Ымыркай. Архив

Бала сатты делген гинекологдор: ымыркайлар жашап жатат деген 6 бүлө текшерилди

441
(жаңыланган 19:06 20.03.2019)
Балдар ушу тапта Бишкек, Балыкчы жана Сокулукта жашаган үй-бүлөлөрдө.

БИШКЕК, 20-мар. — Sputnik. Балдардын сатылышы боюнча козголгон иштин алкагында ымыркайлар жашап жатат делген алты үй-бүлө текшерилди. Бул тууралуу Эмгек жана социалдык өнүктүрүү министрлигинин өкүлү Гүлзина Бообекова сотто айтты.

Процесс Бишкектин Биринчи Май райондук сотунда өттү. Айыпталып жаткан жети дарыгердин үчөө үй камагында.

Белгилей кетсек, былтыр 7-сентябрда Бишкекте бала сатууга жана мыйзамсыз аборт жасоого шектелип бир нече гинеколог кармалган. Sputnik Кыргызстан агенттигинин булагынын айтымында, дарыгерлер №1 жана №8 үй-бүлөлүк дарыгерлер борборлорунда жана №4 төрөт үйүндө иштегендер болуп чыккан.

Фактынын негизинде Кылмыш жаза кодексинин 116 ("Мыйзамсыз аборт жасоо"), 124 ("Адам сатуу") жана 350-беренелери ("Документ жасалмалоо") боюнча иш козголгон. Тергөөнүн жүрүшүндө бала сатууга чет элдик жарандардын тиешеси жок экени аныкталган. Сатып алгандардын баары - Кыргызстанда төрөлүп Россия жарандыгын алгандар. Акыркы отурумда документ жасалмалаган деп айыпталып жаткан эки медик күнөөсүн мойнуна алган.

"Ички иштер министрлиги бул иш боюнча ымыркайлар мыйзамсыз жашап келген алты үй-бүлөнү текшерүү тапшырмасын берген. Алар Балыкчыда, Бишкекте жана Сокулукта жашай турганы белгилүү болду. Бул адамдардын баарынын тең балага документи, башкача айтканда, туулгандыгы тууралуу күбөлүгү же камкордукка алганы жөнүндө документи болгон эмес. Укук коргоо органдары бул балдар сатылганын болжолдошкон", — деди Бообекова.

Министрликтин өкүлү анын милдетине балдардын жашоо шартын текшерүү гана кирерин белгиледи. Натыйжада ымыркайлардын шарты жакшы экени айтылып, ошол үй-бүлөлөрдө калтыруу чечими кабыл алынган. Бообекованын айтымында, балдарды багып жаткандардын айрымы ымыркайларды сатып алганын, кээси эшигинин алдына таштап кеткенин айткан. Эми ал бүлөлөрдүн баары соттун чечими менен багып алууну документтештириши керек.

441
Белгилер:
үй-бүлө, документ, сатуу, бала, гинеколог
Тема боюнча
Жаңы төрөлгөн ымыркайды каналга ыргытып жиберген дарыгер. Гинекологдордун соту
Бала сатты деген гинекологдор. Экөө документти жасалмалаганын моюндады
Президент Сооронбай Жээнбеков. Архив

Өз мезгилинин баатыры. Президент көз жумган студент кыздын бүлөсүнө көңүл айтты

68
(жаңыланган 20:12 14.07.2020)
Мурзабекова Кыргыз мамлекеттик медициналык академиянын дарылоо иши факультетинде 5-курста окучу. Акыркы күндөрү Discoveri мейманканасында уюштурулган убактылуу стационарда ыктыярчы-медайым болуп иштеп жаткан.

БИШКЕК, 14-июл. — Sputnik. Адинай Мурзабекова мекендештери, курсташтары, достору, туугандары жана жакындары, аны тааныгандардын эсинде өз мезгилинин баатыры катары түбөлүккө кала берет. Бул тууралуу президент Сооронбай Жээнбеков маркумдун үй-бүлөсүнө жана жакындарына көңүл айтып жатып билдирди.

Эскерте кетсек, 13-июль күнү күндүзгү стационарда ыктыярчы медайым болуп иштеп жаткан 21 жаштагы студент кыз Адинай Мурзабекова каза болгон. Алдын ала маалымат боюнча, анын пневмониядан көз жумганы айтылды.

Жээнбеков суук кабарды терең кайгыруу менен кабыл алганын белгилеген.

Стационарда иштеп көз жумган студент кыз. Өлүмдүн болжолдуу себеби айтылды

"Медициналык кадрлардын жетишсиздиги ыктыярчыларды, алардын ичинде медициналык факультеттердин жогорку курстарынын студенттерин ишке тартууга мажбур кылды. Жаш болгонуна карабастан, алар улуу кесиптештери менен бир катарда болуп, бүгүнкү күндүн бардык оош-кыйыштарын татыктуу көтөрүп келе жатышат. Тилекке каршы, бүт өмүрү али алдыда болгон жаш адисибизден айрылып отурабыз", — деп өкүнүү менен белгиледи мамлекет башчысы.

Президент Адинай Мурзабекова күч-кубатын, ден соолугун аябастан, өз милдетин кайратмандык менен аткарганын жана калктын саламаттыгын, адам өмүрлөрүн сактап калууга баа жеткис салым кошкондугун белгиледи.

"Адинай Мурзабекова мекендештери, курсташтары, достору, туугандары жана жакындары, аны тааныгандардын эсинде өз мезгилинин баатыры катары түбөлүккө кала берет. Үй-бүлөсүнө терең кайгыруу менен көңүл айтам, орду толгус жоготуунун кайгысын тең бөлүшөм", — деп белгиледи Жээнбеков.

Ал эми Мурзабекова билим алган Медициналык академиянын маалымат кызматы Адинайдын мыкты окуганын белгилеп, өлүмүнүн чоо-жайы такталып жатканын кошумчалады.

68
Белгилер:
көңүл айтуу, президент, пневмония, медицина, стационар, студент
Тема:
Кыргызстандыктарды кыйнаган пневмония
Тема боюнча
Кыргызстанда пневмониядан 45 адам каза болду
Кишенчен киши. Архивдик сүрөт

Бишкекте дарыны кымбаттатып саткан шектүү кармалды

95
(жаңыланган 18:24 14.07.2020)
Белгисиз адам Б.Б. аттуу кишиге баасы 2 000 сомдук дарыны 6 000 сомго сатып, алдап кеткен. Изи сууй электе 31 жаштагы шектүү колго түштү.

БИШКЕК, 14-июл. — Sputnik. Борбор калаада мыйзамсыз дары сатууга шектелип 31 жаштагы адам кармалды. Бул тууралуу Милициянын кайгуул кызматынан кабарлашты.

Ага ылайык, 13-июлда Бишкек шаардык ИИББдин 102 кызматына Ахунбаев — Чапаев көчөлөрүнүн кесилишинде алданып калган жаран чалган.

Боронов: эл издеп жаткан дарыларды катып жаткан эки кампа табылды

"Айтылган дарекке ошол замат кайгуулчулар барган. Жыйынтыгында Б.Б. аттуу адамга болжол менен баасы 2 000 сомдук дарыны белгисиз киши 6 000 сомго сатып, алдап кеткени маалым болду. Ыкчам аракеттердин натыйжасында милиция кызматкерлери 31 жаштагы кишини кармашкан. Ал Ленин райондук ИИБдин тергөө бөлүмүнө өткөрүп берилген", — деп айтылат маалыматта.

Аталган факты Кылмыш жана жоруктардын бирдиктүү реестрине катталып, сотко чейинки өндүрүшкө алынганы кошумчаланды.

95
Белгилер:
милиция, мыйзам, алдамчылык, шектүү, дары, Бишкек
Тема боюнча
Жээнбеков: Кыргызстанда дары-дармек өндүрүү жолдору каралууда
Боронов: эл издеп жаткан дарыларды катып жаткан эки кампа табылды