Кыргыздар ушундайбы деп сурашууда. Аравияда жүргөн узун бойлуу кыздар менен маек

10597
(жаңыланган 18:32 12.03.2019)
Сауд Аравиянын Эр-Рияд шаарында өтүп жаткан Camel Fest этнофестивалына бою 190 сантиметрден ашкан кыргыз кыздары катышууда. Алар мода көргөзмөсүнө чыгып, конокторду тосуп алууда. Салыштыруу үчүн айтсак, сулуулук сынагына чыккан кыздардын бою 175 сантиметрден кем болбосун деген шарт коюлат.

Бул селкилерди чет элдиктер суктануу менен карап кайсы өлкөдөн келгенине кызыгып жатышканы маалым болду. Сауд Аравиясына атайын узун бойлуу кыздарды издеп, тандап алып барышкан.

Sputnik Кыргызстан агенттигинин кабарчысы шыңга бойлуу кыздар жана алардын кийимин тиккен дизайнер менен баарлашты.

Чолпон Сатыкеева 22 жашта, анын бою 193 сантиметрге жетсе, салмагы 80 килограммды түзөт. Ал атасы тарабында да, энеси тарабында да бою узун адамдар көп экенин айтат. 

© Фото / Нурдан Эсенбеков
Фестивалга катышып жаткан узун бойлуу кыздардын биринин бою 1,92 метрге, экинчисинин бою 1,93 метрге жетет

"Ата тегим Нарындын Жумгал районуна караштуу Куйручук айылынан болот. Өзүм Бишкек шаарында туулуп-өскөм. Узун бойлуу туугандарым көп, атам менен апамдын бою узун. Алп жигиттер менен кошулуп бул жакка бир тууган бөлөм дагы келген. Бизди ары-бери өткөндүн баары таң калып карап, сүрөткө түшүп жатышат. Адегенде эле "кайсы жактан келдиң?" деп сурайт, жердигимди айтсам "Кыргызстанда ушундай узун кыздар жашайбы?" деп таң калып калышат", — деди Сатыкеева.

Ошондой эле ал фестивалдын коноктору анын боюна эле эмес, кийген кийимине да кызыгып жатышканын белгиледи. Бой жүргөн кыздын жүрөгү бош бекен деп кызыккандар да кездешкен. 

© Фото / Нурдан Эсенбеков
Эр-Рияд шаарында өтүп жаткан Camel Fest этнофестивалына Кыргызстандан узун бойлуу кыз жана тогуз алп жигит барган.

"Биздин команданы түзүп жатканда эркектерди табуу анча кыйынчылык жаратпаптыр. Ал эми кыздарды эки ай бою издеп үчөөбүздү эле табышкан. Бул жакка келгенден кийин анан "биз жакта да бою эки метрге жеткен кыздар бар болчу" деп айткандар болду. Мен Бишкекте спорттук кийимдерди тигип сатам", — деди Сатыкеева.

Ал эми Элзада Абдыжапарованын бою 191 сантиметр, салмагы 73 килограмм. Учурда 27 жашта, бир кыздын энеси. Нарын облусунун Ат-Башы районуна караштуу Ак-Жар айылында туулган. Ал фестивалда Бугу эненин элеси түшкөн форманы кийип жүргөнүн айтты.

"Биздин каныбызда бар окшойт, туугандарыбыздын баарынын эле бою узун. Азамат Жумабеков деген бир тууган инимдин бою 2,05 метр, Кыргызстандын волейбол боюнча курама командасында ойнойт. Учурда өлкө чемпионаты болуп жаткандыктан бул фестивалга келе албай калды. Үй-бүлөдө беш бир тууганбыз, инилеримдин да бою 195 сантиметрден жогору. Башка жакта моделдердин бою 175 сантиметрден өйдө болушу керек деген талап бар. Биз алп жигиттер менен кошо чыккандыктан командабыздагы кыздардын бою 190 сантиметрден төмөн болбошу шарт. Бизди көргөндөр "кыргыздарда ушундай узун кыз-жигиттер барбы?" деп сурашууда. Элди көбүнчө кайсы жактан келгенибиз жана кийимдерибиз кызыктырууда", — деди Абдыжапарова.

Ошондой эле ал Бишкекте сулуулук салонунда косметолог болуп иштеп, кээде улуттук кийимдерди көргөзмөгө кийип чыгарын кошумчалады.

© Фото / Нурдан Эсенбеков
Алп жигиттер менен бойлуу кыздар кыргыздын улуттук кийимдерин кийип 11-мартта көргөзмөгө чыгышкан

Элди суктанткан кыздардын кийимдерин иштеп чыккан, салттуу билим ээси Асел Калканова алп жигиттерге жана узун бойлуу кыздардын ар бирине үч түрлүү форма тигилгенин айтып берди. 

"Кийген кийими аркылуу кыргыз кыздарынын назиктигин, мээримдүү эне экенин жана нукуралуулугун көргөзүүгө аракет кылганбыз. Анүчүн бир формага Бугу эненин образын алдык. Кийимдер менен тарыхтан бир учкай маалыматты көрсөтүүгө аракет жасадык. Негизи үч кыз келмек, бирөөнүн документтери туура болбой калды. Ордуна бул жактан бир жаачы кыздын бою туура келип кошуп алдык. Анын бою 187 сантиметр экен", — деди Калканова.

Ал эми бою эки метрден ашкан алп жигиттер дагы кыргыз баатырларынын образын чагылдырып, фестивалга келген конокторду таң калтырууда.

10597
Белгилер:
кийим, мода, кыргыз, кыз, бой, жигит, алп адам, фестиваль, Сауд Аравиясы
Тема:
2000дей кыргызстандык бара турган Сауд Аравиядагы Camel Fest (41)
Тема боюнча
Жүрөк толкуйт! Сауд Аравиядагы этнофестивалдын ачылыш аземи. Видео
Бою алп жигиттерден кем калбаган кыргыз кыздар суктантып... Аравиядагы сүрөт
Сауд Аравияда аттан жыгылган кыргызстандык жаачы кызга операция ийгиликтүү жасалды
СССРдин ат оюндары боюнча эмгек сиңирген спорт чебери, Кыргызстанда туулган Александр Блинов. Архив

Олимпиада-80 чемпиону, КРде туулган Александр Блинов көз жумду

40
(жаңыланган 21:54 05.03.2021)
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

БИШКЕК, 5-мар. — Sputnik. 67 жаш курагында СССРдин ат оюндары боюнча эмгек сиңирген спорт чебери, Кыргызстанда туулган Александр Блинов каза болду. Бул тууралуу Жаштар иши, дене тарбия жана спорт агенттигинин маалымат кызматы кабарлады.

Муфтийдин милдетин аткаруучу, белгилүү дин аалымы Кадыр Маликов. Архив
© Sputnik / Табылды Кадырбеков
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

Спортчуну акыркы сапарга узатуу зыйнаты 6-мартта Москвада өтөт. Блинов 1954-жылы 19-августта Фрунзе шаарында туулган.

Анын Москвадагы Олимпиада оюндарында жетишкен ийгиликтери боюнча Sputnik Кыргызстан агенттиги даярдаган материалдан окуй аласыздар.

40
Белгилер:
өлүм, спортчу, олимпиада
Тема боюнча
Эми башка Жамал жаралбайт. Элдин Сейдакматова менен коштошкон видеосу
Экс-министр Шайлообек Ниязов каза болду
Туман учурунда электр зымдары. Архив

Ишембиге карата аба ырайы

92
(жаңыланган 21:30 05.03.2021)
6-мартка караган түнү жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу бар.

БИШКЕК, 5-мар. — Sputnik. Ишембиде күндүз республика боюнча жаан-чачын күтүлбөйт. Кээ бир райондордо туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Жолдорго муз тонуп, тайгак болот. Унаалардын ортосундагы 500 метр аралык кыймыл чектелиши зарыл.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +11…+16, Ысык-Көлдө +4…+9, Нарын өрөөнүндө +1…+6 градус болот.

Күндүн табы Бишкекте +13…+15, Ош шаарында +14…+16 градусту көрсөтөт.

92
Белгилер:
Кыргызстан, март, аба ырайы
Тема боюнча
Ысык-Көлдө кыйраган 37 млн. сомдук тик учак. Ми-8 кантип кырсыктаган
Өкмөттүн Талас облусундагы ыйгарым укуктуу өкүлү Айбек Бузурманкулов. Архив

Таласты 5 ай башкарды. Айбек Бузурманкулов кызматтан кетти

0
(жаңыланган 23:05 05.03.2021)
Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген.

БИШКЕК, 5-мар. — Sputnik. Айбек Бузурманкулов өкмөттүн Талас облусундагы ыйгарым укуктуу өкүлү кызматынан бошотулду. Бул тууралуу өкмөттүн маалымат кызматы кабарлады.

Ага ылайык, Бузурманкулов ээлеген ордунан башка ишке өткөндүгүнө байланыштуу кеткен.

Тиешелүү буйрукка премьер-министр Улукбек Марипов кол койгон.

Эске салсак, Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген

0
Белгилер:
Айбек Бузурманкулов, ыйгарым укуктуу өкүл, Талас, кызмат
Тема боюнча
Жапыкеев башында турган Финпол жоюлду
"Кыргыз алтынга" жаңы жетекчи дайындалды