Электрондук билет. Архив

Ошто коомдук транспорт электрондук билеттерди кабыл ала баштады

364
(жаңыланган 10:02 26.02.2019)
Электрондук карталардын балансын толуктоо үчүн шаарга терминалдар орнотулду.

БИШКЕК, 25-фев. — Sputnik. Бүгүн, 25-февралда, Ош шаарында коомдук транспортто электрондук билеттерди кабыл алуучу автоматташтырылган система ишке кирди. Бул тууралуу калаа мэриясынан билдиришти.

Маалыматка караганда, учурда шаардагы №1 багыттагы троллейбустар электрондук билеттерди кабыл алып жатат.

"Ушул жуманын аягында троллейбустун №2 багыты, ал эми март айында коомдук автобустарда жаңы система ишке кирет. Билеттер Ош шаардык муниципалдык автоунаа мекемесинде сатылат. Картаны алуу учурунда паспорт, ал эми ардагерлердин күбөлүгү болушу шарт", — деп айтылат маалыматта.

Карта менен төлөгөндө жол акысы өзгөрбөйт. Тагыраагы, ардагерлер бекер жүрүшсө, окуучулар 1 сомдон, ал эми калган жарандар троллейбуска 6 сом, автобуска 8 сомдон төлөшөт.

Учурда электрондук карталардын балансын толуктоо үчүн терминалдар Ош шаардык муниципалдык автоунаа мекемесинде, ОшМУ, ОшТУ, ОшКУУ жогорку окуу жайларында орнотулду. Жакында "Элсом" электрондук капчыгы аркылуу балансты толуктоого мүмкүн болот.

364
Белгилер:
жол кире, электрондук билет, Ош
Тема боюнча
Смарт-карта ээлери үчүн жол кире кымбаттабайт. Мэриянын планы
Эркек киши. Архивдик сүрөт

Дарыканадан акча уурдай качып, кайра кайтарып камалган жигиттин маеги

266
(жаңыланган 15:10 24.10.2020)
Балдары ооруп, дарыга акчасы жок болуп дарыканадан акча уурдай качкан Токмоктогу жигит эсиңиздердеби? Окуянын өзү, фемида өкүлдөрүнүн ага чыгарган чечими коомчулукта чоң талкуу жараткан.

Каарманыбыз Замирбек Кожоканов 2019-жылдын 12-мартында балдары ооруп, дарыканадан курткасын күрөөгө коюп дары берүүсүн өтүнгөн. Дарыканачы баш тартканда акча алып чыгып кеткен. Бирок көп өтпөй акчаны кайтарып берип, милицияга өзү барган. Дарыкананын ээси доом жок деп жазып бергенине карабай, Кожоканов беш жылга эркинен ажыратылган. Кийин ал жаза 2,5 жылга кыскарган.

Учурда 34 жаштагы Кожокановго ырайым берилип, бир жылдык жазасы кыскарып эркиндикке чыккан.

Sputnik Кыргызстан агенттиги Замирбек Кожокановдун учурдагы абалы, жашоосу тууралуу өзү менен сүйлөштү.

— Учурда эмне менен алек болуп жатасыз?

— Бишкекте курулуш тармагында иштеп жүрөм. Мурдатан эле курулушта ички жасалгалоо, евроремонт менен алектенчүмүн. Азыр иштеген жеримде эле жатып, көп кабаттуу үйдөгү батирдин ичин жасап жатабыз.

— Үй-бүлөңүз Токмоктобу?

— Ооба, эки кызымды апам карап жатат. Эки кыз, бир уулум бар. Келинчегим менен кичүү уулумду эки жылдан бери көрө элекмин. Аялым менен таарынышып кеткенбиз. Эми ага ар кандай себептер болуп калды. Убактылуу кармоочу жайда жатканымда бир эле жолу телефон аркылуу сүйлөшкөнбүз. Ошондон кийин байланышкан жокпуз. Абактан чыккандан кийин издеп барган да жокмун. Баргым да келген жок.

Чыңгыз Анарбек уулу: качпасам өлтүрүп коюшмак

— Көңүлүңүз ооруп калган окшойт?

— Ошондой болуп калды. Көчөдөн көрүп калсам деле артынан чуркап барбайт болчумун. Азыр баары жакшы, кыздар ата-энемдин колунда. Иштерим деле, кудай буюрса, жакшы болуп жатат.

— Апаңыз сиз камалганда насыя алганын айтып жатты эле…

— Азыр карыздардан толук кутула элекпиз. Бир аз бересем бар. Токмоктогу убактылуу кармоочу жайда жатканда тергөөчүгө дос балам 20 миң сом берген. 

— Кандайча тергөөчүгө акча бердиңер?

— Токмокто жатканда тергөөчү камераны ачып туруп "сотко сүйлөшүп, абактан бошоттуруп берем" деп 20 миң сом сураган. Мен дароо дос балама байланышып, ал машинасын күрөөгө коюп, эртеси эле акчаны алып келип берген. Көрсө мени алдап коюшуптур. Ошентип досум кийин тергөөчүгө чалып жүрдү. Ал акыры номерин алмаштырып койду окшойт, өчүк болуп калды.

— Абакта толук бир жыл отурдуңузбу?

— Жок, бир жарым жыл отурдум. Беш жыл менен "централкага" (СИЗО-1 — ред.) киргем. Ал жактан бир ай өтпөй эле Бакыт жана Тилек (Тилек Мамбетов — ред.) деген эки адвокат мени облустук сотко чакыра баштады. Ошол эки адвокатым чуркап жүрүп, беш жылды эки жарым жылга кыскартып берди. Андан кийин Жалал-Абаддагы абакта 1,5 жыл отургандан кийин, так датасы эсимде жок, бир күнү эле микрофондон фамилиямды айтып чакырды. Барсам, адвокатым Тилек Мамбетов президентке кайрылып, жаза өтөөчү бир жылымды алдырып бергенин айтышты.

Токмоктогу дарыканадан акча уурдай качкан жигитке ырайым кылынды

— Сизди алгач беш жыл эркиңизден ажыратуу менен кошо 70 миң сом айып салды эле. Кийин 50 миң сомго азайган…

— Ооба, аны да төлөдүм. Ишимди тергөөчү, орусча айтканда, чалды-куйду толтуруп салыптыр да. Мурда бандиттер менен байланышы болгон өңдүү жалаа жаап салышкан экен. Бирок сотто мурун армияда кызмат өтөгөнүм, үй-бүлөлүк абалым каралды.

— Ошол каргашалуу күнү балаңыз аябай ооруп жатты беле? Эмнеге мындай ишке баргансыз?

— Ошол күнү акчага аябай муктаж болуп калдым. Бир жерде иштеп, ал жактан да иштеген акчамды бербей алдап кетишти. Негизи ал күнү ошол кишини издеп жүргөм. Ортодон бирөөлөргө жолугуп ачуум менен бир аз ичимдик да ичип алгам. Иччү эмесмин. Балам да грипп болуп ооруп жаткан. Анан ушундай окуя болуп кетти. 

Судебный молоток. Архивное фото
Сот балкасы

— Кыздарды жалгыз багып, бир чети сизге чуркап ортодон апаңыз кыйналыптыр. Сиз жалгыз уулсузбу?

— Жок, жети бир тууганмын. Эки эркек, беш кыз. Ата-энем пенсия курагындагы адамдар. Мен үй-бүлөм менен бөлүнүп, Токмоктун кичи районунда батирде турчумун.

— Баарынан кыйыны эмне болду?

— Башымдан өткөн күндөрдүн ичинен эң кыйыны соттолуп кеткеним, беш жылга эркимден ажыратуу тууралуу соттун чечимин угуу болду. Кийин 2,5 жыл бергенде беш жылга караганда шүгүр дедим. Жаза өтөө мөөнөтүмдүн бир жылы кыскартылган соң эки айдан кийин абактан чыктым. Азыр толугу менен пробация да бүттү. Айдын башында жана аягында келип турасың дешкен. Ушул жылдын 18-августунда Жалал-Абаддан бошоп чыктым. Кечинде коё берди. Алар да убакыт-сааты менен чыгарат экен. Анан ошол жакта отурган балдар жардам беришти, үйдөгүлөр акча салып маршрутка менен Чүйгө келип алдым.

"Братва" менен бир жайга жайгаштырууну өтүндүм. Максат Чакиев менен ачык маек

— Алгач кандай сезимде болдуңуз?

— Бошоп чыкканда эле эркиндикти сездим. Баа-баркы билинди.

— Алдыда пландарыңыз барбы?

— Эми кайрадан үйлөнүп, жаңы жашоо баштоону чечтим. Балам чоңойсо кийин издеп келер. Кыздарымды багып эле өз алдымча жаңы жашоо баштайм.

— Абактан кийин кандай ойдо калдыңыз?

— Баарын акча чечип калыптыр. Оор кылмыш кылган адам деле акчасы болсо кутулуп кетет турбайбы. Абакта деле кээ бир балдар менен сүйлөшүп калдым. Ал жакта деле ак жеринен отургандар бар. Көчөдө кетип бара жаткан жеринен кармалып, кылмышты мойнуна алып калган. Айтор, оор тагдырлар көп экен.

266
Белгилер:
акча, Жалал-Абад, абак, Токмок, сот
Тема боюнча
Дарыкананы тоноп кесилген кишинин апасы: 40 миң сомум болсо уулумду алып калмакмын
Беткап кийип мектепке бараткан окуучулар. Архивдик сүрөт

Өтө катаал айлар келе жатат. ДССУ башчысы мектептерди жабууга чакырды

105
(жаңыланган 14:00 24.10.2020)
ДССУ жетекчисинин айтымында, дүйнө COVID-19 пандемиясынын өтө курч жеринде турат. Өзгөчө түндүк жарым шары абдан кооптуу абалда.

БИШКЕК, 24-окт. — Sputnik. Дүйнөлүк саламаттык сактоо уюмунун (ДССУ) башчысы Тедрос Адханом Гебрейесус жакынкы айларда пандемия өтө күчтүү болорун айтып, өлкөлөргө мектептерди жабууну сунуштады. Бул тууралуу жетекчинин Женевадагы брифинги учурунда сөз болду.

“Азыр биз COVID-19 пандемиясынын өтө курч жеринде турабыз. Өзгөчө түндүк жарым шары, айрым мамлекеттер абдан кооптуу абалда. Айрым өлкөлөрдүн саламаттык сактоо системасында ресурстар түгөнүшү ыктымал. Андыктан дүйнө лидерлери өлүмдүн санын азайтууга аракет кылышы керек. Мектептерди дагы жаап туруу зарыл”, — деди Гебрейесус.

Октябрда коронавируска кабылган балдардын саны үч эсеге өстү

Мындан улам уюм жетекчиси элге так маалымат берип, муктаж болгондорго жана бизнеске болушунча жардам көрсөтүү керектигин кошумчалады.

105
Белгилер:
ден соолук, мектеп, пандемия, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Бишкек: мектептерде күндүзгү стационарлар кайрадан ачылууда. Дареги
Өкмөттө мектептердеги окуу жана эпидемиологиялык абал талкууланды
Россия президенти Владимир Путин Валдай дискуссиялык клубунун жыйынында

Путин мамлекеттин күчү эмнеде экенин айтты. РФ лидеринин "Валдай" клубундагы сөзү

0
(жаңыланган 15:32 24.10.2020)
Владимир Путин "Валдай" дискуссиялык клубунун жыйынына видеобайланыш аркылуу катышып, сөз сүйлөдү. Клубдун быйылкы темасы — "Пандемия сабактары жана жаңы тартип: дүйнөлүк кризисти дүйнө үчүн мүмкүнчүлүккө айландыруу".

Россия Федерациясынын президентинин сөздөрүнүн урунттуу учурлары тизмектелди.

"Россиянын ыргагынын басаңдашын" күткөндөр жөнүндө

Өз сөзүндө Путин айрым өлкөлөрдүн Россиянын чабалдашын күткөнү боюнча да токтолду. "Өлкөнү бекемдөө менен дүйнөдө, башка мамлекеттердеги абалга көз салсак, Россиянын акырындап өчүшүн дале күтүп жаткандарга алардын "жаназаларында" үшүп калбас бекенбиз деп гана тынчсызданарыбызды айтар элем", — дейт РФ президенти.

Россия өзүнүн интеллектуалдык, территориялык, экономикалык, аскердик мүмкүнчүлүктөрүн жана потенциалын туура баалай аларын белгиледи Путин.

Вакцина жана маймылдар: "россиялык фейк" туурасында британдык фейк

Пандемия туурасында

COVID-19 пандемиясы жөнүндө кеп козгогон Путин коронавирус чегине электигин, ал эми дүйнө турмуштун бардык чөйрөсүндө "тектоникалык жылыштардын" астанасында турганын айтты.

"Коронавирус эпидемиясы коомдук, ишкерлик, эл аралык турмушту олуттуу түрдө өзгөрттү. Ал түгүл ар бир адамдын күнүмдүк жашоосун алмаштырды", – дейт ал.

Путин Россиянын жарандары жана алардын бири-бирине кол сунууга даяр экени, эң оболу врачтар, медициналык кызматкерлер менен сыймыктанарын белгиледи.

"Пандемия адам өмүрүнүн аярлыгын эскертти. Технологиялык жактан алдыга озгон XXI кылымда да, эң өнүккөн өлкөлөрдө да адам анчалык деле кооптуу эмес, өлүмгө деле көп кептебей турган инфекциянын алдында алсыз болорун элестетиш кыйын", – деген президент коронавирус менен болгон күрөштө эл аралык коомчулук баарын аткарган жок, мүчүлүштүктөр да бар экенин айтты. 

Президент РФ Владимир Путин принимает участие в заседании дискуссионного клуба Валдай в режиме видеосвязи. 22 октября 2020.
© Sputnik / Алексей Дружинин
Владимир Путин "Валдай" дискуссиялык клубунун жыйынына видеобайланыш аркылуу катышып, сөз сүйлөдү

Жаңы чектөөлөрдү киргизүү мүмкүнчүлүгү

Путиндин пикиринде, ушул тапта пандемиянын айынан жазындагыдай кайрадан чектөө чараларына кайтуунун зарылдыгы жок. Анткени "медицина да натыйжалуу иш алып барды". Ооруканаларда кошумча орундар түзүлдү, дары-дармек пайда болду, "медиктер эмне кылуу керектигин түшүнүп, так билип калышты".

Россия мамлекетинин башчысы коронавирустан улам Швеция чектөөлөрдү киргизбесе да экономикасы артка кеткенин белгиледи. Азыр Россияда макроэкономикалык көрсөтүчтөр дурус, экономика калыбына келип жатканын кошумчалады РФ президенти.

"Кан төгүп жатышат". Карабахта россиялык тынчтык орнотуучуларды ким күтөт?

Жарандык коомчулук жөнүндө

Россиянын өнүгүүсүндө чечүүчү ролду жарандардын добушу ойнорун белгилейт Путин. Айтымында, россиялыктардын пикири чечүүчү болуп, ал эми ар кыл коомдук күчтөрдүн конструктивдүү өтүнүчтөрү ишке ашууга тийиш.

Мамлекеттин өз алдынчалыгы туурасында

Мамлекеттик түзүлүштөн кеп козгоодо президент кимдир бирөөнү тууроо натуура. "Биз демократиянын сырттан алып келинген моделдери кандай иштерин көрүп турабыз. Ал – тек гана кабыгы, фикция. Ички, ал тургай суверендүүлүк өңдүү маңызынан ажыратылган фикция.

Ошондой схема ишке ашырылып жаткан өлкөлөрдө элден чындап эч нерсе сурашпайт, ал эми тийиштүү жетекчилердин вассалдардан дегеле айырмасы жок. Белгилүү болгондой, вассал үчүн чечимди кожоюну кабыл алат", — дейт ал.

Путиндин айтымында, ар бир өлкөнүн өз саясий түзүлүшү бар, анын кандай аталгандыгынын мааниси жок, өз саясий маданияты, салты, өнүгүү боюнча өз көз карашы бар.

"Күчтүү мамлекет эмне? Ушундай суроо туулат. Анын күчү эмнеде? Кеп, албетте, жапырт көзөмөл же укук коргоо органдарынын катаалдыгында, жеке демилгени жектеп же жарандык активдүүлүктү басмырлоодо, ал түгүл куралдуу күчтөрдө жана коргонуу потенциалында да эмес. Булардын да географиялык, геосаясий чакырыктардын бүтүндөй комплекси, анан, албетте, БУУнун Коопсуздук кеңешинин туруктуу мүчөсү катары глобалдык стабилдүүлүктү камсыздоо үчүн тарыхый жоопкерчилик жагынан да Россия үчүн канчалык маанилүү экенин түшүнөсүздөр деп ойлойм. Анткен менен мамлекеттин күчү баарынан оболу элинин ишениминде экенин билем. Мамлекеттин күчү — мына ушунда", — деп баса белгиледи Путин.

Путин белгилегендей, бийликтин булагы — адамдар, бул алардын "шайланган бийликке кеңири ыйгарым укуктарды берүүгө даярдыгында" камтылат. 

Президент РФ Владимир Путин принимает участие в заседании дискуссионного клуба Валдай в режиме видеосвязи. 22 октября 2020.
© Sputnik / Алексей Бабушкин
Путин белгилегендей, бийликтин булагы — адамдар, бул алардын "шайланган бийликке кеңири ыйгарым укуктарды берүүгө даярдыгында" камтылат.

Лавров европалык лидерлер менен сүйлөшүүнү токтотууга сөз берди. Себеби

Дүйнөдөгү үлкөндөрдүн өзгөрүшү жөнүндө

РФ президенти АКШ бүгүн өзгөчө өлкө катары өзүн көрсөтүүгө умтулары арсар, бул Американын өзүнө деле керекпи деген суроо салат.

"Экономикалык салмагы жана саясий таасири жагынан супердержава позициясына активдүү түрдө кадам шилтөөдө. Ушундай эле багытта Германияда да алдыга жылууда".

Ошол эле убакта Путин эл аралык иштерде Улуу Британия жана Франциянын ролу алмашканы даана байкаларын кошумчалайт. Бразилия жана Түштүк Африка Республикасы өңдүү өлкөлөр күчтөндү.

РФ президенти өлкөлөрдү коронавирус пандемиясы шартында мамлекеттер аралык мамилелерде чынчыл болууга жана кош стандарттык саясаттан баш тартууга үндөдү.

"Коронавирустук инфекциядан жапа чеккен жана азыр да азап тартып жаткан башка өлкөлөр да көп. Алар ушул тушта сырттан келчү жардамга эмес, куру дегенде гуманитардык чөйрөдө, дары-дармек, насыялык ресурстар, жабдыктар менен жабдууда, технологиялар менен алмашууда чектөөлөрдүн алынышына муктаж", — дейт РФ лидери.

Куралданууну көзөмөлдөө жөнүндө

Куралдануу көзөмөлү жөнүндөгү сөзүндө Путин бул багыттагы чектөөлөрсүз дүйнөнүн келечеги жок экенин айтты. Вашингтон мындай келишимдерден баскыч-баскыч менен чыгууда.

"Ракетага каршы коргонуу тутумунан четтегени жалпыга белгилүү. Кийин Чакан жана орто ыраактыктагы ракеталар боюнча келишимден чыккан. "Ачык асман" боюнча келишимден азырынча чыга элек, бирок Америка бул келишимден чыгуу жол-жобосун баштаганын жарыялаган. Эмнеге? Кайсы негизде? Себебин да түшүндүрбөйт", – дейт ал.

РФ президенти Москва Кытайдын СНВ келишимине каршы эмес, бирок Пекин менен сүйлөшүүнү Россияга жүктөп койбой Вашингтон бул ишти өзү колго алууга тийиш.

Путин бул келишимге бардык өзөктүк державалардын киришин колдойт.

"Бизге европалыктар алар (АКШ – ред. тактоосу) чыга берсин, силер чыкпагыла. Мына кызык. Баарыңар НАТОго мүчөсүңөр, демек, силер учасыңар, америкалыктарга маалымат бересиңер. Ал эми биз бул келишимде калганыбыз үчүн андайды кыла албайбыз. Ошондуктан, макоолоно бербестен, бири-бирибиз менен ачык сүйлөшөлү. Бирок чындыгында АКШнын европалык өнөктөштөрү Кошмо Штаттар бул келишимден чыкпай, эч нерсенин бузулбашын каалайт", – деди.

Путин Россия коронавируска каршы экинчи вакцинаны каттаганын жар салды

Карабахтагы кырдаал тууралуу

Талкуунун жүрүшүндө катышуучулар Тоолуу Карабахтагы кырдаалдын курчушу туурасында да кеп кылышты. РФ президенти жаңжал тутангандан бери эки тараптан тең эки миңден ашуун адам набыт болуп, жоготуулардын жалпы саны беш миңге чукулдады.

Россия бир топ жылдан бери бул кризисти жөнгө салуунун ар кандай варианттарын сунуштап келген. РФ президентинин айтымында, бул позицияларды жакындатуу боюнча чыңалган иш эле.

"Мына-мына чечилчүдөй болуп турган. Тилекке каршы, андай болбоду. Бүгүн жаңжалга кабылдык", — деп кейиди Путин.

Россия үчүн Армения да, Азербайжан да бирдей өнөктөш, Москва экөө менен тең толук кандуу мамиледе болгусу келет.

Россия Федерациясынын лидери Тоолуу Карабах боюнча компромисс табууну абдан каалаганын да белгиледи. Азербайжан президенти Ильхам Алиев жана Армения премьери Никол Пашинян менен күндө бир нече ирет телефон аркылуу сүйлөшүп жатканын да кошумчалады Путин. 

Президент РФ Владимир Путин принимает участие в заседании дискуссионного клуба Валдай в режиме видеосвязи.
© Sputnik / Алексей Дружинин
Россиянын Конституциясына өзгөртүүлөр боюнча суроого жооп берип жатып Путин алар өлкөнүн өнүгүшүнө багытталганын белгиледи.

Навальныйдын жагдайы туурасында

Дискуссиянын катышуучуларынын биринин Алексей Навальный менен болгон жагдай туурасындагы суроосуна жооп берип жатып, Путин Россия иликтөө жүргүзүүгө даяр экенин, бирок ал үчүн анын ууландырылганы боюнча тастыктоолордун зарылдыгын, андай маалымат берилбей жатканын билдирди.

РФ президенти блогердин жубайынын кайрылуусунан кийин кылмыш иши боюнча чектөөлөрдөн улам Башкы прокуратурага бейтаптын чет өлкөгө дарыланууга чыгуу мүмкүнчүлүгүн текшерүүгө тапшырма бергенин да белгилеп өттү.

"Европалык лидерлердин бири менен сүйлөшүүдө Германияга биздин адистер барып, француз, немец, швед адистери менен биргеликте жеринде иштеп, кандайдыр бир материалдарды алуусу боюнча да сунуштадым.

Эгер бул чындап эле криминалдык окуя болсо, иликтөө үчүн ал материалдар кылмыш ишин козгоого негиз болмок. Бирок эч маалымат бербей жатышат".

Путин ошондой эле Навальныйдын организминде "Новичоктун" издеринин табылганынан да шек санарын айтат.

"Новичоктун" изин табышканын маалымдашты. Кийин мунун баары ОЗХОго тапшырылды дешти, анан эле кайра "Новичок" эмес экен, бул башка бир нерсе деп чыгышты. "Новичокпу" же жокпу? Башында айтылгандар шек туудура баштады", — деп кошумчалады РФ лидери.

Путин неберелеринен алган белектер жөнүндө айтып берди

Конституцияга өзгөртүү киргизүү жөнүндө

Россиянын Конституциясына өзгөртүүлөр боюнча суроого жооп берип жатып Путин алар өлкөнүн өнүгүшүнө багытталганын белгиледи.

"Конституцияга өзгөртүү киргизүү азыркы мамлекет башчысына 2024-жылы же андан кеч мөөнөттө кайрадан шайланууга мүмкүнчүлүк берүүгө гана багытталган эмес. Алар негизинен Россия Федерациясынын суверенитетин бекемдөөгө, өнүгүү перспективаларын белгилөөгө, экономиканы, социалдык тармактарды өнүктүрүү үчүн фундаменталдык конституциялык базаларды түзүү жана эгемендүүлүгүбүздү күчтөндүрүүгө багытталган. Булардын баары иштеп кетерине ишенем", – деп жооп берди.

Айлана-чөйрө жөнүндө

РФ президенти бүгүн табият ресурстарын чектөөсүз пайдалануудан баш тартууну талкуулоо зарылдыгын белгиледи.

"Эгер жалпы үйүбүздү келечек муундар үчүн сактагыбыз келсе, өз планетабызды тазалоого тийишпиз. Айлана-чөйрөнү коргоо темасы — дүйнөлүк күн тартибине эбак кирип, бекем орун алган", – деди Путин.

0
Белгилер:
криминал, санкциялар, пандемия, реформа, жолугушуу, клуб, Владимир Путин
Тема боюнча
Путин Россия коронавируска каршы экинчи вакцинаны каттаганын жар салды
Путин неберелеринен алган белектер жөнүндө айтып берди