Уктоочу бөлмө. Архив

Өзүмөн кичүү жигит менен жашайм, бирок корком... Аялдын каты

5350
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында жаш баланы үстүнө киргизип алган аялдын каты жарыяланды.

Өмүрүмдү жумушка арнап койгом. Жашым 40тан ашты, ишкерлик менен алектенем. Сыртка товар экспорттоп, соода кылам. Өзүм эле эмес, бир туугандарымды да бутуна тургуздум. Айтор, жашоом жакшы.

20 жашымда турмушка чыгып кайын журт, күйөөм менен жылдызым келишпей, бир жылдан кийин ажырашып кеткем. Балалуу да болгон эмеспиз. Ошондон баштап белимди бекем бууп алып иш деп жүрүп 40 жаштан кантип өтүп кеткенимди билбей калдым.

Былтыр өзүм менен чогуу иштешип жүргөн бала менен ымалабыз келишип чогуу жашап калганбыз. Ал менден 7 жаш кичүү. Ал да аялы менен аз эле жашап ажырашып кетиптир. Өзү билимдүү, тартиптүү, жакшы бала. Бирок ал баланы мен жакшы көрөм. Ал дагы мени сыйлап, жакшы көрөрүн айтат. Балалуу болууну ойлоп жүрөм, пландап жатабыз.

Бирок бирге турушубузга экөөбүздүн тең ата-энелерибиз каршы чыккан. Апам "жаш бала сенин акчаңа карап эле жүрөт, убакыт өтсө таштап кетет" деп көп айтат. Жакында эле анын да апасы келип "баламдын башын айландырып алгансың" деген ар кандай сөздү айтып кетти. Ошондон бери эмне кылышты билбей жүрөм.

Көп эле жолу белек-бечкегимди берип кайын журтума жакшы мамиле жасоого аракет кылдым. Бирок таптакыр кабыл албай коюшту.

Психологго кайрылып жаткан себебим да ушул. Негизи эле жаш бала менен жашап жатканымдын өзү туурабы? Бала төрөп берип, никебизди расмий түрдө каттатсак, ата-энеси кабыл алабы? Же убара болбой эле мамилебизге азыр чекит коюшум керекпи?

Психолог Кадиян Бообекова

Өзүңүздөн кичүү бирѳѳ менен жашап жатканыӊызга айланадагылар каршы болуп жатат деп коркуп жатыпсыз. Негизи жеке жашооңузга туугандарды аралаштырбаш керек эле. Бирок алардын жүгүн кошо артып жүрүп аралаштырганга көнүп алсаңыз керек.

Жаныңыздагы киши менен жарандык никедебиз деп жатасыз. Муну менен анын да жүгүн кошо тартып жаткан жоксузбу? Ага ишенесизби? Эгер ишенсеңиз, анда кооптонуунун кереги жок. Толук кандуу үй-бүлө болуш үчүн расмий никеге туруш керек. Эгер ага чогуу жашаган адам макул болбосо, демек анын сиз менен түбөлүк жашоо оюнда жок.

Расмий нике болгондо гана чыныгы үй-бүлө курулду деп эсептелип, мыйзам алдында да жоопкерчилик болот. "Карысам таштап кетпейби?" дейсиз. Ага эми эч ким кепилдик бере албайт. Бул эми башка маселелер менен салыштыра келгенде чоң деле көйгөй эмес. Анткени ортосунда жаш айырмачылыктар менен жакшынакай деле жашап жаткан бүлөлөр бар. Башкысы чогуу жашап жаткан адам расмий никеге туруп, жоопкерчилик алганга даярбы? Сиз дагы аны күйөө катары эсептеп, аны менен бирге түтүн булатып, анын аялы болууга даярсызбы? Анализдеп көрүңүз.

Балким жөн гана көнүп калуудур же кийин жалгыз калуудан коркуп эле бул адам менен жашап жаткандырсыз. Ички сезим-туюмдарга таянып так анализ жасаңыз. Мындай учурда адам өзү ары-бери жагын карашы керек. Эгер ал адам сизди чындап эле жакшы көрүп, түбөлүк жашоого даяр болсо, ал көзүнөн, жасаган мамилесинен эле билинип калат. Ошол нерсени да байкап көрүңүз.

Эң башкысы, экөөңөр кандай чечим кабыл алсаңар да ата-эне балдарынын бактылуу болушун гана каалайт. Ошондуктан жаш кыз эмессиз. Бардык нерсени экөөңөр гана чечесиңер. Ачык сүйлөшүп, эгер чындап эле бирге түтүн булатууга даяр болсоңор, никеңерди расмий каттатып толук кандуу үй-бүлө болушуңар керек.

5350
Белгилер:
психолог, аял, үй-бүлө
Тема:
Психолог менен баарлашуу (158)
Тема боюнча
Тойдо 100 орун бербесеңер, кызды албайсыңар! Азыркы кудалардын трагедиясы
Ата-энемди таштап, аялым менен жашап жатам... Айласы кеткен кишинин баяны
Кайын журтума эки күйөөдөн чыкканымды кантип айтам? Жаш келиндин каты
Жон терим менен сездим. Медицинаны акы төлөөгө өткөрүү керек экен
Стаканга суу алып жаткан адам. Архив

Диетолог суу тууралуу мифтерди жокко чыгарды

25
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

25
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

13
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

13
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет