Ак-Суу райондук балдар үйү быйыл 16-жолу элге сүмөлөк таратууда

172
(жаңыланган 12:58 21.03.2019)
Учурда аталган балдар үйүндө 3 жаштан 18 жашка чейинки балдар-кыздар тарбияланат.

БИШККЕ, 21-мар. — Sputnik. Ысык-Көл облусунун Ак-Суу районунда жайгашкан 38 бала тарбияланып жаткан балдар үйү быйылкы Ноорузду кошкондо 16 жыл катары менен сүймөлөк кайнатты.

Аталган жайдын башчысы Жеңишкүл Ниязованын айтуусунда, алар 16 жылдан бери сүмөлөк кайнатып, Ноорузда район борбору Теплоключенко айына майрамдоо үчүн чыккан элге тартуулап келет. 

© Sputnik
Ысык-Көл облусунун Ак-Суу районунда жайгашкан 38 бала тарбияланып жаткан балдар үйү быйылкы Ноорузду кошкондо 16 жыл катары менен сүймөлөк кайнатты

"Сүмөлөк Нооруздагы эң негизги даам эмеспи. Уламыш боюнча ал жесир аял балдарынын курсагы ачканда 41 ташты, буудайды сууга кайната берип, эртеси ойгонсо, баягы таштар таттуу тамакка айланып калганы айтылган. Биз дагы жалпы жамаат балдар менен бирге жакшы тилектерди айтып, кайнатабыз. Кечээ эртең мененки саат сегизден кечки саат сегизге чейин кайнатып, жаап койдук. Нооруз тазалануунун, кайра жаралуунун, жаңылануунун майрамы. Бизде Ноорузда дайыма жакшы тилек менен сүмөлөктү элге таратуу салт болуп калган", — деди Ниязова.

Учурда аталган балдар үйүндө 3 жаштан 18 жашка чейинки 38 бала тарбияланууда.

172
Белгилер:
Сүмөлөк, балдар үйү, Нооруз, Ак-Суу, Кыргызстан
Тема боюнча
Ноорузду Кыргызстанда кантип майрамдашууда. Учурда эмне болуп жатат
Облус башчысы, мэр жана министр сүмөлөк кайнатты. Оштогу кадыр түндүн сүрөттөрү
Оңдоо иштери жол белгиси. Архив

Финпол: Ошто 43 млн. сом бөлүнгөн жолдун курулушу бүтпөй калган

33
(жаңыланган 12:09 02.12.2020)
Бүгүнкү күндө жол пайдаланууга бериле элек, ал эми аткарылбай калган жумуштун чыгымы 13 миллион сом деп бааланууда.

БИШКЕК, 2-дек. — Sputnik. Ошто 42,9 миллион сомдон ашык каражат бөлүнгөн Кең-Сай жаңы конушуна кетчү жолду аягына чейин курбай коюшкан. Бул тууралуу Экономикалык кылмыштарга каршы күрөшүү боюнча мамлекеттик кызматтан (Финансы полициясы) билдиришити.

Финансы полициясы бюджеттик каражатты уурдоо фактысы боюнча тергөө иштерин жүргүзүп жатат.

Мурдагы вице-премьер Тайырбек Сарпашев. Архив
© Пресс-служба президента КР / Султан Досалиев
Маалым болгондой, Ош облусунун Капиталдык курулуш башкармалыгы жеке ишкана менен келишим түзгөн. Ага Кең-Сай конушуна кирүүчү жана айыл ичиндеги жолдорду куруу боюнча 42,9 миллион сомдон ашык акча которгону аныкталды. Бирок бүгүнкү күндө объект пайдаланууга бериле элек, ал эми аткарылбай калган жумуштун чыгымы 13 миллион сом деп бааланууда.

Жазык-процесстик кодексинин 98-беренесине ылайык, жеке ишкананын жетекчиси П.Т. аттуу жаран кармалган.

Учурда тергөө иштери жүргүзүлүп, аталган ишкананын кызыкчылыктарын коргоого тиешеси бар адамдар аныкталып жатат. Ошондой эле мамлекеттик бюджетке каражаты кайтартуу боюнча иштер жүрүүдө.

33
Белгилер:
коррупция, курулуш, жол, финансы полициясы, Ош
Тема боюнча
23 млн. доллар... Финпол кылмыштуу кирешени адалдаган схеманы аныктады
Финпол бюджетке зыян келтирген ишканадан 281 млн. сом өндүрдү

Жол тазалоочу техника жетпейт. Бишкек Ош трассасынын кышка даярдыгы текшерилди

25
(жаңыланган 11:59 02.12.2020)
Комиссия "Сосновка" постунан "Арал" постуна чейинки ашууларды тейлеген мамлекеттик кызматтардын кышка даярдыгын карап чыккан.

Бишкек — Ош жолунун кышка даярдыгы текшерилди. Бул тууралуу ӨКМдин маалымат кызматы кабарлады.

Ага ылайык, өзгөчө кырдаалдар министринин тапшырмасы менен атайын комиссия түзүлгөн. Алар Чүй облусунун Жайыл районундагы "Сосновка" постунан Жалал-Абад облусунун Токтогул районундагы "Арал" постуна чейинки ашууларды тейлеген мамлекеттик кызматтардын кышка даярдыгын карап чыгышкан.

"Текшерүүнүн негизинде бир топ көйгөйлүү маселелер бар экени аныкталган. Алсак, жол тазалоочу, кум чачуучу атайын техника жетишсиз болуп, жолго кум кол менен чачылып жаткан. Айрым жүк ташуучу унаалар кышка даярдыгы жок ашууларда калып калган. Комиссия тамак-аш берилүүчү жана жылына турган пунктулардын да даярдыгын көргөн. Жыйынтыгында "Арал" постундагы жылынуучу пункт кышка толук даяр эместиги аныкталган", — деп айтылат маалыматта.

ӨКМ айдоочуларга кайрылып, алыс жолго, тоолуу аймактарга чыгарда аба ырайына көңүл бурууну суранды. Ошондой эле зарылчылык жок болсо, шашылыш билдирүү берилгенде жолго чыкпай турууну сунуштаган.

25
Белгилер:
Бишкек – Ош жолу, комиссия, текшерүү, ашуу, жол, унаа, Бишкек, ӨКМ
Тема боюнча
Кыргызстандагы бардык жолчуларга күнү-түнү иштөө милдети жүктөлдү