Эл жол эрежесин көп бузбай калды. ЖКККББ жетекчилиги "Коопсуз шаар" тууралуу

Жазылуу
Саркулов жол кырсыктары менен киши өлүмүнүн азайганын белгиледи.

БИШКЕК, 13-мар. — Sputnik. Көпчүлүк жол эрежесин сактап калды. Бул тууралуу Жол кыймылы коопсуздугун камсыздоо башкы башкармалыгынын жетекчи орун басары Ыманалы Саркулов билдирди.

Анын айтымында, 4-марттан бүгүнкү күнгө чейин көчөлөргө коюлган камералар толук кандуу иштеп, жол эрежесинин бузулганы боюнча маалыматтар түшүп жатат. Саркулов жол эрежеси бузулганы тууралуу 12 миң 734 токтомго кол коюлганын, 5 миң 686 айып кат унаа ээлерине жеткирүү үчүн "Кыргыз почтасына" жөнөтүлгөнүн белгиледи.

"Коопсуз шаар" долбоору боюнча юридикалык маселелерди чечүү үчүн элди кабыл ала баштадык. Камералар Бишкек шаары менен Чүй облусунун аймагына гана коюлганына карабастан, жалпы республика боюнча жол кырсыгы менен адам өлүмүнүн кыскарганын байкап жатабыз. Элге дал ушул долбоор керек болгон окшойт. Менин пикиримде көпчүлүк жол эрежесин сактап калды", — деди Саркулов.

Заместитель начальника ГУПМ МВД КР Ыманалы Саркулов - Sputnik Кыргызстан
Айып каттар качан кыргыз тилинде жазыла баштайт? Саркуловдун жообу
Ал муну менен бирге ишеним кат менен же таптакыр эле документсиз айдалган унаалар көйгөй жаратып жатканын кошумчалады. Саркуловдун айтымында, премьер-министрдин тапшырмасы менен ушу тапта документи так эмес айдоочуларды жоопкерчиликке тартуу маселеси иштелип жатат.

Эскерте кетсек, Учурда Бишкек шаарында 10 көчөнүн кесилишине, эки көпүрөгө, Чүй облусунун аймагындагы 15 жерге коюлган камерадан, ошондой эле 19 көчмө комплекстен эреже бузуулар боюнча маалыматтар түшүп жатат.

"Коопсуз шаар" долбоору 12-февралда ишке кирген.

Жаңылыктар түрмөгү
0