Улуттук кийим кийген байбичелер. Архивдик сүрөт

Кыргызстан мобилдик интернети арзан үч өлкөнүн катарына кирди

(жаңыланган 22:53 08.03.2019)
Тизменин сап башында Индия турса, интернети кымбат мамлекет болуп Зимбабве аталды.

БИШКЕК, 8-мар. — Sputnik. Иликтөө жүргүзгөн британиялык Cable компаниясы мобилдик интернети арзан жана кымбат өлкөлөрдүн рейтингин түздү.

Адистер 1 гигабайт интернеттин наркын доллар менен эсептеп, дүйнө мамлекеттериндеги интернет-трафиктин жогорку жана төмөнкү баасын аныкташкан. Натыйжада ортодогу баа чыккан.

Иликтөөнүн жыйынтыгы боюнча эң арзан мобилдик интернет Индияда экендиги белгилүү болгон. Кыргызстан менен Казакстанга 0,26, 0,27 жана 0,49 доллар ылайык келген. Төртүнчү жана бешинчи орундарга Украина менен Руанда илинген.

Алдыңкы ондукта Судан, Шри-Ланка, Монголия, Мьянма жана Конго бар.

Иликтөөнүн авторлору мобилдик интернет КМШ мамлекеттеринде алда канча арзан экендигин белгилешкен. Бул нерсе Түркмөнстанга тиешеси жок, себеби жарандар үчүн трафиктин гигабайты орто эсеп менен 19,81 долларды чапчыйт.

Интернети кымбат өлкөлөрдүн сап башында Африка жана Океания өлкөлөрү турат. Башкы орунда трафигинин баасы 75,2 доллар болгон Зимбабве мамлекети турат. Ошондой эле интернеттин наркы жогору өлкөлөрдүн катарына Экватордук Гвинея, Ыйык Елена, Фолкленд, Бермуд аралдары, Джибут, Греция, Самоа жана Науру мамлекеттери кирген.

Белгилер:
баа, нарк, интернет
Тема боюнча
Forbes байманасы ашып-ташкандарды аныктап чыкты. Рейтинг
Бишкек шаарындагы эмен багы. Архив

Шаршембиге карата аба ырайы

Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.

БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.

Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.

Белгилер:
Кыргызстан, аба ырайы
Тема боюнча
Кайра суук болбойбу? Бир жумага карата аба ырайы
Абхазиянын номери тагылган унаа. Архив

Министрлик: Абхазиянын номери тагылган унааларды мамлекет алып коюшу мүмкүн

(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.

БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.

Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.

"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.

Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.

Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.

Белгилер:
Евразиялык экономикалык биримдик, мыйзам бузуулар, унаа, Абхазия, Кыргызстан
Тема боюнча
Бишкекте Абхазиянын номери тагылган автоунаалар кармалууда
ЕАЭБ аймагында өзү өччү чылым пайдалануу сунушталып жатат