Жол кайгуул кызматынын автоунаасы. Архив

Кудум кинодогудай. Ошто кош бойлуу келинди автоинспектор төрөтканага жеткирди

1242
(жаңыланган 12:50 16.03.2019)
Көчөдө автокыймыл көп болгондуктан, бейтааныш бирөөлөр аларды төрөтканага чейин жекирип коюуну өтүнгөн.

БИШКЕК, 16-мар. — Sputnik. Ошто шаардык автоинспектор Самаган Ажымамытов кош бойлуу аялды төрөт үйүнө чейин жеткирип барды. Бул туурасында Жол кыймылынын коопсуздугун камсыздоо боюнча Ош шаардык бөлүмүнөн билдиришти.

Милициянын сержанты Ажымамытов Гапар Айтиев менен Ленин көчөлөрүнүн кесилишинде кызмат өтөп жаткан. Саат 09:00дөр чамасында Daewoo Nexia үлгүсүндөгү унаа токтоп, көчөдө автокыймыл көп болгондуктан, аларды төрөтканага чейин жеткирип коюуну өтүнгөн. Салондо ай-күнү жетип калган 26 жаштагы келин болгон.

Испектор кызматтык автоунаасы менен аларды коштоп бара жатканда, келин отурган автокөлүктүн майы түгөнүп калган.

Демилгени колго алган милиционер аялды өзүнүн унаасына салып, андан ары кызматын уланткан.

Кийинчерээк келиндин ата-энеси автоинспекторду таап, ыраазылыгын билдирген.

Кош бойлуу аял экинчи ирет эне болуп, салмагы 3 килограмм 450 грамм уул төрөгөн.

Ош шаардык төрөт үйүнүн дарыгери Зейнеп Исраилованын айтымында, жаңы төрөгөн эненин абалы жакшы. Аял төрөткананын кабыл алуучу жайында көз жарган.

1242
Белгилер:
Төрөт үйү, кош бойлуу, Ош
Тема боюнча
Кемпирди жолдон жетелеп өткөргөн милиционер көпчүлүктүн алкоосуна арзыды
Президенттин маалымат кызматынын жетекчиси Нургазы Анаркулов. Архив

Анаркулов: инаугурацияга чакырылгандардын баарынын ПЦР-анализи таза чыкты

3
(жаңыланган 22:01 27.01.2021)
Президенттин кызматка киришүү үчүн ант берүү аземине ар кайсы катмардагы миңден ашуун мейман чакырылган.

БИШКЕК, 27-янв. — Sputnik. Жаңы шайланган президент Садыр Жапаровдун инаугурациясына чакырылган коноктордун баарынын коронавируска тапшырган тести таза чыкты. Бул тууралуу президенттин маалымат кызматынын жетекчиси Нургазы Анаркулов билдирди.

Президенттик кызматка киришүү үчүн ант берүү аземине катардагы жарандардан, коомдук ишмерлерден, чыгармачыл жана интеллигенциянын өкүлдөрүнөн, жергиликтүү жана чет элдик маалымат каражаттарынын жетекчилеринен турган миңден ашуун мейман чакырылган.

Иш-чара санитардык-эпидемиологиялык талаптарга ылайык уюштурулуп, коноктордун баары коронавирус инфекциясына ПЦР-анализ тапшырышкан.

Садыр Жапаровдун инаугурациясы эртең, 28-январда, саат 11:00дө Токтогул Сатылганов атындагы Кыргыз улуттук филармонияда өтөт.

3
Белгилер:
ПЦР-тест, коронавирус, инаугурация, Садыр Жапаров
Тема:
Садыр Жапаровдун инаугурациясы
Тема боюнча
Чепкен жапмай, аластоо жана ыңгайсыз жагдайлар... Эл эсинде калган инаугурациялар
Депутаттарга Жапаровдун инаугурациясына жеке унаа менен келүүгө тыюу салынды
ИИМ: инаугурация күнү кортеж өтүп, жолдор бир нече секундга гана жабылат

Баланын коопсуздугун колу менен коргогон мышык. Ич жылыткан видео

45
Кээде жаныбар болсо да наристенин коопсуздугун ата-энесинен кем калбай коргогон учурлар кездешет. Дал ошондой видео интернет айдыңга тарап кетти.

Балкондун кармагычына колун созгон бөбөктү жанында отурган мышык кадимкидей тыйып, кадам сайын "тартипке чакырып" жатканын көрүүгө болот.

Тили чыга элек бала балкондун кармагычына колун созуп, асылгысы келип, бирок ага жанында периште сымал кайтарып отурган мышык "жол бербей" жатканы четте турган кишинин ичин жылытат. Агала мышык "максатына жетүүгө тоскоол болгонун" түшүнгөн сымал, бөбөктүн бөлмөнүн башка тарабына кетип бара жаткан учуру менен видео аяктаган.

45
Белгилер:
видео, балкон, мышык, бала
Тема боюнча
Шакылдатып башка чапкылап. Мышык менен ымыркайлардын ич жылыткан видеосу