Сауд Аравияда өтүп жаткан Camel Fest фестивалына катышып жүргөн кыргызстандык алп адамдар

Сауд Аравиядагы алп кыргыздар конокторду таң калтырууда. Сүрөт

14006
(жаңыланган 15:42 11.03.2019)
Алптардын бою 2,15 сантиметр, ар биринин орточо салмагы 150 килограмм экенин айтышууда.

БИШКЕК, 11-мар. — Sputnik. Сауд Аравияда өтүп жаткан Camel Fest фестивалына катышып жүргөн кыргызстандык алп адамдар конокторду таң калтырууда. Алардын сүрөтүн Жайнагүл Ашырахманова аттуу колдонуучу Facebook баракчасына жүктөдү.

Фестивалга Кыргызстандан дал ушундай сегиз алп адам барган. Алар оюн-зооко катышып, хан желдеттеринин образын жаратып, этношаарчада кыргыз баатырларынын элесин чагылдырып турушат. Фестивалдын катышуучуларынын айтымында, өзгөчө адамдардын бою 2,15 сантиметр, ар биринин орточо салмагы 150 килограмм. 

Алптар үчүн кийим тигилген. Бул жерде Нуржамал Асангулова "Биздин кыргыз жигиттер" деп жазып алардын формасы жок турган сүрөтүн жүктөгөн.

Camel Fest фестивалы 9-мартта башталып 23үнө чейин созулат. Анда 98 мамлекеттин өкүлдөрү маданият жана спорт жаатында талантын көрсөтөт. Ага катышууга кыргызстандыктарга эң көп — 2000дей квота бөлүнсө, башка мамлекеттерге 15-20дай адамга чакыруу жиберилген.

Кыргызстандык делегация "Көчмөндөр ааламы" деп аталган этнофестивалын көрсөтүшөт. Сауд Аравияда атайына 15 гектар жер берилип, ипподром, этнобазар жана көчмөндөр айылы курулган. Ошондой эле катышуучулардын тамак-ашы, жаткан жери беленделип, мал-жаны багылуу болот. Кеткен чыгымдын баарын уюштуруучулар көтөрмөкчү.

14006
Белгилер:
көчмөн, баатыр, фестиваль, алп адам, Сауд Аравиясы
Тема:
2000дей кыргызстандык бара турган Сауд Аравиядагы Camel Fest (41)
Тема боюнча
Боз үй, тай казан... Сауд Аравиядагы кыргыз айылы жана ипподромдун видеосу
Кыргызстандык жаачы кыз Сауд Аравиядагы фестивалда оор жаракат алды
Кишенчен киши соттун залында. Архив

Насыя алып, төлөбөй коюуну көздөгөн... УКМК "Карвен групптун" ээсин кармады

29
(жаңыланган 12:17 16.06.2021)
Шек жаратып жаткан бизнесмен мамлекеттик үлүшү бар банктардын биринин жооптуу кызматкерлери менен бирге мыйзам бузуу менен ири өлчөмдө насыя алууга аракет жасаганы айтылды.

БИШКЕК, 16-июн. — Sputnik. "Карвен групп" компаниялар ассоциациясынын Генрих Балян аттуу жетекчиси кармалып, УКМКнын убактылуу кармоочу жайына киргизилди. Бул тууралуу Улуттук коопсуздук мамлекеттик комитетинен билдиришти.

Владелец ассоциации компаний Карвен групп Генрих Балян
© Фото / Karven Four Seasons
"Карвен групп" компаниялар ассоциациясынын Генрих Балян аттуу жетекчиси кармалып, УКМКнын убактылуу кармоочу жайына киргизилди

Маалыматка караганда, жаран Кылмыш-жаза кодексинин 204-беренеси ("Алдамчылык") боюнча шек жаратып жатат.

"Карвен групп" компаниялар ассоциациясынын жетекчиси мамлекеттик үлүшү бар банктардын биринин жооптуу кызматкерлери менен бирге 2,3 миллион доллар өлчөмүндө "жалган" адамга насыя алууга аракет жасаган. Бул үчүн ликвиддүү эмес кыймылсыз мүлктү өтө жогору баалап (670 миң доллар) күрөөгө койгондугу аныкталды", — деп айтылат маалыматта.

Тергөө иштеринин жүрүшүндө жогоруда аталган кыймылсыз мүлк Баляндын жеке менчиги экени жана башка адамдын атынан кредит алыш үчүн күрөөгө койгону аныкталган.

"Насыя алынгандан кийин аны кайра төлөбөй коюуну көздөгөн", — дешти УКМКдан.

Алынган далилдердин негизинде 15-июнь күнү Балян колго түшүп, УКМКнын убактылуу кармоочу жайына киргизилген. Жакынкы аралыкта сот анын бөгөт чарасын тандайт.

Ушул эле кылмыш ишинин алкагында банк башкармалыгынын төрагасынын орун басары А.К. кармалган.

29
Белгилер:
тергөө, банк, насыя, алдамчылык, кылмыш, Кыргызстан
Тема боюнча
30 батир, 10дой унаа... УКМК Түштүк-Батыш бажысынын жетекчисин кармады
Медициналык кызматкер канды COVID-19га текшерип жатат. Архив

COVID жуктургандар айыккандардан эки эсе көп. Көңүл чөгөргөн статистика

71
(жаңыланган 11:32 16.06.2021)
Ушуну менен коронавирус жуктургандардын саны өлкөдө жалпы 111 990го жетти. Анын ичинен 103 565и дартты жеңген.

БИШКЕК, 16-июн. — Sputnik. Өткөн суткада коронавирус 647 кишиден катталып, 308 бейтап айыкты. Бул тууралуу Саламаттык сактоо жана социалдык өнүктүрүү министрлигинен билдиришти.

Жуктургандар:

  • Бишкек шаары – 257;
  • Ош шаары – 118;
  • Чүй облусу – 73;
  • Ош облусу – 120;
  • Талас облусу – 6;
  • Нарын облусу – 9;
  • Ысык-Көл облусу – 15;
  • Жалал-Абад облусу – 26;
  • Баткен облусу – 23.

Ушуну менен коронавирус жуктургандардын саны өлкөдө жалпы 111 990го жетти. Анын ичинен 103 565и дартты жеңген. 

Айыккандар:

  • Бишкек шаары – 145;
  • Ош шаары – 36;
  • Чүй облусу – 42;
  • Ош облусу – 17;
  • Талас облусу – 4;
  • Нарын облусу – 8;
  • Ысык-Көл облусу – 31;
  • Жалал-Абад облусу – 22;
  • Баткен облусу – 3.

Бир сутка ичинде өлкө боюнча 49 медицина кызматкери коронавирус жуктуруп алды. Алар:

  • Бишкек шаары – 17;
  • Чүй облусу – 5;
  • Ош шаары – 10;
  • Ош облусу – 12;
  • Жалал-Абад облусу – 1;
  • Баткен облусу — 2;
  • Ысык-Көл облусу – 1;
  • Талас облусу – 1.

Тилекке каршы, бир сутка ичинде Кыргызстанда коронавирустан жети бейтап көз жумган. Анын экөө Бишкекте, экөө Жалал-Абадда, бирден киши Ош, Чүй облустарында жана Ош шаарында катталган. Муну менен коронавирус жалпы 1 912 адамдын өмүрүн алды.

Стационарларда 2 145 адам дарыланып жатат. Алардын 587си оор абалда болсо, 97 бейтаптын абалы өтө оор деп бааланды. 

71
Белгилер:
дарыгер, статистика, өлүм, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Окумуштуулар COVID Кытайдан биринчи АКШда пайда болгонун божомолдошууда
COVID-19дун жаңы толкундары эмне үчүн кайталана берери айтылды