Пострадавший во время взрыва на АЗС в городе Ош

Ош: май куюучу жайда жарылуу болгону айтылууда, бир киши жабыркады

649
(жаңыланган 10:13 21.03.2019)
Күбөлөр күйүүчү май куюучу жайда жарылуу болгонун айтууда, ал эми ӨКМ өрт чыкканын билдирген.

БИШКЕК, 20-мар. — Sputnik. Ош шаарындагы күйүүчү май куюучу жайдан чыккан өрттөн бир киши жаракат алып ооруканага жеткирилди. Бул туурасында Өзгөчө кырдаалдар министрлиги билдирди.

Жабыркаган 59 жаштагы киши Облустар аралык оорукананын күйүк бөлүмүнө жаткырылып, абалы орто экени айтылат.

Буга чейин калаанын Түштүк-Чыгыш кичирайонуна кире бериштеги Oktan Service аталышындагы күйүүчү май куюучу станциядан өрт чыкканы кабарланган.
Окуянын күбөлөрү жерине барган кабарчыга өрттөн мурун жарылуу болгонун айтышууда. Мындан улам жанындагы көп кабаттуу үйдүн подъездинин терезелери сынып кеткен.

Өрт тууралуу 101 кызматына саат 20.16да чакыруу түшкөн. Тилсиз жоо менен кармашууга жети өрт өчүрүүчү унаа тартылып, саат 22.10до чектөөгө алынды.

Ал ортодо Ош шаарынын мэри Таалайбек Сарыбашев кырсык болгон жерге барып калаадагы май куюучу жайлардын коопсуздугун текшерип чыгууга тапшырма бергенин маалымат кызматы билдирди.

  • Пожарный расчет на месте взрыва на АЗС в городе Ош
    Ош шаарындагы күйүүчү май куюучу жайдан чыккан өрттөн бир киши жаракат алып ооруканага жеткирилди
    © Sputnik / Зульфия Тургунова
  • Разбитые окна из-за взрыва на АЗС в городе Ош
    Окуянын күбөлөрү жерине барган кабарчыга өрттөн мурун жарылуу болгонун айтышууда
    © Sputnik / Зульфия Тургунова
  • Разбитые окна из-за взрыва на АЗС в городе Ош
    Мындан улам жанындагы көп кабаттуу үйдүн подъездинин терезелери сынып кеткен.
    © Sputnik / Зульфия Тургунова
1 / 3
© Sputnik / Зульфия Тургунова
Ош шаарындагы күйүүчү май куюучу жайдан чыккан өрттөн бир киши жаракат алып ооруканага жеткирилди

Мэр андан кийин жаракат алган кишинин абалын сураганы ооруканага барганы айтылат.

649
Тема боюнча
Ошто күйүүчү май куюучу жайдан өрт чыкты. Жеринен видео
Өрт кампадан чыгып, анан КамАЗга жармашты. Күбө окуя кандай болгонун айтып берди
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

5
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

5
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет
Чу дарыясы. Архивдик сүрөт

Шейшембиге карата аба ырайы

3
(жаңыланган 21:01 28.09.2020)
Шейшембиге караган түнү Ысык-Көл, Ош, Баткен облустарынын тоо этектеринде жамгыр, тоолуу райондорунда кар жаашы күтүлөт.

БИШКЕК, 28-сен. — Sputnik. Шейшемби күнү, 29-сентябрда, күндүз Баткен облусунун кээ бир райондорунда, Ош, Жалал-Абад облустарынын тоо этектеринде жаан жаап, тоолуу райондорунда кар түшөт. Ал эми өрөөндөрүндө жаан-чачын күтүлбөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жана Ысык-Көл аймактарында +14...+19, Ош, Жалал-Абад, Баткен облустарында +16...+21 градус болору айтылды.

Күндүн табы борбор калаабыз Бишкекте +18...+20, Ош шаарында +19...+21 градус жылыйт.

3
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы