БИШКЕК, 27-мар. — Sputnik. Россиянын ар кайсы шаарларында 15 563 кыргызстандык жогорку билим алууда. Бул тууралуу Россиянын илим жана жогорку билим берүү министри Михаил Котюков "Илим жана билим берүүнү өнүктүрүү — келечекке инвестиция" форумунда айтты.
"Алардан тышкары эки өлкөнүн биргелешкен Кыргыз-Россия Славян университетинде 11 миң адам окуйт. Бүгүн кол коюлган документтердин алкагында кызматташтык күчөп, мындан ары дагы тыгыз иштешебиз", — деди Котюков.
Аталган иш-чарага Кыргызстан менен Россиянын 70 жогорку окуу жайынын ректорлору чогулган. Анда жалпысынан Кыргызстан менен Россиянын алдыңкы окуу жайларынын ортосунда кызматташуу боюнча бир нече документке кол коюлмакчы.
