Ресторандагы официант столду меймандарга даярдоо кезинде. Архивдик сүрөт

Жулунба, ачка калбайсың! Чет жерге чыкканда тамактануу маданияты боюнча 7 кеңеш

2283
(жаңыланган 17:39 31.03.2019)
Макала көбүнесе чет өлкөгө алгачкы ирет чыккан жарандарга жол көрсөтүп, бөтөн коомдо өзүн татыктуу алып жүрүүгө жардам берет деген ойдобуз.

Кичине кезинде өзүн дасторкондун үстүндө адептүү алып жүрүүгө үйрөнбөгөн адамды кийин тарбиялоо абдан татаал. Мындай пикирди карманган ресторан иши боюнча адис, "Алдыңкы отель ээлери менен рестораторлордун ассоциациясы" коомдук уюмунун директору Евгений Тян коомдук жайда, өзгөчө башка коноктор менен бетме-бет кездешчү "швед дасторконунда" тамактануу маданияты боюнча кеңеш берди. 

Эксперт ресторанного дела Евгений Тян во время интервью
© Sputnik / Табылды Кадырбеков
"Алдыңкы отель ээлери менен рестораторлордун ассоциациясы" коомдук уюмунун директору Евгений Тян

Макала көбүнесе чет өлкөгө алгачкы ирет чыккан жарандарга жол көрсөтүп, бөтөн коомдо өзүн татыктуу алып жүрүүгө жардам берет деген ойдобуз. Анткени башка өлкөгө барганда адам күнүнө жок дегенде бир ирет "швед дасторконунда" (адатта мейманканалар эртең мененки тамак менен камсыздайт) тамактанууга туура келет.

Адистин айтымында, үй-бүлөдөн туура тарбия алган бала чоңойгондо кайсы чөйрөдө болбосун маданияттуулугу менен көзгө көрүнө алат.

"Мен көптөгөн официанттарды жумушка алуу процессине катыштым. Кээ бир кыздар эч кандай даярдыктан өтпөй эле кадимки дапдаяр келиндей болуп келет. Анткени алар апасынын "тренингинен" өткөн, конок жана дасторконго байланышкан иштерде камчы салдырбайт", — деди Тян.

Байкаштыруу

Сизге таптакыр тааныш эмес адамдар, бөтөн ашкана, көнүмүш эмес жагдай болуп калган учурда дагы өзүңүздү жоготпоңуз. Айлананы токтоо карап, башкалар кандай "кыймылдап" жатканына баам салыңыз. Ким кайсы жерде отуруп, эмне жеп жатат, колунда канча табак, ысык тамак кайсы жерде турат, аны кантип алуу керектигин дароо түшүнөсүз.

Кызматкерлерге мамиле

Кайсы гана өлкө болбосун, башка коноктор жана жергиликтүү тургундарга сылык мамиле кылыңыз. Мейманканада сиз менен коңшу жашап, көрүп-билип калган турист же күндө чай алып келип берген официнат менен жылмая учурашып, ал-жайын сурап койсоңуз ашыкча болбойт. Тескерисинче, бул сиздин адамгерчилигиңизден кабар берет. Эсиңизде болсун, официанттар кадимки дарыгер же банк кызматкери сыяктуу эле өз ишин аткарып жаткан адис. Ага дагы татыктуу мамиле жасоо керек.

Тамакты кантип аласыз?

Бир адам колуна 3-4 табакты кармап алганы туура эмес. Ошондой эле табакка тамакты үйө салбаңыз, тойбой калсаңыз кайра барып аласыз. Мунун эч уяты жок, тескерисинче, алган тамакты жебей таштап коюу жат көрүнүш. Өзүңүз деле канчалык ысырапкорлук болорун ойлоп көрсөңүз.

Баса, кээде казандын жанына туруп алып, "чоңураак эт" издеп, тамакты асты-үстү кылып чыккандар болот, эч нерсе көрбөгөнсүп. Сиз андай эмессиз да, туурабы?

Кезек күтүү

Бир тамакка бир нече адам кезек күтүп туруп калган учурлар болот. Эч качан шашылбаңыз, жулунбаңыз. Казанда тамак калбай калса, эч коркунуч жок. Көпчүлүк мейманканалардын ашканаларында коноктун арты суюлганча казандагы даамдарды жаңылап, толтуруп турушат. Ачка калбайсыз.

Ашканадан тамак алып кетсе болобу?

Дүйнөдөгү беш жылдыздуу мейманканалардын бири дагы ашканасынан тамак алып кетирбей калган. Анткени "кийин жейм" деген адам аны кандай шартта сактарын эч ким билбейт. Ал капысынан бузулуп кетип, жеген адам ууланып калса, ошол эле администрацияга сөз тиет деп коркушат. Болгону бир аз жер-жемиш алууга болот.

Тазалык

Айрым тамактануу жайларында өзүн-өзү тейлөө болсо, айрым жерлерде официанттар баштан-аяк кызмат көрсөтөт. Кандай болгон күндө да бошоп калган идишти дасторкондун четине жылдырып коюңуз. Официант дароо түшүнүп, аны алып кетет. Мындай учурда сиз тейлөөчүлөрдүн ишин жеңилдетип, өзүңүзгө дагы ыңгай түзөсүз.

Кийим

Тамактануу жайына кандай кийим кийип баруу чечимин шартка жараша аныктап аласыз. Мисалы, курорттук аймакта, жээкте жайгашкан ашканаларда айла жок болуп калса, кыска шым, майка, купальник, сланцы кийип барууга мүмкүн. Бирок бөлмөдө кийчү халат менен бара көрбөңүз. Ал эми ири шаарлардагы, кызматтык атмосфера өкүм сүргөн жайларда талапка ылайык кийинүү зарыл. Баса, баш кийимди чечүүнү унутпаңыз.

2283
Белгилер:
кеңеш, маданият, дасторкон, тамак
Тема:
Өзүн алып жүрүүнүн эрежеси (41)
Этти кайра иштетүүчү завод. Архивдик сүрөт

Балыкчыда этти кайра иштетүүчү завод курулуп, продукциясы экспорттолот

7
(жаңыланган 08:35 27.09.2020)
Завод ушул жылдын декабрь айынан тарта ишке киргизилсе, Ысык-Көл менен Нарын облустарынан эт алып турат.

БИШКЕК, 27-сен. — Sputnik. Балыкчыда этти кайра иштетүүчү завод курулат. Бул туурасында Sputnik Кыргызстан агенттигине Кыргыз-орус өнүктүрүү фондунун башкармалыгынын төрагасы Азиз Аалиев билдирди.

Анын айтымында, жакында эле фонд төрт продукцияны: сүт, эт, балык жана жашылча-жемиштерди иштетүүгө насыя берүү чечимин кабыл алган.  Бул багыттар боюнча насыянын шарттары да жеңилдетилген. Мындан ары соода жүгүртүү капиталы дагы каржыланат, төлөмдөрдүн жеңилдетилген мөөнөтү эки жылдан үч жылга чейин узартылды, күрөөнүн коэффициенти да азайтылып, алынып жаткан пайыздын 50 пайызын гана түзүп калган.

7 миң киши жумуш менен камсыз болот. Ошто текстиль фабрикасы курулуп жатат

"Балыкчыда этти кайра иштетүү боюнча жаңы завод курулат. Ал жерге эт Ысык-Көл жана Нарын облустарынан сатып алынып иштелип чыгат да, чет өлкөгө эскпорттолот", — деди Аалиев.

Ошондой эле ал план боюнча аталган ишкана ушул жылдын декабрь айынан тарта иштке киргизилиши керектигин кошумчалады.

7
Белгилер:
кайра куруу, завод, Балыкчы
Тема боюнча
Жылына 8 тонна. Баткенде өрүктү кайра иштеткен логистикалык борбор курулууда
Кирешелүү бизнес. Ат-Башыда дары чөптүн 34 түрү менен иштеген Кампабекованын маеги

Улуу Ата Мекендик согуштун кылым жашаган ардагери видео куттуктоо

88
(жаңыланган 22:36 26.09.2020)
Улуу Ата Мекендик согуштун Бишкек шаарындагы ардагерин туулган күнү менен куттуктап Россиянын КРдеги элчисинин кеңешчиси Андрей Сургаев жана "Гармония" орус маданий борборунун жетекчиси Александр Степанюк келди.

Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат. Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.

  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.
    © Sputnik / Табылды Кадырбеков
  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.
    © Sputnik / Табылды Кадырбеков
  • Ветеран Великой Отечественной войны Иван Николаевич Голиков, который отмечает 100 – летний юбилей
    Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун президенти Александр Степанюк келди.
    © Sputnik / Табылды Кадырбеков
1 / 3
© Sputnik / Табылды Кадырбеков
Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.

"Фрунзе" заводунда жана Кажы-Сайдагы тоо-кенин байытуу комбинатында тогуз жыл иштеген. Согуштан кийин ал жерден советтик өнөр жай үчүн уран казышкан. Дагы 32 жыл Сибирде эмгектенип, ардагер эмгек жолун 77 жашында аяктаган. Сибирден кийин Кыргызстанга кайтып келген.

Ала-Бука: согуштун 94 жаштагы эки ардагерине автоунаалар белекке берилди. Сүрөт

Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун жетекчиси Александр Степанюк келди.

"Иван Николаевич, сиздин Улуу Ата Мекендик согуш учурунда мекенибизди жана башка европалык өлкөлөрдү бошотуудагы эрдигиңизди урматтайбыз. Азыркы заман үчүн сизге рахмат", — деп Сургаев ыраазылыгын билдирди.

Туугандарынын айтымына караганда, Иван Николаевич көп жагымсыздыкты алып келген согуш туурасында эстегиси келбейт.

Ардагер элчиликтин ар дайым көңүл буруп турганына жана бүгүнкү куттуктоосуна ыраазылыгын айтты.

88
Белгилер:
куттуктоо, КР элчилиги, Россия, ардагер, согуш, Улуу Ата Мекендик согуш, Бишкек, Кыргызстан
Тема боюнча
Концерт коюп барып, калып калган... Улуу Жеңишти жакындаткан кыргызстандыктар