Камакка алынган аял. Архивдик сүрөт

Баласын сатмакчы болгон аял менен эки дарыгер камакка алынды

283
(жаңыланган 12:34 03.03.2019)
Ушул жылдын 28-февралында Бишкекте бала сатууга шектелип 31 жаштагы келин менен ага жардам берип жүргөн 50 жана 26 жаштагы эки аял колго түшүрүлгөн.

БИШКЕК, 3-мар. — Sputnik. Бала сатууга шектелгендерге карата Биринчи Май райондук соту тарабынан эки айга камоо чечими чыгарылды. Маалыматты Sputnik Кыргызстан агенттигине ШИИБдин маалымат катчысы Нурлан Шайназаров тастыктады.

Эске салсак, буга чейин Бишкекте бала сатууга шектелип 31 жаштагы келин менен ага жардам берип жүргөн 50 жана 26 жаштагы эки аял кармалган. Кийинчерээк соодаланып жаткан бала жаңы төрөлгөнү жана 190 миң сомго бааланганы белгилүү болгон. 

Медициналык жайдын кызматкерлери баласынан баш тарткысы келген келин менен сүйлөшүп алышканы айтылат.

Милиция Улуттук коопсуздук кызматынын өкүлдөрү менен жерине барып, бала саткандарды алгачкы төлөм алып жаткан жеринен колго түшүргөн. Укук коргоочулардын келгенин көргөн төрөт үйүнүн кызматкери менен жаш эне батирдин эшигин бекитип алып ачпай, милиционерлер ӨКМ кызматкерлерин чакырууга аргасыз болгон.

Алар эшикти ачып берип, бала сатууга шектелген аялдар кармалып, үчөө тең убактылуу кармоо жайына киргизилген болчу.

Кийинчерээк жаңы төрөлгөн ымыркайды сатуу боюнча шектелип кармалган үч аялдын бири борбордогу №4 төрөт үйүнүн, экинчиси Улуттук госпиталдын кызматкери экени белгилүү болгон.

283
Белгилер:
камак, сот, бала сатуу, Бишкек
Тема боюнча
Жаңы төрөлгөн ымыркайды каналга ыргытып жиберген дарыгер. Гинекологдордун соту
Айбанча коргой албадык... Кордук көргөн наристелердин убалы кимге?!
СССРдин ат оюндары боюнча эмгек сиңирген спорт чебери, Кыргызстанда туулган Александр Блинов. Архив

Олимпиада-80 чемпиону, КРде туулган Александр Блинов көз жумду

32
(жаңыланган 21:54 05.03.2021)
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

БИШКЕК, 5-мар. — Sputnik. 67 жаш курагында СССРдин ат оюндары боюнча эмгек сиңирген спорт чебери, Кыргызстанда туулган Александр Блинов каза болду. Бул тууралуу Жаштар иши, дене тарбия жана спорт агенттигинин маалымат кызматы кабарлады.

Муфтийдин милдетин аткаруучу, белгилүү дин аалымы Кадыр Маликов. Архив
© Sputnik / Табылды Кадырбеков
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

Спортчуну акыркы сапарга узатуу зыйнаты 6-мартта Москвада өтөт. Блинов 1954-жылы 19-августта Фрунзе шаарында туулган.

Анын Москвадагы Олимпиада оюндарында жетишкен ийгиликтери боюнча Sputnik Кыргызстан агенттиги даярдаган материалдан окуй аласыздар.

32
Белгилер:
өлүм, спортчу, олимпиада
Тема боюнча
Эми башка Жамал жаралбайт. Элдин Сейдакматова менен коштошкон видеосу
Экс-министр Шайлообек Ниязов каза болду
Туман учурунда электр зымдары. Архив

Ишембиге карата аба ырайы

65
(жаңыланган 21:30 05.03.2021)
6-мартка караган түнү жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу бар.

БИШКЕК, 5-мар. — Sputnik. Ишембиде күндүз республика боюнча жаан-чачын күтүлбөйт. Кээ бир райондордо туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Жолдорго муз тонуп, тайгак болот. Унаалардын ортосундагы 500 метр аралык кыймыл чектелиши зарыл.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +11…+16, Ысык-Көлдө +4…+9, Нарын өрөөнүндө +1…+6 градус болот.

Күндүн табы Бишкекте +13…+15, Ош шаарында +14…+16 градусту көрсөтөт.

65
Белгилер:
Кыргызстан, март, аба ырайы
Тема боюнча
Ысык-Көлдө кыйраган 37 млн. сомдук тик учак. Ми-8 кантип кырсыктаган
Өкмөттүн Талас облусундагы ыйгарым укуктуу өкүлү Айбек Бузурманкулов. Архив

Таласты 5 ай башкарды. Айбек Бузурманкулов кызматтан кетти

0
(жаңыланган 23:00 05.03.2021)
Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген.

БИШКЕК, 5-мар. — Sputnik. Айбек Бузурманкулов өкмөттүн Талас облусундагы ыйгарым укуктуу өкүлү кызматынан бошотулду. Бул тууралуу өкмөттүн маалымат кызматы кабарлады.

Ага ылайык, Бузурманкулов ээлеген ордунан башка ишке өткөндүгүнө байланыштуу кеткен.

Тиешелүү буйрукка премьер-министр Улукбек Марипов кол койгон.

Эске салсак, Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген.

0
Белгилер:
ыйгарым укуктуу өкүл, Талас, кызмат, өкмөт
Тема боюнча
Жапыкеев башында турган Финпол жоюлду
"Кыргыз алтынга" жаңы жетекчи дайындалды