырганга аракет кылсын.

Эки аялга айтаарым, адам бат эле бузулуп кетет, айрыкча эркек киши. Жаман жолго түшүп кетпесин дешсе, бир тилге келип ынтымактуу жашагандары оң.

7197
Белгилер:
психолог, ата-эне, үй-бүлө
Тема:
Психолог менен баарлашуу (158)
Тема боюнча
Ата-энем оокаттуу жерге бар деп кыйнап... Бойго жеткен кыздын баяны
Күйөөмдүн башкадан баласы бар экен... Согончогу канабаган аялдын каты
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

6
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

6
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет
Көчөдө бараткан адам. Архив

Эксперт: COVID бир нече жылдан кийин кадимки сасык тумоодой болуп калышы мүмкүн

27
(жаңыланган 13:31 01.08.2021)
Адистин айтымында, дүйнөдө беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Ошентсе да алар коронавирустун жеңил түрү менен ооруй бериши мүмкүн.

БИШКЕК, 1-авг. — Sputnik. Коронавирус бир нече жылдан кийин кадимки сасык тумоо сыяктуу болуп калышы ыктымал. Ал тургай ага антителасы барлар да ооруп, эл дартты жеңил формада көтөрүшү мүмкүн. Бул тууралуу антисептиктин формуласын ойлоп тапкан швейцариялык адис Дидье Питте РИА Новости агенттигиндеги маегинде айткан.

Ал дүйнөдө пандемияга алып келген коронавирустун бир нече түрү бар экенин айтып, бирок адамдар жуктуруп жаткан түрүнө иммунитет бала кезден эле иштелип чыгарын белгилеген.

"Биз бул вирустарды билип, иммунитет иштелип чыккан күндө деле убакыт өткөн сайын ал жеңил сасык тумоо сыяктуу болуп калат. Беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Бирок анын жеңил түрү менен ооруй берет. Ал сасык тумоодой эле болуп калат", — деди ал.

Питте дүйнөдө коронавируска каршы вакцина иштелип чыкпаганда жамааттык иммунитеттин пайда болуусу үчүн 6дан 10го чейин коронавирус толкуну болушу керек эле деген ойду кошумчалаган. Ал калк канчалык көп эмделсе, дүйнө ошончо эрте кадимки жашоого кайтарын эскертип, балдарды да эмдөө керектигине токтолгон.

27
Белгилер:
коронавирус, сасык тумоо, мутация, эмдөө
Тема:
Дүйнөгө жайылган коронавирус
Тема боюнча
Дарыгер коронавирустан кийин кимдерде тромбоз пайда болорун айтты
Чүйдүн Кемин районунда автоунаа жолдон чыгып оодарылып кеткен

Кеминде автоунаа жолдон чыгып кетип, 20 жаштагы улан көз жумду. Сүрөт

0
Кырсык Бишкек — Нарын — Торугарт унаа жолунун 133-чакырымында болгон. Куткаруучулар жигиттин сөөгүн Тез жардам кызматына өткөрүп берген.

БИШКЕК, 1-авг. — Sputnik. Чүйдүн Кемин районунда автоунаа жолдон чыгып оодарылып кеткен. Анын кесепетинен 20 жаштагы улан каза болду. Бул тууралуу ӨКМдин маалымат кызматы кабарлады.

Ага ылайык, кырсык Бишкек — Нарын — Торугарт унаа жолунун 133-чакырымында болгон. Анда Honda Fit үлгүсүндөгү автоунаанын айдоочусу жолдон чыгып оодарылып кеткен.

"Жол кырсыгынан Э.И. аттуу 20 жаштагы жигит көз жумган", — деп айтылат маалыматта.

Жерине ӨКМдин Кемин районундагы төрт куткаруучусу тартылган. Алар каза болгон баланын сөөгүн автоунаадан чыгарып, Тез жардам кызматына өткөрүп берген.

0
Белгилер:
Чүй облусу, Кемин району, жол кырсык, жигит, өлүм, ӨКМ
Тема:
2021-жылдын башынан бери Кыргызстанда болгон жол кырсыктар
Тема боюнча
Унаанын таш-талканы чыккан. Боомдогу үрөй учурган жол кырсыктын видеосу