Алп акын Аалы алп жигиттер менен Сауд Аравияда. Фотофакт

3438
(жаңыланган 19:44 15.03.2019)
Айтылуу акынды кыргыздын төрт алп жигити курчап турган.

БИШКЕК, 15-мар. — Sputnik. Кыргызстандын белгилүү акыны Аалы Туткучевдин алп жигиттер менен Сауд Аравияда түшкөн сүрөтү соцтармакка жарыяланып, "эки тараптуу алптар биригиптир" деген пикирлер жазылууда. 

Ак таңдай акын сүрөткө төрт алп жигиттин ортосунда туруп түшкөн. Алар Инамидин Бектемиров (бою 2 метр), Чыңгыз Арстанбек уулу (бою 2 метр), Данияр Акунов (бою 198 сантиметр) жана Азамат Бектурсунов (бою 195 сантиметр).

Кыргыз баатырларынын образын чагылдырган тогуз алп жигит Camel Fest этнофестивалына катышууда. Алардын эң узунунун бою 2,05 метр, салмагы 130 килограммдан ашат. Ал эми өтүгүнүн өлчөмү 53 сантиметрге жетет. Ар бири жоокерлердей башына малакай, үстүнө соот кийип жүрүшөт. Алар оюн-зоокко катышып, баатырлардын жана хандын желдеттеринин образын жаратууда. Башкы максаты — кыргыздын жүзүн көрсөтүү. Алп эркектер эле эмес, узун бойлуу кыздар да барып чет элдиктерди суктантууда. 

9-мартта башталган Camel Fest фестивалы 23үнө чейин созулат. Анда 98 мамлекеттин өкүлдөрү маданият жана спорт жаатында талантын көрсөтүүдө. Ага катышууга кыргызстандыктарга эң көп — 2000дей квота бөлүнгөн. Кыргызстандык делегация "Көчмөндөр ааламы" деп аталган этнофестивалын көрсөтүп жатышат. Сауд Аравияда атайын 15 гектар жер берилип, ипподром, этнобазар жана көчмөндөр айылы курулган. Ошондой эле катышуучулардын тамак-ашы, жаткан жери беленделип, мал-жаны багылууда. Кеткен чыгымдын баарын уюштуруучулар көтөрүүдө.

3438
Белгилер:
ырчы, акын, Аалы Туткучев, Сауд Аравиясы, жигит, алп адам
Тема:
2000дей кыргызстандык бара турган Сауд Аравиядагы Camel Fest (41)
Тема боюнча
Жүрөк толкуйт! Сауд Аравиядагы этнофестивалдын ачылыш аземи. Видео
Бою алп жигиттерден кем калбаган кыргыз кыздар суктантып... Аравиядагы сүрөт
Ысык-Көл облусундагы жайлоодогу боз үйлөр. Архив

Жекшембиге карата аба ырайы

41
13-июнга караган түнү тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Ош, Жалал-Абад облустарынын дыйканчылык аймактарында жана Таласта жаан-чачын болбойт.

БИШКЕК, 12-июн. — Sputnik. Жекшембиде республиканын тоолуу райондорунда өткүн өтүп, айрым аймактарда кар жаашы ыктымал. Ош, Жалал-Абад, Нарын облустарынын кээ бир райондорунда жамгыр төгөт. Бул тууралуу Кыргызгидромет кабарлады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +24...+29, Ысык-Көлдө +18...+23, Нарын аймагында +16...+21 градус болору айтылды.

Борбор калаада өткүн өтүп, күн күркүрөсө Ошто күн ачык болот. Термометрдин көрсөткүчү Бишкекте +29...+31, Ош калаасында +31...+33 градуска чейин жетет.

41
Белгилер:
аба ырайы, Кыргызстан, июнь
Тема боюнча
Жер жарылып унааларды жутуп кетти. Израилдеги окуянын видеосу

Бишкекте белгиленген Россия күнү. Оюн-зоок менен өткөн майрамдан 12 сүрөт

98
  • Бишкекте Русская душа маданий фестивалы өттү
  • Бул иш-чара Россия күнүнө арналып уюштурулду
  • Майрам Орус драма театрынын алдында өттү
  • Кыргызстанда быйыл биринчи ирет Россия күнү масштабдуу түрдө белгиленди
  • Шаардыктар үчүн артисттер орус элдик ырларын жана бийлерин аткарышты
  • Ошондой эле жарманке дагы уюштурулду
  • Кол өнөрчүлөр жасаган эмгектерин алып чыгышкан
  • Айрым соодагерлер өзгөчө шөкөттөлгөн кийимдерди кийип келишкен
  • Аны менен катар оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди
  • Балдар үчүн да чоң шоу-программадагы концерт тартууланды
  • Майрамдык иш-чарага келген шаардыктардын саны арбын болду
  • Эпидемиологиялык абалга байланыштуу бардык салтанат таза абада, Бишкекте жана Каракол, Кант, Кара-Балта шаарларында өттү
Бишкекте Россия күнү белгиленип, майрам элдик оюн-зоок программасы менен шаңдуу өткөрүлдү. Чыңгыз Айтматов атындагы Орус драма театрынын алдында "Русская душа" аталышындагы фестиваль уюштурулду.

Майрамдык иш-чаранын алкагында орус элдик ырларын жана бийлерин аткарган чыгармачыл топтордун концерти, оюндар, балдар жана чоңдор үчүн викториналар болду.

Ошондой эле Россия элинин кол өнөрчүлүк искусствосунун көргөзмөлөрү жана жарманкелер ачылган.

Кыргызстанда быйыл биринчи ирет Россия күнү масштабдуу түрдө белгиленип жатканы айтылат.

98
  • Бишкекте Русская душа маданий фестивалы өттү
    © Sputnik / Табылды Кадырбеков

    Бишкекте "Русская душа" маданий фестивалы өттү

  • Бул иш-чара Россия күнүнө арналып уюштурулду
    © Sputnik / Табылды Кадырбеков

    Бул иш-чара Россия күнүнө арналып уюштурулду

  • Майрам Орус драма театрынын алдында өттү
    © Sputnik / Табылды Кадырбеков

    Майрам Орус драма театрынын алдында өттү

  • Кыргызстанда быйыл биринчи ирет Россия күнү масштабдуу түрдө белгиленди
    © Sputnik / Табылды Кадырбеков

    Кыргызстанда быйыл биринчи ирет Россия күнү масштабдуу түрдө белгиленди

  • Шаардыктар үчүн артисттер орус элдик ырларын жана бийлерин аткарышты
    © Sputnik / Табылды Кадырбеков

    Шаардыктар үчүн артисттер орус элдик ырларын жана бийлерин аткарышты

  • Ошондой эле жарманке дагы уюштурулду
    © Sputnik / Табылды Кадырбеков

    Ошондой эле жарманке дагы уюштурулду

  • Кол өнөрчүлөр жасаган эмгектерин алып чыгышкан
    © Sputnik / Табылды Кадырбеков

    Кол өнөрчүлөр жасаган эмгектерин алып чыгышкан

  • Айрым соодагерлер өзгөчө шөкөттөлгөн кийимдерди кийип келишкен
    © Sputnik / Табылды Кадырбеков

    Айрым соодагерлер өзгөчө шөкөттөлгөн кийимдерди кийип келишкен

  • Аны менен катар оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди
    © Sputnik / Табылды Кадырбеков

    Аны менен катар оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди

  • Балдар үчүн да чоң шоу-программадагы концерт тартууланды
    © Sputnik / Табылды Кадырбеков

    Балдар үчүн да чоң шоу-программадагы концерт тартууланды

  • Майрамдык иш-чарага келген шаардыктардын саны арбын болду
    © Sputnik / Табылды Кадырбеков

    Майрамдык иш-чарага келген шаардыктардын саны арбын болду

  • Эпидемиологиялык абалга байланыштуу бардык салтанат таза абада, Бишкекте жана Каракол, Кант, Кара-Балта шаарларында өттү
    © Sputnik / Табылды Кадырбеков

    Эпидемиологиялык абалга байланыштуу бардык салтанат таза абада, Бишкекте жана Каракол, Кант, Кара-Балта шаарларында өттү

Белгилер:
фестиваль, концерт, майрам, Россия күнү
Тема боюнча
Бишкекте Россия күнү белгиленип жатат. Сүрөттөр
"Русский мир" фестивалында көк бөрү мелдеши өтөт
АКШ президенти Жо Байден

Кыйынды кыртышы сүйбөгөн саясат

53
Мындай нерселерге мамлекет согуш алдында барат", – деп үстүртөн белгилей кетти РФ Тышкы чалгындоо кызматынын полковниги, Москва мамлекеттик эл аралык мамилелер институтунун профессору Андрей Безруков теледеги талкуулардын биринде.

Кеп америкалык администрациянын чындап эле орчундуу акциясы жөнүндө. Быйыл февраль айында Кошмо Штаттардын жаңы администрациясы өтө маанилүү товарлар менен жабдуу чынжырчасынан өлкөлөрдүн көз карандылыгын иликтөөнү буюрган. Ушул изилдөөнүн жыйынтыгы тууралуу Дмитрий Косыревдун макаласы РИА Новости сайтында жарык көргөн.

Иликтөө Жо Байдендин Европага болгон сапарынын алдында аяктап туру. Иш сапардын алкагында ал РФ президенти Владимир Путин менен да кезигет. Женевада өтө турган бул жолугушуу АКШ багытынын дүйнөлүк аренада эбак бышып жетилген жана абдан олуттуу бурулушунун бир бөлүгү гана болмокчу. Бул тууралуу кеп алдыда болсун.

Ал эми бул изилдөөлөрдүн натыйжасында Американын өзүнүн кеминде эле үч тармакта көз карандылыгы аныкталды. Атап айтсак, дары-дармек, жарым өткөргүчтөр жана сейрек кездешүүчү металлдар (элементтер) менен жабдуу АКШнын талуу маселелеринен. Ар биринде Кытай, башкача айтканда, Кошмо Штаттардын дүйнөлүк аренада тең салмакташ бул державадан кооптуу көз карандылыгы жөнүндө сөз жүрөт.

Ал эми жакында экинчи акция старт алды. Инновациялар жана атаандаштык тууралуу мыйзам иштелип чыгып, АКШ сенатында каралды. Жакын арада күчүнө кирет. Мында баарынан оболу кеп ошол эле держава менен атаандаштык туурасында. Аталган мыйзам боюнча Американын экономикасынын Кытайдын алдында атаандаштык жөндөмүн арттырууга 250 миллиард доллар, тагыраагы, инновациялык иштелмелерди жана америкалык алдыңкы тармактарды колдоону тездетүүгө субсидия бөлүнүүдө. Анткен менен АКШ узак жылдар бою алдыңкы жана башка көптөгөн багыттарга кытайлык мамлекеттик колдоо көрсөтүлүшүнө жол берилбестигин түшүндүрүп келишкен. Алар Пекиндин "Кытайда жасалган – 2025" программасын натуура атаандаштыктын үлгүсү жана кастыктын дал өзү катары жарыялашкан. Кезегинде Пекин эрежелерден четтеп, оюнду чынчылдык менен жүргүзгөн жок деп айыпташкан эле. Эми болсо Кытайдын оюнунан майнап чыгып, глобалдык масштабда утушка ээ болуп турганда АКШ кылы кыйшайбастан аны туураганга белсенди.

Эксперттер демократтар администрациясы реиндустриализация демилгесин республикачылардан мураска алганын, мында кеп ондогон жылдарга эсептелген программалар жөнүндө экенин белгилешет. Лондондогу The Guardian басылмасынын баяндамачысы бул он жылдыктын аягында Кытай экономиканын көлөмү боюнча АКШны кууп жетерин жоромолдойт. Бул менен дүйнөлүк технологиялык лидерликке ээ болот (дал ушул нерсе Пентагондун түн уйкусун бузууда – ред.). АКШ үчүн лидерликти башкага алдыруу абдан кооптуу. Бири-бирине тыгыз байланышкан бул көрүнүштөрдөгү негизги түшүнүк — "технологиялар". Жылына өндүрүлгөн өндүрүмдөрдүн жалпы көлөмү, албетте, маанилүү, бирок пропагандалык планда гана... Ал эми технологиялык артыкчылык жаатында бул эки ири державанын бирдей макамы бирин азапка салат, ал эми Кытайдын дүйнөлүк технологиялык лидерликке көтөрүлүшү экинчиси үчүн азаптын азабы эмеспи. Жо Байдендин Европага сапары дал ушундай маанайда даярдалган. Жогоруда аталган лондондук гезиттеги макала да ушул дипломатиялык каршы чыгуунун бүт концепциясын так сүрөттөгөн. Байден Батыш лидерлери менен Улуу Британиядагы Корнуоллдо G7 саммитинин алкагында кезикти. Андан соң НАТО жана европалык түзүмдөр менен сүйлөшөт. Эң оболу дээрлик Кытай тууралуу гана кеп козголору болжонгон. Шектене караган европалыктарды Байден бул ирет экинчи кансыз согушка чакырууга ниеткер. Бул ирет Кытай менен... Союздаштары толук түрдө Кошмо Штаттар келтирген жүйөлөргө ынанабы? Татаал собол. Эгер кайра The Guardian басылмасына таянсак, анда атын атабаган дипломат "европалыктарга Кытайдын (тигил же бул кырдаалда) кадамдары жакпашы ыктымал, бирок америкалыктар дүйнөдө күч жагынан тең келген Кытайдын өзү, анын ар кай багыттагы кадамдарынын эч бирин кыртышы сүйбөстүгүн" айтып берген.

Женевадагы саммит бул жагынан алып караганда Байдендин Европага болгон сапарынан тыш. Москва менен эки тараптуу алакалар ал үчүн экинчи планда. Болду-болбоду америкалык президент алдыдагы он жылдыкта АКШ менен Кытайдын кансыз согушу боюнча Россиянын көз карашын билип, тамырын тартып көрөт. Албетте, Москванын Пекин менен тирешке макул болорун эч ким күтпөйт. Анткен менен Россия андай болжолдуу жагдайларда өзүн кандай алып жүрөрүн билип алуу Америкага пайдалуу.

Болбосо бири жеңилип, бири озуп бараткан эки күчтүү держава, бири экинчисине туруштук берүү далалатында. Экөө тең — экономикалык гиганттар жана технологиялык лидерлер, ошондуктан потенциалдуу пайдалуу өнөктөштөр. Бири Россияга эмнелерди гана жасабады, экинчиси андай жамандыктарга барган жок, ыңгайы келген жерден кызматташууну өрчүтүп келет. Мындайда Москванын кандай позициясын элестетүүгө болот?

53
Белгилер:
чалгындоо, Москва, Россия
Тема боюнча
Байден "Путиндин курьерине" айланып бара жатат. Кырдаалга сереп
Өз үйлөрүндөгүдөй. Түркиянын “жумшак күч” саясаты