Казакстандын жаңы президенти Касым-Жомарт Токаевдин атасы Кемел Токаев

Токаевдин атасынын Фрунзедеги трагедиялуу турмушу. Китептеги баяндан

7040
(жаңыланган 20:51 20.03.2019)
Токаевдин чоң энеси менен атасынын карындашы Фрунзеде трагедиялуу каза болгон.

БИШКЕК, 20-мар. — Sputnik. Казакстандын жаңы президенти Касым-Жомарт Токаевдин "Слово об отце" китебинде ("Ата тууралуу толгонуу") жазылганына караганда, атасы Кемел Токаевдин Фрунзедеги (азыркы Бишкек) турмушу өтө трагедиялуу болгон.

Книга Касым-Жомарта Токаева Слово об отце
© Sputnik / Владислав Воднев
Казакстандын жаңы президенти Касым-Жомарт Токаевдин "Слово об отце" китеби

Эске салсак, буга чейин белгилүү жазуучу, журналист жана Улуу Ата Мекендик согуштун ардагери Кемел Токаев Фрунзе шаарында чоңойгону аныкталган.

Китепте жазылганына караганда, Кемел Токаев 1923-жылы Алматы облусунун Калпе айылында дыйкандын үй-бүлөсүндө туулган, анын Касым аттуу агасы жана карындашы болгон. Өткөн кылымдын 30-жылдары күч алган коллективдештирүү, анын аркасы менен келген ачарчылык алардын үй-бүлөсүн дагы кыйгап өткөн эмес.

Токаевдер ачарчылыктан качып убактылуу Фрунзе шаарына көчүп келип, алгач бардар үй-бүлөнүн кызматын кылып жашап калышкан. Бир канча убакыт өткөн соң балдардын апасы шал оорусуна кабылат.

Ошондой күндөрдүн биринде атасы Тока уулдары Касым менен Кемелди алып жумуш издеп чыкканда, үйдө калган үч жашар кызы очокко кулап, кыймылдай албаган апасынын көзүнчө чарчап калат.

Тока үйүндө жамандык болгонун сезгенсип кайтып келсе, күйгөн кызы менен күйүтүнө чыдабаган аялы өлүп калган болот. Ал эми атасынын артынан келе жаткан Касым менен Кемелди милиция кармап алып, жетимдер деген ойдо балдар үйүнө жеткирип салат. Экөө ата-энеси бар экенин айтып жалбарганын эч ким укпайт.

Канча убакыт өткөнү белгисиз, айтор, балдар сүйлөшүп алып, улуусу балдар үйүнөн качып чыгат. Жашаган жерин таап барса, андагылар окуяны төкпөй-чачпай айтып берет. Көрсө кызы менен аялын жоготуп, кийин балдарын таппай калган атасы дагы дайынсыз жоголуп кеткен экен.

Касым түнү менен балдар үйүнө кайтып келип, жакындарынан эч кимиси калбаганын инисине айтат. Ошентип бир туугандар бири-бирин колдоп, кубаттап, балдар үйүндө үлгүлүү болуп чоңоюшат. Кийин Шымкент коргошун заводунун алдындагы интернетта билим алышат.

Касым Токаев Советтик Армиянын катарына Улуу Ата Мекендик согуш башталганга чейин чакырылып, 1942-жылы 22-февралда майданда курман болгон.

Агезде тагдыр Кемелди кайрадан балалыгы өткөн Кыргызстанга алып келет. Жаш жигит Фрунзеде жөө аскерлер училищесинде окуп жүрүп, 18 жашында согушка чакырылган.

Бир туугандардын акыркы жолу көрүшкөнүн президент өз китебинде жан дүйнөнү аңтарып кетчүдөй сүрөттөгөн. Мындан улам Кемелдин ата ордуна ата болгон агасына канчалык жакын экенин түшүнүүгө болот.

Демек президентке эмнеге кош ысым берилгени айтпасак деле түшүнүктүү.

Кемел Токаев согуштагы жолун "Сталинград салгылашынан" баштап, Польшага чейин жеткен. Андагы эрдиктери үчүн көптөгөн төш белгилер менен сыйланган.

Согуштан кийин ал журналист болууну чечип, 1945-жылы Казак мамлекеттик университетинин филология факультетине окууга өтөт.

Анын "Келечек тууралуу ой", "Учкун", "Табышмактуу из", "Акыркы сокку", "Жоокер согушка кетти" аттуу чыгармалары эл оозуна алынган.

Жазуучу 1986-жылы 63 жаш курагында дүйнөдөн кайткан.

Белгилей кетсек, кечээ, 19-мартта, Казакстанды 30 жылдай жашкарган президенти Нурсултан Назарбаев отставкага кетип, ордуна парламент сенатынын төрагасы Касым-Жомарт Токаев келген.

7040
Белгилер:
трагедия, үй-бүлө, Касым-Жомарт Токаев, Фрунзе
Тема:
Нурсултан Назарбаевдин отставкасы (22)
Тема боюнча
Назарбаев өмүр бою жетектей турган Коопсуздук кеңеши эмне иш кылат
Казакстандын жаңы президенти Токаевдин атасы Фрунзеде чоңойгон
Лаборатория кызматкерлери. Архив

Казакстан коронавируска каршы вакцина чыгарып, ДССУда талапкер болуп катталды

24
(жаңыланган 21:13 22.09.2020)
Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат.

БИШКЕК, 22-сен. — Sputnik. Казакстан коронавируска каршы колдонулуучу вакцина иштеп чыгып, Дүйнөлүк саламаттык сактоо уюмуна талапкер катары каттады. Бул тууралуу Sputnik Казакстан агенттиги билдирди.

Аталган препарат ийнесиз колдонулуп, мурунга чачыла турганы белгиленет.

Иштеп чыгуу процессине катышып жаткан казакстандык профессор Кайсар Табынов учурда вакцина жаныбарларга сыналып жатканын билдирген.

Россия Кыргызстанга коронавируска каршы вакцина жөнөтүүнү көздөп жатат

Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат. Анын ичинен үчөө клиникага чейинки сыноо стадиясында турса, бирөө ыктыярчыларга сынала баштаган.

24
Белгилер:
Дүйнөлүк саламаттыкты сактоо уюму, Казакстан, вакцина
Тема:
Дүйнөгө жайылган коронавирус
Тема боюнча
Кыргызстанда COVID-19га каршы вакцинаны биринчи кимдер алат
ДССУ COVID-19га каршы чыгарылып жаткан вакциналардын санын айтты
Жайлоо. Архив

Шаршембиге карата аба ырайы

14
(жаңыланган 21:03 22.09.2020)
23-сентябрда түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден Ысык-Көл менен Нарында 15-20 метрге жетет.

БИШКЕК, 22-сен. — Sputnik. Шаршемби күнү, 23-сентябрда, күндүз өлкөнүн тоолуу райондорунда жамгыр, кар, бийик тоолуу жерлеринде кар жаайт. Талас, Баткен облустарында күн ачык болот. Бул тууралуу Кыргызгидромет билдирди.

Абанын температурасы Чүй менен Таласта +18...+23, Ош, Жалал-Абад, Баткен облустарында +21...+26, Ысык-Көл жана Нарын жергесинде +13...+18 градус болот.

Күндүн табы борборубуз Бишкекте +21...+23, Ош калаасында +24...+26 градуска көтөрүлөт.

14
Белгилер:
Кыргызстан, аба ырайы
Тема боюнча
Күн сууктайбы? Бир жумага карата аба ырайы
Кыштын илеби жакындап... Октябрь айына карата аба ырайы