Жалал-Абад шаары. Архивдик сүрөт

Акыркы ардагер деген эмеспиз. Жалал-Абад мэриясы түшүндүрмө берди

(жаңыланган 19:20 17.03.2019)
14-март күнү Жалал-Абад шаарында Улуу Ата Мекендик согуштун акыркы ардагери, милициянын капитаны Гаваз Мингараев көз жумгандыгы тууралуу маалымат тараган.

БИШКЕК, 17-мар. — Sputnik. Жалал-Абад мэриясы "шаардагы акыркы ардагер каза болгондугу" тууралуу маалыматка тактоолорду киргизди.

Эске салсак, 14-март күнү Жалал-Абад шаарында Улуу Ата Мекендик согуштун акыркы ардагери, милициянын капитаны Гаваз Мингараев көз жумгандыгы тууралуу маалымат тараган. Маркум согуштан кайткандан кийинки өмүрүн тартип коргоо органдарына арнаганы айтылган.

Көп өтпөй Жалал-Абад облусу боюнча Баткен согушунун ардагерлери коомдук бирикмесинин төрагасы Рустамбек Амиракуловго шилтеме берип "Өлбөс полк — Кыргызстан" бирикмеси Жалал-Абад шаарында "акыркы ардагер каза болгон жок. Бул калаада Улуу Ата Мекендик согушка катышкан дагы беш адам жашайт" деген маалымат берген.

"Биз шаардагы акыркы ардагер эмес, өмүрүн укук коргоо органдарына арнаган акыркы ардагер деп айтканбыз. ЖМК өкүлдөрү муну туура эмес түшүнүп калыптыр", — деди Жалал-Абад мэриясынын басма сөз кызматынын жетекчиси Азамат Жээнбеков.

Сөз болуп жаткан ардагер Гаваз Мингараев 95 жашта болчу.

Белгилер:
өлүм, милиционер, ардагер, Улуу Ата Мекендик согуш, Жалал-Абад
Тема боюнча
Жалал-Абадда Улуу Ата Мекендик согуштун акыркы ардагери дүйнө салды
Жалал-Абадда согуштун беш ардагери бар. Мэриянын билдирүүсү жокко чыгарылды
Душ кабинасы. Архив

Бишкектеги турак жайлардын көпчүлүгүндө 4 күн бою ысык суу болбойт

(жаңыланган 14:54 19.04.2021)
Маалыматка караганда, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

БИШКЕК, 19-апр. — Sputnik. Бишкектин жеке секторлорунда 21-24-апрель аралыгында ысык суу өчүрүлөт. Кеп "Бишкек жылуулук тармагына" кошулган үйлөр жөнүндө болуп жатканын муниципалитеттин маалымат кызматынан билдиришти.

Ага ылайык, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

"Ысык суу жеке секторлордо гана өчүрүлөт. Көп кабаттуу үйлөргө тиешеси жок", — дешти ишканадан.

Ысык сууга жеке сектордогу көптөгөн турак үйлөр кошулганы белгиленип, алардын бардыгында тең суу өчүрүлөрү эскертилди.

Белгилер:
ысык суу, үй, Бишкек
Тема боюнча
Эртең Бишкектин кээ бир жерлеринде муздак суу өчөт. Тизме
Жаан-чачындуу болот. Келерки аптанын аба ырайы
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:33 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Абхазиядан алынган унааларга байланыштуу чуу

Кыргызстанда Абхазиядан алынган унааларды аныктоо боюнча рейд жүрүүдө. Себеби мындай унаалар ЕАЭБдин бажы мыйзамдарын бузуу менен алып келинген. Болжол менен онго жакын машина айып короого токтотулган.
Мындан улам Ала-Тоо аянтында жана өкмөт үйүнүн алдында Абхазиянын номери тагылган унаалардын ээлери митингге чыгышты. Алар Республикага буга чейин кирип кеткен автолорду мыйзамдаштырып берүүнү талап кылышууда. Айдоочулар буга чейин эскертүү берилбегенин билдирип, нааразы болушту. Митингчилер унааларын насыяга алгандар бар экенин, айрымдары такси айдап үй-бүлөсүн багарын айтышты.

Өткөн аптада Экономика жана финансы министрлиги абхазиялык номер тагылган унааларды мамлекет алып коюшу мүмкүн экенин эскерткен

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн