Ымыркай. Архив

Бала сатты делген гинекологдор: ымыркайлар жашап жатат деген 6 бүлө текшерилди

441
(жаңыланган 19:06 20.03.2019)
Балдар ушу тапта Бишкек, Балыкчы жана Сокулукта жашаган үй-бүлөлөрдө.

БИШКЕК, 20-мар. — Sputnik. Балдардын сатылышы боюнча козголгон иштин алкагында ымыркайлар жашап жатат делген алты үй-бүлө текшерилди. Бул тууралуу Эмгек жана социалдык өнүктүрүү министрлигинин өкүлү Гүлзина Бообекова сотто айтты.

Процесс Бишкектин Биринчи Май райондук сотунда өттү. Айыпталып жаткан жети дарыгердин үчөө үй камагында.

Белгилей кетсек, былтыр 7-сентябрда Бишкекте бала сатууга жана мыйзамсыз аборт жасоого шектелип бир нече гинеколог кармалган. Sputnik Кыргызстан агенттигинин булагынын айтымында, дарыгерлер №1 жана №8 үй-бүлөлүк дарыгерлер борборлорунда жана №4 төрөт үйүндө иштегендер болуп чыккан.

Фактынын негизинде Кылмыш жаза кодексинин 116 ("Мыйзамсыз аборт жасоо"), 124 ("Адам сатуу") жана 350-беренелери ("Документ жасалмалоо") боюнча иш козголгон. Тергөөнүн жүрүшүндө бала сатууга чет элдик жарандардын тиешеси жок экени аныкталган. Сатып алгандардын баары - Кыргызстанда төрөлүп Россия жарандыгын алгандар. Акыркы отурумда документ жасалмалаган деп айыпталып жаткан эки медик күнөөсүн мойнуна алган.

"Ички иштер министрлиги бул иш боюнча ымыркайлар мыйзамсыз жашап келген алты үй-бүлөнү текшерүү тапшырмасын берген. Алар Балыкчыда, Бишкекте жана Сокулукта жашай турганы белгилүү болду. Бул адамдардын баарынын тең балага документи, башкача айтканда, туулгандыгы тууралуу күбөлүгү же камкордукка алганы жөнүндө документи болгон эмес. Укук коргоо органдары бул балдар сатылганын болжолдошкон", — деди Бообекова.

Министрликтин өкүлү анын милдетине балдардын жашоо шартын текшерүү гана кирерин белгиледи. Натыйжада ымыркайлардын шарты жакшы экени айтылып, ошол үй-бүлөлөрдө калтыруу чечими кабыл алынган. Бообекованын айтымында, балдарды багып жаткандардын айрымы ымыркайларды сатып алганын, кээси эшигинин алдына таштап кеткенин айткан. Эми ал бүлөлөрдүн баары соттун чечими менен багып алууну документтештириши керек.

441
Белгилер:
үй-бүлө, документ, сатуу, бала, гинеколог
Тема боюнча
Жаңы төрөлгөн ымыркайды каналга ыргытып жиберген дарыгер. Гинекологдордун соту
Бала сатты деген гинекологдор. Экөө документти жасалмалаганын моюндады
Колл-центрдин ишкери. Архив

Коронавирустун белгилери байкалса кайда кайрыласыз? Министрликтин жообу

11
(жаңыланган 10:47 27.09.2020)
Республиканын башка аймактарында мурункудай эле 118 кызматы иштеп, кайрылган жарандарга жардам көрсөтө беришет.

Бишкек, 27-сен. — Sputnik. Бишкектин төрт районундагы бириктирилген үй-бүлөлүк медицина борборлоруна коронавирус жуктуруп алгандар үчүн ыкчам кызмат бекитилет. Бул тууралуу Медициналык жардам жана дары-дармек саясатын уюштуруу башкармалыгындагы жетекчисинин милдетин аткаруучу Нургүл Ибраева билдирди.

Анын айтымында, республиканын башка аймактарында мурункудай эле 118 кызматы иштеп, кайрылган жарандарга жардам көрсөтө берет.

“Коронавирус жуктурган жарандарга кызмат көрсөтүү үчүн Бишкек мэриясынын алдындагы Саламаттык сактоо башкармалыгынын негизинде уюштурулган 118 кызматында көбүнчө ыктыярчылар иштеп жатышкан. Азыр абал турукташкандыгына байланыштуу бул кызматты шаардагы райондордун бириктирилген үй-бүлөлүк медициналык борборлоруна бекитип берүү боюнча буйруктун долбоорун иштеп чыктык. Бирок аты өзгөрүшү мүмкүн. Ал эми аймактарда 118 кызматы мурункудай эле иш алып барат. Ошондой эле бейтап ар бир медициналык мекеменин ишеним телефондоруна чалса болот”, — деди Ибраева.

Министрлик баштапкы протокол менен азыркы протоколдун айырмачылыгын айтып берди

Ал эми вирус жуктуруп алгандар жашаган дареги боюнча үй-бүлөлүк медициналык борборлорго барып ийне же тамчылатма ийне сайдыра алышат.

“Азыр кайрылган бейтаптарга ийне, тамчылатма ийне саюу жагын тартипке келтирип жатабыз. Жайында оор эпидемиологиялык кырдаал учурунда ар ким дарыканадан өз алдынча алган дарысын эле сайдырган учурлар көп болгон. Азыр бардыгы дарыгердин көрсөтмөсү менен жүрөт”, — деди ал.

Учурда күзгү жана кышкы эпидемиологиялык абалды алдын алуу максатында Бишкек шаардык мэриясы бириктирилген медициналык борборлордун жетекчилери менен биргеликте күндүзгү стационарды ачууга даярдык көрүү иштерин алып барып жатышат.

11
Белгилер:
коронавирус, стационар
Тема:
Коронавируска байланыштуу Кыргызстандагы кырдаал
Тема боюнча
Вирусолог: пандемияны биринчи, экинчи толкун деп бөлүүнүн кажети жок
Чайник колдонуу. Архивдик сүрөт

Тамдын башында жаткан эски чайнек жарым миллион долларга сатылды

21
(жаңыланган 10:33 27.09.2020)
Табылганын ээси чайнекти антикалык буюмдар дүкөнүнө саткысы келип, бирок кийин эксперт менен кеңешүүнү чечкенин билдирген.

БИШКЕК, 27-сен. — Sputnik. Британиялык тургундун жашаган тамынын башынан табылган кытай өндүрүшүндөгү эски чайнек аукциондо 495 миң долларга сатылды. Бул тууралуу UPI порталына таянып РИА Новости маалымат булагы жазды.

Табылга Кытайдын Цяньлун императорунун башкаруусундагы доорго таандык экени айтылат.

Буюмдун мурдагы ээсинин айтымында, чайнек ага Экинчи дүйнөлүк согуш маалында Азиядан Улуу Британияга алып келген чоң атасынан калган. Ал көөнө буюмду антикалык оокаттар дүкөнүнө саткысы келгенин, бирок кийин эксперт менен кеңешүүнү чечкенин билдирген.

Махатма Гандинин көз айнеги аукциондо 340 миң долларга сатылды

Auctioneer Hansons аукционундагы лоттун баштапкы наркы 50 миң доллардын тегерегинде болгон. Сегиз кардар бааны улам көтөрүп олтуруп, буюм старттык баадан дээрлик он эсеге кымбат сатылган.

Императордук доордогу чайнекти сатып алган адам аты-жөнүн жарыялагысы келбеген Лондондун тургуну болгон.

21
Белгилер:
Улуу Британия, Лондон, Аукцион, чайнек
Тема боюнча
Дүйнөдөгү эң баалуу монета аукционго коюлду. Өзгөчөлүгү эмнеде?